جۇلدەلەر جيىنتىعى
№ قۇرامالار التىن كۇمىس قولا بارلىعى 1 اقش 46 37 38 121 2 ۇلىبريتانيا 27 23 17 67 3 قىتاي 26 18 26 70 4 رەسەي 19 18 19 56 5 گەرمانيا 17 10 15 42 6 جاپونيا 12 8 21 41 7 فرانتسيا 10 18 14 42 8 وڭتۇستىك كورەيا 9 3 9 21 9 يتاليا 8 12 8 28 10 اۆستراليا 8 11 10 29 21 وزبەكستان 4 2 7 13 22 قازاقستان 3 5 9 17 31 ۋكراينا 2 5 4 11 38 گرۋزيا 2 1 4 7 39 ازەربايجان 1 7 10 18 40 بەلارۋس 1 4 4 9 42 ارمەنيا 1 3 0 4 58 تاجىكستان 1 0 0 1 69 ليتۆا 0 1 3 4 78 مولدوۆا 0 0 1 1 78 ەستونيا 0 0 1 1جامبىل جامپوزىن قارسى الدى
جامبىل جۇرتشىلىعى ريو-دە-جانەيرودا وتكەن ءحححى جازعى وليمپيالىق ويىنداردىڭ كۇمىس جۇلدەگەرى ەلدوس سمەتوۆتى ەرەكشە قۇرمەتپەن كۇتىپ الدى. سالتاناتتى شارا تاراز – الماتى باعىتىنداعى قالا قاقپاسىندا باستاۋ الىپ, قازاقستان رەسپۋبليكاسى تۇڭعىش پرەزيدەنتى اتىنداعى ساياباقتا جالعاسىن تاپتى. جامبىل وبلىسىنىڭ جۇرتى ەل قورجىنىنا العاشقى كۇنى-اق جۇلدە سالعان جامپوزىن قارسى الۋعا كوپتەپ كەلدى. – وبلىستان بايراقتى باسەكەلەردە توپ جارعان جاقسىلىق ءۇشكەمپىروۆ, يسلام بايرامۋكوۆ, باقتيار ارتاەۆ, بولات ءجۇمادىلوۆ, اقجۇرەك تاڭاتاروۆ سەكىلدى تالاي تارلاندار شىققان. مىنە, ەندى سەن دە وسى تۇلعالاردىڭ قاتارىنا قوسىلىپ, تورتكۇل دۇنيە كوز تىككەن الاماندا قازاق ەلىنىڭ تۋىن كوككە جەلبىرەتتىڭ. سەنىڭ جەڭىسىڭە بۇكىل قازاق ەلى, جامبىل جۇرتى ءدان ريزا. سەنى شىن جۇرەكتەن قۇتتىقتاي وتىرىپ, الدا ءالى تالاي بەلەستەردى باعىندىرۋىڭا تىلەكتەسپىز, – دەگەن تاراز قالاسىنىڭ اكىمى نۇرجان كالەندەروۆ ەلدوس سمەتوۆ پەن جاتتىقتىرۋشىسىنا شاپان جاپتى. ال جامبىل وبلىستىق ارداگەرلەر كەڭەسىنىڭ توراعاسى ەركىنبەك سولتىباەۆ ەلدوسقا ەل بولىپ جانكۇيەر بولعانىن ايتا وتىرىپ, اق باتاسىن بەردى. وليمپيادانىڭ كۇمىس جۇلدەگەرى ءوز كەزەگىندە بارشا جانكۇيەرلەرگە العىس ءبىلدىردى. – ارمىسىڭ قازاق ەلى, جامبىل جۇرتى! ەڭ ءبىرىنشى جاراتقانعا, ودان سوڭ اتا-اناما العىسىم شەكسىز. جاتتىقتىرۋشىلارىمنىڭ ەڭبەگىن دە باسا ايتقىم كەلەدى. ماعان جانكۇيەر بولىپ, سەنىم ارتقان بارشا جانكۇيەرلەرگە راحمەت! الدا تالاي جەڭىسىمنىڭ كۋاسى بولاسىزدار دەپ ويلايمىن! – دەدى ەلدوس. سالتاناتتى شارا سوڭىندا تۇرعىندار ەلدوس سمەتوۆپەن ەستەلىك سۋرەتكە ءتۇستى. ورالحان ءداۋىت, «ەگەمەن قازاقستان» تاراز«يۆان سەنىمدى اقتادى»
ەل قورجىنىنا قولا مەدال سالعان بوكسشى يۆان دىچكو قوستاناي وبلىسىنا قاراستى رۋدنىي قالاسىندا تۇرادى. بىلعارى قولعاپ شەبەرىنىڭ اتا-اناسى فەدور يۆانوۆيچ پەن ولگا ۆلاديميروۆنا, كەلىنشەگى مارينا مەن قىزى ميروسلاۆا ونىڭ رينگتەگى شايقاستارىن تەلەديداردان كورىپ, جانكۇيەر بولدى. ەل مەن ەردىڭ نامىسى تارازىعا تۇسكەن ساتتە سپورتشىنىڭ اكەسى فەدور يۆانوۆيچ ەرەكشە تولقىعان ەكەن. – فەدور يۆانوۆيچ, ۇلىڭىز شارشى الاڭعا شىققاندا قانداي سەزىمدە بولدىڭىز؟ – مەن بالامنىڭ رينگتەگى بارلىق كەزدەسۋلەرىن تىكەلەي ەفيردەن كوردىم. ونىڭ قارسىلاستارى كولدەنەڭ كوك اتتىنىڭ ءبىرى ەمەس. شەتىنەن مىقتى, قيمىلى شيراق جۇيرىكتەر. سونداي قارسىلاستارعا تويتارىس بەرىپ, جەڭىس تۋىن ج ۇلىپ الۋ ايتۋعا عانا وڭاي. جارتىلاي فينالداعى باسەكەدە قاتتى قوبالجىدىم. جەكپە-جەك باستالاردىڭ الدىندا يۆانمەن Skype جەلىسى ارقىلى سويلەسكەن ەدىم. ول ريو-2016 وليمپياداسىنىڭ ءجونى بولەك ەكەنىن ايتتى. سوندىقتان, بريتانيالىق بوكسشى دجوي دجويسپەن وتەتىن كەزدەسۋگە بارىنشا مۇقيات دايىندالدى. رينگتەگى شايقاستى يۆاننىڭ كەلىنشەگى مارينا مەن نەمەرەم ميروسلاۆا كورىپ, قولداۋ كورسەتتى. ال اناسىنىڭ قوبالجىعانى سونشا, كوگىلدىر ەكران الدىنا جاقىندامادى. نەمەرەم الداعى جەلتوقسان ايىندا ەكى جاسقا تولادى. ول ءالى بالا عوي. اكەسىنىڭ بوكسشى ەكەنىن تۇسىنبەيدى. بىراق تەلەديداردان كورگەندە قولىن شاپالاقتاپ, ءماز بولدى. – يۆاننىڭ جۇلدە الاتىنىنا سەندىڭىز بە؟ – ارينە. مەن جۇلدە الاتىنىنا سەندىم. ول سەنىمدى اقتادى. وليمپيادا مەدالىن التىن, كۇمىس نە قولا دەپ ءبولمەيمىن. ەڭ ماڭىزدىسى, ول جۇلدە الدى. سپورت – ءومىردىڭ ءبىر بولشەگى. سوندىقتان, قۋانىشتى ساتتەرىمەن قاتار «اتتەگەن-اي» دەيتىن تۇستارى دا بولادى. سپورت دەگەنىمىز – باقتالاس, جانتالاس. بىردە باق شابادى, بىردە باپ شابادى. يۆاننىڭ جارتىلاي فينالداعى جەكپە-جەگىنە كوڭىلىم تولادى. ول ەلىمىزدىڭ كوك بايراعىن ريو تورىندە جەلبىرەتتى. مەن وسىنداي باتىر ۇلىمدى ماقتان تۇتامىن. بۇل جەڭىس – بارشا قازاقستاندىقتاردىڭ جەڭىسى. يۆاننىڭ جاتتىعۋىنا كوڭىل ءبولگەن ءبىر توپ ازاماتتاردىڭ ەڭبەگى. – بوكسشى اتا-اناسىنىڭ تىلەگى قانداي؟ – ريو-دە-جانەيرو مەن ءبىزدىڭ ەلىمىزدىڭ اراسىنداعى ۋاقىت ايىرماشىلىعى سەگىز ساعات. ول بىزدەن جىراقتا جۇرسە دە, ءجيى-ءجيى حابارلاسىپ تۇرادى. ءبارىمىزدى الاڭداتقان ۇيقىسىز تۇندەر ارتتا قالدى. ارقادان ءبىر جۇك تۇسكەندەي بولدى. ساناۋلى كۇندەردەن سوڭ يۆان ءوز ورتامىزعا ورالادى. سول كۇندى اسىعا كۇتىپ ءجۇرمىز. ەلىمىزدىڭ ابىرويىن اسقاقتاتار سپورتشىلارىمىزدىڭ سانى كوبەيە بەرسىن. العا, قازاقستان! اڭگىمەلەسكەن قىمبات دوسجانوۆا قوستاناي