ىشكى ىستەر مينيسترلىگى توتەنشە جاعدايلار كوميتەتىنىڭ حابارلاۋىنشا, اتىراۋ, اقتوبە, ماڭعىستاۋ وبلىستارىندا اپتاپ ىستىق كۇتىلەدى. ال رەسپۋبليكاسىنىڭ باسىم بولىگىندە اۋا رايى جاۋىن-شاشىنسىز بولادى. تەك ەلىمىزدىڭ وڭتۇستىك شىعىسى جانە سولتۇستىك-باتىسىندا اتموسفەرالىق فرونتالدى بولىكتەردىڭ وتۋىنە بايلانىستى كەي جەرلەرىندە جاڭبىر جاۋىپ, نايزاعاي وينايدى. سونىمەن قاتار, وڭتۇستىك-شىعىستا بۇرشاق جاۋى مۇمكىن. وڭتۇستىك پەن باتىستا جەل كۇشەيىپ, شاڭدى داۋىل بولادى.
سولتۇستىك جانە ورتالىق قازاقستاندا تۇندە جانە تاڭەرتەڭ تۇمان تۇسەدى.
وڭتۇستىك قازاقستان, قىزىلوردا, ماڭعىستاۋ, اتىراۋ وبلىستارىنىڭ كەي جەرلەرىندە جەل 15-20 م/س كۇشەيەدى, شاڭدى داۋىل تۇرادى. سونداي-اق جامبىل وبلىسىنىڭ كەيبىر اۋماعىندا كۇندىز جەل 16-21 م/س كۇشەيىپ, بۇرشاق بولۋى ىقتيمال.
كۇندىز الماتى وبلىسىندا جەل 15-20 م/س كۇشەيەدى.
ايتا كەتەيىك, اقتوبە, قىزىلوردا, وڭتۇستىك قازاقستان, اتىراۋ, باتىس قازاقستان, قاراعاندى, قوستاناي, جامبىل, الماتى وبلىستارىندا وتە جوعارى ءورت قاۋىپى ساقتالادى.
تالعات رايىمبەك