استانادا وتەتىن ەكسپو-2017 حالىقارالىق كورمەسىنە وڭىردەن 220 ەرىكتىنىڭ قاتىساتىنى بەلگىلى بولدى. بۇل تۋرالى ورتالىق كوممۋنيكاتسيالار قىزمەتىنىڭ جەرگىلىكتى فيليالىندا وتكەن بريفينگتە «جاس وتان» جاستار قاناتى وبلىستىق قۇرىلىمىنىڭ جەتەكشىسى مۇسا تاناقۇلوۆ ءمالىم ەتتى.
ونىڭ ايتۋىنشا, جاڭادان قۇرىلعان «ەرىكتىلەر مەكتەبى» قاناتقاقتى جوباسى اياسىندا اتقارىلاتىن جۇمىستار قىرۋار. بۇگىنگى كۇنى ەرىكتىلەر ءۇش كەزەڭنەن تۇراتىن مودۋلدىك وقۋ جۇيەسىنە تارتىلىپ, 120 جاس العاشقى ىرىكتەۋدەن سۇرىنبەي وتكەن. تەگىن ترەنينگتەردە ۇمىتكەرلەر اعىلشىن ءتىلىن ۇيرەنىپ, قازاقستان تاريحىنان, ۇلتتىق-مادەني قۇندىلىقتار جايلى كەڭ ماعلۇماتتار الادى. سونىمەن قاتار, پسيحولوگيالىق ازىرلىكتەرگە دە باسىمدىق بەرىلەدى. دارىستەر وقۋعا تاجىريبەلى ماماندار تاڭداپ الىنعان.
ىرىكتەۋ شارالارىنا كەز كەلگەن سولتۇستىكقازاقستاندىق قاتىسا الادى. ولارعا ءتىل ءبىلىمىن انىقتايتىن سۇحباتتاسۋ, كۇيزەلىسكە توزىمدىلىك سەكىلدى جوعارى بىلىكتىلىك تالاپتارى قويىلادى. سىننان سۇرىنبەي وتكەندەر قاتارىن 18 جانە 60 جاس ارالىعىنداعى ازاماتتار قۇرايدى. ولاردىڭ اراسىندا جاستارعا مول مۇمكىندىك بەرىلىپ وتىر, دەيدى ەكسپو-2017 ەرىكتىلەرىنىڭ ۇيلەستىرۋشىسى دارينا باشەنوۆا.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى