2016 جىلعى 21 قاڭتار, استانا قالاسى
«ديسسەرتاتسيالىق كەڭەس تۋرالى ۇلگى ەرەجەنى بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ
2011 جىلعى 31 ناۋرىزداعى № 126 بۇيرىعىنا وزگەرىستەر ەنگىزۋ تۋرالى
بۇيىرامىن:
1. «ديسسەرتاتسيالىق كەڭەس تۋرالى ۇلگى ەرەجەنى بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2011 جىلعى 31 ناۋرىزداعى № 126 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6929 بولىپ تىركەلگەن, «ەگەمەن قازاقستان» گازەتىنىڭ 2011 جىلعى 5 مامىرداعى № 184-185 (26587) سانىندا جاريالانعان) مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن ديسسەرتاتسيالىق كەڭەس تۋرالى ۇلگى ەرەجەدە:
2 جانە 3-تارماقتار مىناداي رەداكتسيادا جازىلسىن:
«2. ديسسەرتاتسيالىق كەڭەستەر – دوكتورانتتاردىڭ ديسسەرتاتسيالىق جۇمىستارىن قورعاۋدى جۇرگىزەتىن جانە قازاقستان رەسپۋبليكاسى ءبىلىم جانە عىلىم مينيسترلىگىنىڭ ءبىلىم جانە عىلىم سالاسىنداعى باقىلاۋ كوميتەتىنە (بۇدان ءارى - كوميتەت) فيلوسوفيا دوكتورى (PhD), بەيىنى بويىنشا دوكتور دارەجەسىن بەرۋگە ۇسىنىس بەرەتىن القالى ورگاندار (بۇدان ءارى – ديسسەرتاتسيالىق كەڭەس).
3. ديسسەرتاتسيالىق كەڭەستەردى كوميتەت دوكتورانتۋرا ماماندىقتارى بويىنشا مەملەكەتتىك ءبىلىم بەرۋ تاپسىرىسى ورنالاستىرىلعان جوعارى وقۋ ورىندارىندا (بۇدان ءارى - جوو) كۇنتىزبەلىك 3 ء(ۇش) جىلعا قۇرادى.
ەرەكشە مارتەبەسى بار جوو-لار, سونداي-اق قازاقستان رەسپۋبليكاسى قورعانىس مينيسترلىگىنىڭ, قازاقستان رەسپۋبليكاسىنىڭ ۇلتتىق قاۋىپسىزدىك ورگاندارىنىڭ جانە ىشكى ىستەر مينيسترلىگىنىڭ جوعارى اسكەري, ارنايى وقۋ ورىندارى ديسسەرتاتسيالىق كەڭەستەردى ءوز بەتىنشە قۇرادى. قۇرىلعان كۇنىنەن باستاپ ءبىر اي ىشىندە جوو-لار كوميتەتكە قۇرىلعان ديسسەرتاتسيالىق كەڭەستەر تۋرالى اقپارات ۇسىنادى.
وسى ديسسەرتاتسيالىق كەڭەستە قورعالعان ديسسەرتاتسيالىق جۇمىستار بويىنشا كوميتەتتىڭ 2 (ەكى) تەرىس شەشىمى بولعان جاعدايدا, جوو-نىڭ عىلىمي كەڭەسى ديسسەرتاتسيالىق كەڭەستى جاڭا قۇرامدا بەكىتەدى.
وسى ديسسەرتاتسيالىق كەڭەستە قورعالعان ديسسەرتاتسيالار بويىنشا كوميتەتتىڭ تەرىس شەشىمى 2-دەن (ەكىدەن) كوپ بولعان جاعدايدا, ديسسەرتاتسيالىق كەڭەس قىزمەتىن توقتاتادى جانە 3 ء(ۇش) جىل جۇمىس ىستەمەيدى.»;
7-تارماق مىناداي مىناداي رەداكتسيادا جازىلسىن:
«7. ءاربىر ماماندىق بويىنشا ديسسەرتاتسيالىق كەڭەستىڭ قۇرامىنا عىلىمي دارەجەسى (عىلىم كانديداتى, عىلىم دوكتورى) نە فيلوسوفيا دوكتورى (PhD), بەيىنى بويىنشا دوكتور دارەجەسى جانە ءتيىستى زەرتتەۋ سالاسىندا كەمىندە 5 عىلىمي ماقالاسى بار كەمىندە 3 ء(ۇش) مامان قوسىلادى.
بۇل رەتتە ديسسەرتاتسيالىق كەڭەس مۇشەلەرىنىڭ كەمىندە 1/3-ءى (ۇشتەن ءبىرى) شتاتتىق قىزمەتكەرلەر, كەمىندە 1/3-ءى (ۇشتەن ءبىرى) باسقا جوو وكىلدەرى, كەمىندە 1/3-ءى (ۇشتەن ءبىرى) عىلىمي نەمەسە باسقا ۇيىمداردىڭ وكىلدەرى بولۋى ءتيىس.
قازاقستان رەسپۋبليكاسى قورعانىس مينيسترلىگىنىڭ, قازاقستان رەسپۋبليكاسىنىڭ ۇلتتىق قاۋىپسىزدىك ورگاندارىنىڭ جانە قۇقىق قورعاۋ ورگاندارىنىڭ جوعارى اسكەري, ارنايى وقۋ ورىندارىندا قۇرىلعان ديسسەرتاتسيالىق كەڭەستەردە مۇشەلەرىنىڭ كەمىندە 1/3-ءىن (ۇشتەن ءبىرىن) باسقا جوو-لاردىڭ, عىلىمي جانە باسقا ۇيىمداردىڭ وكىلدەرى قۇرايدى, قالعاندارى شتاتتىق قىزمەتكەرلەر بولىپ تابىلادى.»;
11-تارماق مىناداي رەداكتسيادا جازىلسىن:
«11. دوكتورانت وقىعان جوو كافەدرالاردىڭ جانە/نەمەسە زەرتحانالاردىڭ (بولىمدەر, ورتالىقتار) كەڭەيتىلگەن وتىرىسىندا دوكتورانت ديسسەرتاتسياسىنىڭ تالقىلانۋىن قامتاماسىز ەتەدى.
كەڭەيتىلگەن وتىرىستان 1 ء(بىر) اي بۇرىن ديسسەرتاتسيا دوكتورانتتىڭ عىلىمي زەرتتەۋ سالاسى بويىنشا عىلىمي دارەجەسى بار 2 (ەكى) مامانعا جولدانادى.
كەڭەيتىلگەن وتىرىسقا كافەدرا جانە/نەمەسە زەرتحانا مۇشەلەرىنىڭ كەمىندە 2/3-ءسى (ۇشتەن ەكىسى), عىلىمي كەڭەسشىلەر, سونداي-اق ماندەس كافەدرالاردىڭ (زەرتحانالاردىڭ, بولىمدەردىڭ, ورتالىقتاردىڭ), عىلىمي جانە باسقا دا ۇيىمداردىڭ وكىلدەرى قاتىسادى.
وتىرىستا كەڭەسشىلەر بولماعان جاعدايدا, ولاردىڭ دوكتورانتتىڭ ديسسەرتاتسياسى بويىنشا پىكىرىن كافەدرا/زەرتحانا (بولىمدەر, ورتالىقتار) مەڭگەرۋشىسى وقيدى.
دوكتورانت وقىعان جوو ديسسەرتاتسيالىق كەڭەسكە جوو بلانكىسىندە جازىلعان ىلەسپە حاتپەن مىناداي قۇجاتتاردى ۇسىنادى:
1) وتاندىق جانە شەتەلدىك عىلىمي كەڭەسشىلەردىڭ پىكىرلەرى (مەملەكەتتىك قۇپيالارى بار ديسسەرتاتسيالار ءۇشىن وتاندىق كونسۋلتانتتاردىڭ پىكىرلەرى);
2) كافەدرالاردىڭ جانە/نەمەسە زەرتحانالاردىڭ كەڭەيتىلگەن وتىرىستارىنىڭ وڭ قورىتىندىسى;
3) بەرىك تۇپتەلگەن جانە ەلەكتروندى تاسىمالداعىشتاعى (CD-ديسك) ديسسەرتاتسيا;
4) عىلىمي ەڭبەكتەرىنىڭ ءتىزىمى جانە ولاردىڭ كوشىرمەلەرى.
ديسسەرتاتسيا مەملەكەتتىك, ورىس نەمەسە اعىلشىن تىلدەرىنىڭ بىرىندە ۇسىنىلادى.
قۇجاتتاردى قابىلداۋدى كەمىندە 2 (ەكى) جۇمىس كۇنى مەرزىمىندە تىركەيتىن ديسسەرتاتسيالىق كەڭەستىڭ عالىم حاتشىسى جۇزەگە اسىرادى جانە ديسسەرتاتسيالىق كەڭەسكە ۇسىنادى.»;
, 15, 15-1 جانە 16-تارماقتار مىناداي رەداكتسيادا جازىلسىن:
«14. ديسسەرتاتسيالىق كەڭەس رەتسەنزەنتتەردىڭ, عىلىمي كەڭەسشىلەردىڭ ءبىر-بىرىنە تاۋەلسىز ۇستانىمدارىن باسشىلىققا الادى.
مىنالار رەتسەنزەنت بولا المايدى:
1) كوميتەت قىزمەتكەرلەرى;
2) دوكتورانتتىڭ ديسسەرتاتسيا تاقىرىبى بويىنشا جاريالانعان جۇمىستارىنىڭ تەڭ اۆتورلارى;
3) ديسسەرتاتسيا ورىندالعان جانە/نەمەسە دوكتورانت تاپسىرىس بەرۋشى نەمەسە ورىنداۋشى (تەڭ ورىنداۋشى) بولىپ تابىلاتىن عىلىمي-زەرتتەۋ جۇمىستارى جۇرگىزىلگەن جوو بولىمشەلەرىنىڭ جانە عىلىمي ۇيىمنىڭ (كافەدرالاردىڭ, زەرتحانالاردىڭ, بولىمدەردىڭ, ورتالىقتاردىڭ) باسشىلارى جانە قىزمەتكەرلەرى.
رەتسەنزەنتتىڭ بىرەۋىن ديسسەرتاتسيالىق كەڭەس قۇرامىنان تاعايىنداۋعا بولادى.
15. ديسسەرتاتسيالىق كەڭەس جوو ينتەرنەت-رەسۋرستارىندا دوكتورانتتاردىڭ قورعاۋى جانە كەڭەستىڭ قىزمەتى تۋرالى كەلەسى اقپاراتتى (مەملەكەتتىك قۇپيالارى بار ماتەريالدار مەن ديسسەرتاتسيالاردان باسقا) ورنالاستىرادى:
1) مەكەن-جايى, كۇنى مەن ۋاقىتى كورسەتىلگەن الداعى قورعاۋ تۋرالى حابارلاما (بەلگىلەنگەن قورعاۋ كۇنىنەن 1 ء(بىر) اي بۇرىن);
2) ديسسەرتاتسيا (بەلگىلەنگەن قورعاۋ كۇنىنەن 1 ء(بىر) اي بۇرىن جانە قورعاۋدان كەيىن 5 (بەس) اي ىشىندە);
3) كولەمى 1 ء(بىر) باسپا تاباقتان كەم ەمەس مەملەكەتتىك, ورىس جانە اعىلشىن تىلدەرىندە اننوتاتسيا (بەلگىلەنگەن قورعاۋ كۇنىنەن 1 ء(بىر) اي بۇرىن);
4) دوكتورانتتىڭ جاريالانىمدارىنىڭ ءتىزىمى (بەلگىلەنگەن قورعاۋ كۇنىنەن 1 ء(بىر) اي بۇرىن);
5) قورعاۋدان كەيىن 5 (بەس) اي ىشىندە قولجەتىمدى عىلىمي كەڭەسشىلەردىڭ پىكىرلەرى (بەلگىلەنگەن قورعاۋ كۇنىنەن 1 ء(بىر) اي بۇرىن);
6) رەسمي رەتسەنزەنتتەردىڭ پىكىرلەرى (بەلگىلەنگەن قورعاۋ كۇنىنەن 10 (ون) جۇمىس كۇنى بۇرىن);
7) قورعاۋدىڭ بەينەجازباسى (قورعاۋدان كەيىن 5 (بەس) اي ىشىندە);
8) ديسسەرتاتسيالىق كەڭەستەردىڭ ەسەپتەرى (كۇنتىزبەلىك جىل اياقتالعاننان كەيىن);
9) قورعاۋلار وتكىزۋ كۇنىنىڭ, ۋاقىتىنىڭ, ورنىنىڭ وزگەرۋى جانە رەتسەنزەنتتەردىڭ اۋىسۋى تۋرالى حابارلاندىرۋ (بولعان جاعدايدا).
ديسسەرتاتسيا جوو-نىڭ ينتەرنەت-رەسۋرستارىندا ورنالاستىرىلعان جاعدايدا, اۆتورلىق قۇقىقتاردى قورعاۋ قامتاماسىز ەتىلەدى, ديسسەرتاتسيا ماتەريالدارىن زاڭسىز كوشىرۋدەن جانە ودان ءارى پايدالانۋدان قورعاۋ تەحنولوگيالارى قولدانىلادى. جوو-نىڭ ينتەرنەت-رەسۋرسىندا ورنالاستىرىلعاننان كەيىن ديسسەرتاتسيا ماتىنىنە وزگەرىستەر ەنگىزۋگە جول بەرىلمەيدى.
جوو-نىڭ ينتەرنەت-رەسۋرستارىندا ديسسەرتاتسيا مازمۇنى بويىنشا بەيرەسمي پىكىرلەردى ورنالاستىرۋ مۇمكىندىگى قامتاماسىز ەتىلەدى, كەيىن ولار قورعاۋدا ۇسىنىلادى. اۆتورىن بەلگiلەۋ مۇمكiن ەمەس جانە اۆتوردىڭ ەلەكتروندىق پوشتاسى كورسەتىلمەگەن بەيرەسمي پىكىرلەر قورعاۋدا ۇسىنىلمايدى.
الداعى قورعاۋ تۋرالى حابارلاما دا تۇسكەن كۇننەن باستاپ 5 (بەس) جۇمىس كۇنى ىشىندە كوميتەتتىڭ ينتەرنەت-رەسۋرسىندا ورنالاستىرىلادى (مەملەكەتتىك قۇپيالارى بار ماتەريالدار مەن ديسسەرتاتسيالاردان باسقا).
ديسسەرتاتسيانىڭ قاعاز جانە ەلەكتروندى تاسىمالداعىشتاعى داناسى جوو-نىڭ كىتاپحاناسىنا بەرىلەدى. قورعاعاننان كەيىن 7 (جەتى) جۇمىس كۇنى ىشىندە ديسسەرتاتسيالىق كەڭەستىڭ عالىم حاتشىسى ديسسەرتاتسيانىڭ ەلەكتروندى تاسىمالداعىشتاعى دانالارىن قازاقستان رەسپۋبليكاسىنىڭ ۇلتتىق اكادەميالىق كىتاپحاناسىنا جانە قازاقستان رەسپۋبليكاسىنىڭ ۇلتتىق كىتاپحاناسىنا بەرەدى (مەملەكەتتىك قۇپيالارى بار ديسسەرتاتسيالاردان باسقا).
15-1. ديسسەرتاتسيا قورعاۋعا قابىلدانعاننان كەيىن (بەلگىلەنگەن قورعاۋ كۇنىنەن 1 ء(بىر) اي بۇرىن) ديسسەرتاتسيالىق كەڭەس ديسسەرتاتسيانى دوكتورانتتىڭ اۆتورى مەن دەرەككوزىنە سىلتەمە جاسالماعان بوتەن ماتەريالدى پايدالانعانىن تەكسەرۋ ءۇشىن ۇلتتىق عىلىمي-تەحنيكالىق اقپارات ورتالىعىنا (بۇدان ءارى - ۇعتاو) جىبەرەدى.
ەگەر ۇعتاو-دا دوكتورانتتىڭ اۆتورى مەن دەرەككوزىنە سىلتەمە جاسالماعان بوتەن ماتەريالدى پايدالانعانى انىقتالعان بولسا, ديسسەرتاتسيالىق كەڭەس تەرىس شەشىم قابىلدايدى.
مەملەكەتتىك قۇپيالارى بار ديسسەرتاتسيالاردا اۆتورى مەن دەرەككوزىنە سىلتەمە جاسالماعان بوتەن ماتەريالدىڭ پايدالانىلۋى ۇعتاو-دا نەمەسە قازاقستان رەسپۋبليكاسى قورعانىس مينيسترلىگىنىڭ, قازاقستان رەسپۋبليكاسىنىڭ ۇلتتىق قاۋىپسىزدىك ورگاندارىنىڭ جانە قۇقىق قورعاۋ ورگاندارىنىڭ جوعارى اسكەري, ارنايى وقۋ ورىندارىندا جانە/نەمەسە عىلىمي ۇيىمدارىندا كوميسسيا نەگىزىندە تەكسەرىلەدى.
16. رەتسەنزەنتتەر ديسسەرتاتسيانى جانە جاريالانعان جۇمىستاردى زەردەلەۋ نەگىزىندە ديسسەرتاتسيالىق كەڭەسكە جازباشا پىكىرىن ۇسىنادى, وندا تاڭدالعان تاقىرىپتىڭ وزەكتىلىگى, ديسسەرتاتسيادا تۇجىرىمدالعان عىلىمي قاعيدالار, قورىتىندىلار, ۇسىنىمدار جانە ونىڭ پراكتيكالىق قۇندىلىعى نەگىزدەمەسىنىڭ دارەجەسى, ولاردىڭ جاڭالىعى باعالانادى, سونداي-اق ءتيىستى ماماندىق بويىنشا فيلوسوفيا دوكتورى (PhD), بەيىنى بويىنشا دوكتور عىلىمي دارەجەسىن بەرۋ مۇمكىندىگى تۋرالى قورىتىندى بەرىلەدى.
رەتسەنزەنتتەردى قورعاۋعا دەيىن كەم دەگەندە 10 (ون) جۇمىس كۇنى بۇرىن اۋىستىرۋعا بولادى. ەگەر رەتسەنزەنتتى اۋىستىرۋ تۋرالى شەشىم 10 (ون) جۇمىس كۇنىنەن كەشىكتىرىلىپ قابىلدانسا, قورعاۋ كۇنى اۋىستىرىلادى.
رەتسەنزەنتتەر پىكىرلەرىنىڭ كوشىرمەلەرى دوكتورانتقا ديسسەرتاتسيا قورعاۋعا دەيىن كەم دەگەندە 10 (ون) جۇمىس كۇنى بۇرىن بەرىلەدى.
پىكىر وسى تارماقتىڭ تالاپتارىنا سايكەس كەلمەسە, ديسسەرتاتسيالىق كەڭەس پىكىردى كەم دەگەندە 7 (جەتى) جۇمىس كۇنى بۇرىن رەتسەنزەنتكە قوسىمشا قاراۋ ءۇشىن قايتارادى نەمەسە رەتسەنزەنتتى اۋىستىرادى. رەتسەنزەنتتەر سونداي-اق جازباشا تۇردە باس تارتقان نەمەسە رەتسەنزيالاۋعا مۇمكىندىك بولماعان جاعدايدا اۋىستىرىلادى.»;
18-تارماقتىڭ ەكىنشى بولىگى مىناداي رەداكتسيادا جازىلسىن:
«رەتسەنزەنتتەردىڭ بىرەۋى جوق بولعان جاعدايدا (دالەلدى سەبەپتەر بويىنشا) ونىڭ پىكىرىن عالىم حاتشى وقيدى. رەتسەنزەنتتەرگە ديسسەرتاتسيالىق كەڭەستىڭ قورعاۋ وتىرىسىندا on-line رەجيمىندە بەينە-كونفەرەنتسيا تۇرىندە ءسوز سويلەۋگە رۇقسات بەرىلەدى.»;
19-تارماقتىڭ ءبىرىنشى بولىگى مىناداي رەداكتسيادا جازىلسىن:
«19. ديسسەرتاتسيالىق كەڭەس دوكتورانتقا ءتيىستى ماماندىقتىڭ فيلوسوفيا دوكتورى (PhD), بەيىنى بويىنشا دوكتور دارەجەسىن بەرۋ ءۇشىن كوميتەتكە ۇسىنىس جاساۋ نەمەسە اتالعان دارەجەنى بەرۋدەن باس تارتۋ تۋرالى شەشىم قابىلداۋ ءۇشىن جاسىرىن داۋىس بەرۋدى جۇرگىزەدى.
ديسسەرتاتسيالىق كەڭەستىڭ شەشىمى, ەگەر وعان وتىرىسقا قاتىسقان ديسسەرتاتسيالىق كەڭەس مۇشەلەرىنىڭ 2/3 (ۇشتەن ەكىسى) جانە ودان كوبى داۋىس بەرسە, وڭ قابىلداندى دەپ سانالادى. ەگەر وڭ شەشىمگە وتىرىسقا قاتىسقان ديسسەرتاتسيالىق كەڭەس مۇشەلەرىنىڭ 2/3-ىنەن (ۇشتەن ەكىسىنەن) كەمى داۋىس بەرسە, تەرىس شەشىم قابىلدانادى.
تەرىس شەشىم قابىلدانعان جاعدايدا ديسسەرتاتسيالىق كەڭەس ديسسەرتاتسيانىڭ وسى ۇلگى ەرەجە مەن قازاقستان رەسپۋبليكاسى ءبىلىم جانە عىلىم ءمينيسترىنىڭ 2011 جىلعى 31 ناۋرىزداعى №127 بۇيرىعىمەن بەكىتىلگەن جانە نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6951 بولىپ تىركەلگەن عىلىمي دارەجەلەر بەرۋ ەرەجەسىنىڭ (بۇدان ءارى - ەرەجە) قانداي تالاپتارىنا سايكەس كەلمەيتىندىگى كورسەتىلگەن قورىتىندى جاسايدى. رەتسەنزەنتتەردىڭ, عىلىمي كەڭەسشىلەر پىكىرلەرىنىڭ كوشىرمەلەرى, توراعا مەن عالىم حاتشى قول قويعان ديسسەرتاتسيالىق كەڭەس وتىرىسىنىڭ بەينەجازباسى, ستەنوگرامماسى مەن قورىتىندىسى شەشىم قابىلدانعان كۇننەن باستاپ كۇنتىزبەلىك 15 (ون بەس) كۇن ىشىندە كوميتەتكە جىبەرىلەدى.»;
2-قوسىمشا وسى بۇيرىققا قوسىمشاعا سايكەس جاڭا رەداكتسيادا جازىلسىن.
2. قازاقستان رەسپۋبليكاسى ءبىلىم جانە عىلىم مينيسترلىگىنىڭ ءبىلىم جانە عىلىم سالاسىنداعى باقىلاۋ كوميتەتى (س.ن. ءنۇسىپوۆ) زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ كوشىرمەسىن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى;
3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇنى ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ءبىلىم جانە عىلىم مينيسترلىگى ءبىلىم جانە عىلىم سالاسىنداعى باقىلاۋ كوميتەتىنىڭ توراعاسى (س.ن. ءنۇسىپوۆ) جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ءبىلىم جانە عىلىم ءمينيسترى
ا. ءسارىنجىپوۆ
«كەلىسىلدى» «كەلىسىلدى» «كەلىسىلدى»
قازاقستان رەسپۋبليكاسىنىڭ قازاقستان رەسپۋبليكاسى قازاقستان رەسپۋبليكاسىنىڭ
قورعانىس ءمينيسترى ۇلتتىق قاۋىپسىزدىك ىشكى ىستەر ءمينيسترى
ي. ن.تاسماعامبەتوۆ كوميتەتىنىڭ توراعاسى ق.ن. قاسىموۆ ________________
_____________ ۆ.ز. جۇماقانوۆ _________ 2016 جىلعى
___________20___ جىل 4 اقپان 2016 جىل
قازاقستان رەسپۋبليكاسى ءبىلىم جانە عىلىم ءمينيسترىنىڭ
2016 جىلعى 21 قاڭتارداعى №56 بۇيرىعىنا قوسىمشا
ديسسەرتاتسيالىق كەڭەس تۋرالى ۇلگى ەرەجەگە 2-قوسىمشا
تىركەۋ-ەسەپتىك كارتوچكاسى
تەگى, اتى, اكەسىنىڭ اتى (بولعان جاعدايدا) (تولىق)
تۋىلعان جىلى ازاماتتىعى ۇلتى اتتەستاتسيالىق ءىستىڭ №
ديسسەرتاتسيالىق كەڭەس شەشىم قابىلدانعان كۇنى, ايى, جىلى شەشىمنىڭ №
ديسسەرتاتسيا قورعالعان جوو-نىڭ اتاۋى
دارەجەنى ىزدەنۋشى ماماندىق اتاۋى
دارەجە بەرىلدى ديپلومنىڭ №
فيلوسوفيا دوكتورى (PhD), بەيىنى بويىنشا دوكتور
ەسكەرتۋ:
1. ءماتىن 148ح105مم فورماتتاعى تىعىز اقشىل قاعازدان جاسالعان كارتوچكادا باسىلادى.
2. «اتتەستاتسيالىق ءىستىڭ №» جانە «دارەجە بەرىلدى» دەگەن باعاندار كوميتەتتە تولتىرىلادى.
3. كارتوچكانىڭ ارتقى جاعىندا ىزدەنۋشىنىڭ تەگى, اتى, اكەسىنىڭ اتى (بولعان جاعدايدا) قورعاۋدا ۇسىنىلادى قازاق, ورىس جانە اعىلشىن تىلدەرىندە كورسەتىلەدى جانە ونىڭ قولىمەن راستالادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 5 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13406 بولىپ ەنگىزىلدى.