2016 جىلعى 22 قاڭتار,استانا قالاسى
ەكستەرنات نىسانىندا وقىتۋ قاعيدالارىن بەكىتۋ تۋرالى
«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 46-10) تارماقشاسىنا سايكەس بۇيىرامىن:
1. قوسا بەرىلىپ وتىرعان نەگىزگى ورتا جانە جالپى ورتا ءبىلىم بەرۋ باعدارلامالارىن ىسكە اسىراتىن ورتا ءبىلىم بەرۋ ۇيىمدارىندا ەكستەرنات نىسانىندا وقىتۋ قاعيدالارى بەكىتىلسىن.
2. مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى (ج. جونتاەۆا) زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ كوشىرمەسىن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى;
3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇنى ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ە.ن. يمانعاليەۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ءبىلىم جانە عىلىم ءمينيسترى ا. ءسارىنجىپوۆ
قازاقستان رەسپۋبليكاسى ءبىلىم جانە عىلىم ءمينيسترىنىڭ
2016 جىلعى 22 قاڭتارداعى №61 بۇيرىعىمەن بەكىتىلگەن
ەكستەرنات نىسانىندا وقىتۋ قاعيدالارى
1. جالپى ەرەجەلەر
1. وسى ەكستەرنات نىسانىندا وقىتۋ قاعيدالارى (بۇدان ءارى – قاعيدا) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 46-10) تارماقشاسىنا سايكەس ازىرلەندى جانە ورتا ءبىلىم بەرۋ ۇيىمدارىندا ەكستەرنات نىسانىندا وقىتۋ ءتارتىبىن ايقىندايدى.
2. وسى قاعيدادا مىناداي ۇعىمدار پايدالانىلادى:
ەكستەرنات - ءبىلىم الۋشى ساباققا ۇنەمى قاتىسپاي-اق, ءتيىستى ءبىلىم بەرۋ باعدارلاماسىنىڭ وقۋ پاندەرىن ءوز بەتىمەن وقيتىن وقىتۋ نىساندارىنىڭ ءبىرى;
ەكستەرن - دەنساۋلىعىنا بايلانىستى ورتا ءبىلىم بەرۋ ۇيىمدارىندا وقۋعا مۇمكىندىگى جوق جانە/نەمەسە شەتەلدە ۋاقىتشا تۇراتىن تۇلعا.
3. ورتا ءبىلىم بەرۋ ۇيىمدارىندا ەكستەرنات نىسانىندا وقىتۋ ءبىلىم الۋشىلاردىڭ نەگىزگى ورتا, جالپى ورتا ءبىلىمنىڭ جالپى ءبىلىم بەرۋ وقۋ باعدارلامالارىن وزدىگىنەن وقۋىن, سونداي-اق ۋاقىتشا شەتەلدە تۇراتىن قازاقستان رەسپۋبليكاسى ازاماتتارىنىڭ بالالارىن قاشىقتىقتان وقىتۋدى قاراستىرادى.
4. ەكستەرنات نىسانىندا وقۋ مىناداي ساناتتارعا ۇسىنىلادى:
دەنساۋلىعى تۋرالى دارىگەرلىك-كونسۋلتاتيۆتىك كوميسسيانىڭ قورىتىندىسى بار ءبىلىم الۋشىعا;
ۋاقىتشا شەتەلدە تۇراتىن قازاقستان رەسپۋبليكاسى ازاماتتارىنىڭ بالالارىنا.
5. ەكستەرنات نىسانىندا ءبىلىم الۋ قازاقستان رەسپۋبليكاسى ۇكىمەتىنىڭ 2012 جىلعى 23 تامىزداعى № 1080 قاۋلىسىمەن بەكىتىلگەن ورتا ءبىلىم بەرۋدىڭ مەملەكەتتىك جالپىعا مىندەتتى ستاندارتىنا سايكەس ازىرلەنگەن نەگىزگى ورتا جانە جالپى ورتا ءبىلىمنىڭ جالپى ءبىلىم بەرۋ باعدارلامالارى شەگىندە جۇزەگە اسىرىلادى.
6. ەكستەرنات نىسانىندا وقۋعا وتىنىشتەردى قابىلداۋ جانە وعان رۇقسات بەرۋ, قاجەتتى قۇجاتتار تىزبەسى نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11057 بولىپ تىركەلگەن «ورتا ءبىلىم بەرۋ سالاسىندا جەرگىلىكتى اتقارۋشى ورگاندارمەن مەملەكەتتىك كورسەتىلەتىن قىزمەتتەر ستاندارتتارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 8 ساۋىردەگى № 179 بۇيرىعىنا سايكەس رەسىمدەلەدى.
7. ءبىلىم الۋشىلاردىڭ ءتيىستى دەڭگەيدەگى جالپى ءبىلىم بەرۋ باعدارلامالارىن ۋاقىتىلى مەڭگەرۋى ءۇشىن ەكستەرنات نىسانىندا وقۋعا رۇقسات الۋعا وتىنىشتەر اعىمداعى جىلعى 1 جەلتوقساننان كەشىكتىرىلمەي تاپسىرىلادى.
2. ەكستەرنات نىسانىندا ءبىلىم الۋشىلاردى ارالىق جانە
قورىتىندى اتتەستاتتاۋ
8. ەكستەرندەردى اتتەستاتتاۋ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5191 بولىپ تىركەلگەن «ءبىلىم الۋشىلاردىڭ ۇلگەرىمىن اعىمداعى باقىلاۋ, ارالىق جانە قورىتىندى مەملەكەتتىك اتتەستاتتاۋ جۇرگىزۋدىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 18 ناۋرىزداعى № 125 بۇيرىعىنا سايكەس جۇرگىزىلەدى.
9. ەكستەرندەردى قورىتىندى اتتەستاتتاۋعا جىبەرۋ تۋرالى شەشىمدى ءبىلىم بەرۋ ۇيىمىنىڭ پەداگوگيكالىق كەڭەسى قابىلدايدى. ەكستەرندەردى قورىتىندى اتتەستاتتاۋعا جىبەرۋ تۋرالى بۇيرىقتى ورتا ءبىلىم بەرۋ ۇيىمىنىڭ باسشىلارى اعىمداعى وقۋ جىلىنىڭ سوڭىندا شىعارادى.
10. اتتەستاتتاۋ نىسانى مەن مەرزىمدەرىن وقۋ باعدارلامالارى مەن وقۋ جۇمىس جوسپارلارىنا سايكەس ورتا ءبىلىم بەرۋ ۇيىمدارىنىڭ باسشىلارى بەلگىلەيدى.
11. جالپى ءبىلىم بەرەتىن پاندەر بويىنشا كونسۋلتاتسيالار, ارالىق اتتەستاتتاۋ وقۋشىلاردىڭ ۋاقىت مۇمكىندىكتەرىن ەسكەرە وتىرىپ, اعىمداعى وقۋ جىلىنىڭ جەلتوقسان-ءساۋىر ايلارىندا ءبىلىم بەرۋ ۇيىمدارىنىڭ باسشىلارى بەكىتكەن كەستەگە سايكەس جۇرگىزىلەدى.
12. نەگىزگى مەكتەپ كۋرسى بويىنشا ەكستەرندەر نەگىزگى ورتا ءبىلىمى تۋرالى كۋالىككە ەنگىزىلەتىن پاندەر بويىنشا, ورتا مەكتەپ كۋرسى بويىنشا جالپى ورتا ءبىلىمى تۋرالى اتتەستاتقا ەنگىزىلەتىن پاندەر بويىنشا اتتەستاتتالادى.
دەنە تاربيەسى, تەحنولوگيا, العاشقى اسكەري دايىندىق, مۋزىكا, سىزۋ بويىنشا اتتەستاتتاۋ وتكىزىلمەيدى, ال ءبىلىمى تۋرالى قۇجاتتا «وقىلعان جوق» دەگەن جازۋ جازىلادى.
13. ارالىق اتتەستاتتاۋدان وتپەگەن, قورىتىندى مەملەكەتتىك اتتەستاتتاۋعا دالەلدى سەبەپسىز كەلمەگەن ەكستەرندەر ءبىلىم بەرۋ ۇيىمىنان شىعارىلىپ, جازباشا (تاپسىرىس حاتپەن) نە جەكە حابارلانادى, ول شىعارۋ تۋرالى بۇيرىققا قول قويۋمەن راستالادى.
14. ەكستەرندەردى ارالىق جانە قورىتىندى مەملەكەتتىك اتتەستاتتاۋ ەمتيحان كوميسسياسىنىڭ بارلىق مۇشەلەرى قول قويعان جانە ورتا ءبىلىم بەرۋ ۇيىمىنىڭ باسشىسى بەكىتكەن «ەكستەرنات» بەلگىسى بار حاتتامالاردا كورسەتىلەدى.
حاتتاماعا ارالىق جانە قورىتىندى مەملەكەتتىك اتتەستاتتاۋدان ءوتۋ ناتيجەلەرىنىڭ جازباشا ماتەريالدارى قوسا تىگىلەدى.
15. ارالىق اتتەستاتتاۋدان وتكەن ەكستەرندەرگە ءتيىستى وقۋ باعدارلامالارى بويىنشا وقۋدى ەكستەرنات نىسانىندا اياقتاعانى تۋرالى بەلگىسى بار قورىتىندى باعالارىمەن تابەل بەرىلەدى.
16. قورىتىندى مەملەكەتتىك اتتەستاتتاۋدان وتكەن ەكستەرندەرگە نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10348 بولىپ تىركەلگەن «مەملەكەتتىك ۇلگىدەگى ءبىلىم بەرۋ تۋرالى قۇجاتتاردىڭ تۇرلەرى مەن نىساندارىن جانە ولاردى بەرۋ قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 28 قاڭتارداعى № 39 بۇيرىعىنا سايكەس ءبىلىم دەڭگەيى (ساتىسى) تۋرالى مەملەكەتتىك ۇلگىدەگى قۇجات بەرىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 18 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13110 بولىپ ەنگىزىلدى.