قازاقستان پرەزيدەنتى نۇرسۇلتان نازارباەۆ ريو-دە-جانەيروداعى وليمپيا ويىندارىنداعى جەڭىسىنە بايلانىستى دانيار ەلەۋسىنوۆكە قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
نۇرسۇلتان نازارباەۆ د.ەلەۋسىنوۆتى بوكستان جەڭىپ العان التىن مەدالىمەن قۇتتىقتادى.
«جىلدار بويى تىنىمسىز توگىلگەن تەر مەن زور قاجىر-قايراتتىڭ جانە ۇلكەن شەبەرلىكتىڭ ءناتيجەسىندە دۇنيەجۇزىلىك سپورت دوداسىندا قول جەتكىزىلگەن بۇل جەڭىس بارشا قازاقستاندىقتارعا شەكسىز شاتتىق سىيلادى. بۇل جەڭىس وسى باسەكەنى تاماشالاعان مىڭداعان ءجاسوسپىرىمنىڭ سپورتپەن اينالىسا باستاۋىنا, ولاردىڭ شىنىققان شىمىر بولىپ وسۋىنە جانە ماقساتتى ءومىر سۇرۋىنە جاڭا سەرپىن بەرەتىنى ءسوزسىز», – دەلىنگەن جەدەلحاتتا.
مەملەكەت باسشىسى سپورتشىعا زور دەنساۋلىق پەن باقىت, جاڭا جەڭىستەر مەن جەتىستىكتەر تىلەدى.