«قازاقستان» رترك» اق-نىڭ كەڭەيتىلگەن القا ماجىلىسىندە باسقارما ءتورايىمى نۇرجان مۇحامەدجانوۆا «شىن جۇرەكتەن» قايىرىمدىلىق تەلەمارافونىنىڭ جالعاساتىنىن مالىمدەدى.
«2016 جىلدىڭ ءساۋىر ايىندا «قازاقستان» رترك» اق قازاقستان حالقى اسسامبلەياسىمەن بىرلەسىپ, «شىن جۇرەكتەن» كەڭ اۋقىمدى قايىرىمدىلىق تەلەمارافونىن جۇزەگە اسىردى. ول مۇقتاج جاندارعا تەگىن كومەك كورسەتۋدى كوزدەدى. جوبا اياسىندا اۋىر ناۋقاسقا ۇشىراعان جانە تاعدىر تاۋقىمەتىن تارتقان قازاقستاندىقتارعا كومەك قارجىسى جينالدى. مارافون قورىتىندىسى بويىنشا 41 ميلليون تەڭگەگە جۋىق قاراجات تارتىلدى. بارلىعى مىڭنان استام ءوتىنىش كەلىپ ءتۇستى. ءبىز بۇل جوبانى جالعاستىرعىمىز كەلەدى. 29 قىركۇيەكتە قازاقستان حالقى اسسامبلەياسىمەن بىرلەسىپ, تاعى ءبىر قايىرىمدىلىق تەلەمارافونىن وتكىزەمىز», - دەدى نۇرجان جالاۋقىزى.