"12 قىركۇيەكتە ءوزىمىز وندىرگەن 100 ءبولىمدى "ايمان-شولپان" تەلەسەريالىنىڭ پرەمەراسى بولادى" دەدى "قازاقستان" رترك» اق-تىڭ باسقارما ءتورايىمى نۇرجان مۇحامەدجانوۆا. بۇل تۋرالى ول اقپارات جانە كوممۋنيكاتسيالار ءمينيسترى داۋرەن اباەۆتىڭ قاتىسۋىمەن كەڭەيتىلگەن القا ماجىلىسىندە ءمالىم ەتتى. مۇحامەدجانوۆانىڭ ايتۋىنشا, سەريالدىڭ سيۋجەتى وتباسى ينستيتۋتىن نىعايتۋعا باعىتتالعان. ء"بىزدىڭ جاڭا تەلەجوبالارىمىزدىڭ بارلىعى كورەرمەندەردىڭ جۇرەگىنە جول تاۋىپ, كەيىپكەرلەرىمىز كوزايىمعا اينالاتىنىنا سەنىمدىمىز. سونىمەن قاتار, ەل تىنىشتىعىن كۇزەتىپ جۇرگەن ساقشىلار تۋرالى 16 ءبولىمدى «شەكارا شەگىندە» تەلەحيكاياسى ەفيرگە شىعادى", - دەدى ن.مۇحامەدجانوۆا. ال "بالاپان" تەلەارناسىنىڭ كىشكەنتاي كورەرمەندەرى «ءالي مەن ايا», «سالەم, قازاقستان!», «دانىشپان قارعا» انيماتسيالىق فيلمدەرىنىڭ جالعاسىن كورە الادى. «ويلان, تاپ!», «مىڭ ءتۇرلى سۇراق», «بىرگە – ءبىر» جوبالارى دا جاڭا شىعارىلىمدارىمەن كورەرمەندەردى قۋانتپاق. تاۋەلسىزدىگىمىزدىڭ 25 جىلدىعىنا وراي «جىل تاڭداۋى», «بالاپان جۇلدىز» مەگا-جوبالارى ەفيرگە شىعادى» دەدى باسقارما ءتورايىمى. ونىڭ سوزىنە قاراعاندا, "قازاقستان" ۇلتتىق تەلەارناسى جاساعان تەلەحيكايالار شەتەلدە جوعارى سۇرانىسقا يە. «كورەرمەندەر ىقىلاسىنا بولەنگەن «سىرعالىم», «قاسىم», «جامبىل» كوركەم تەلەحيكايالارى بۇگىندە رەسەي, تاتارستان, اقش, كيپر مەن سلوۆەنيا ەلدەرىندە كورسەتىلۋدە".
•
07 قىركۇيەك, 2016
جاقىندا 100 سەريالى "ايمان-شولپان" تەلەسەريالى باستالادى
490 رەت
كورسەتىلدى