2016 جىلعى 15 قاڭتار, استانا قالاسى
«مامانداندىرىلعان ءبىلىم بەرۋ ۇيىمدارىنىڭ تۇرلەرى قىزمەتىنىڭ ۇلگىلىك قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2013 جىلعى 19 شىلدەدەگى №289 بۇيرىعىنا وزگەرىستەر ەنگىزۋ تۋرالى
«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭىنا سايكەس كەلتىرۋ ماقساتىندا بۇيىرامىن:
«مامانداندىرىلعان ءبىلىم بەرۋ ۇيىمدارىنىڭ تۇرلەرى قىزمەتىنىڭ ۇلگىلىك قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2013 جىلعى 19 شىلدەدەگى № 289 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8621 بولىپ تىركەلگەن, «ەگەمەن قازاقستان» گازەتىنىڭ 2013 جىلعى 2 قازانداعى № 224 (28163) سانىندا جاريالانعان) مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن مامانداندىرىلعان مەكتەپتەر (مامانداندىرىلعان مەكتەپ, مامانداندىرىلعان ليتسەي (مامانداندىرىلعان مەكتەپ-ليتسەي), مامانداندىرىلعان گيمنازيا (مامانداندىرىلعان مەكتەپ-گيمنازيا)) تۇرلەرى قىزمەتىنىڭ ۇلگىلىك قاعيدالارىندا:
6-تارماق مىناداي رەداكتسيادا جازىلسىن:
«6. جالپى ورتاشا ءبىلىم بەرۋدىڭ قولجەتىمدىلىگىن جانە ۆارياتيۆتىلىگىن قامتاماسىز ەتۋ, وقۋ ءۇشىن قولايلى جاعدايلاردى جاساۋ, دارىندى بالالاردى ولاردىڭ بەيىمدىلىكتەرىنە, قابىلەتتەرىنە, مۇددەلىلىكتەرىنە بايلانىستى تاربيەلەۋ جانە دامىتۋ ماقساتىندا مامانداندىرىلعان مەكتەپتەردىڭ كەلەسى تۇرلەرى قۇرىلادى:
1) مامانداندىرىلعان مەكتەپ;
2) مامانداندىرىلعان ليتسەي (مامانداندىرىلعان مەكتەپ-ليتسەي);
3) مامانداندىرىلعان گيمنازيا (مامانداندىرىلعان مەكتەپ-گيمنازيا).»;
13-تارماقتىڭ 2) تارماقشاسى مىناداي رەداكتسيادا جازىلسىن:
«2) ەكىنشى دەڭگەي - نەگىزگى ورتا ءبىلىم بەرۋ;»;
17-تارماق مىناداي رەداكتسيادا جازىلسىن:
«17. بىرىكتىرىلگەن ءبىلىم بەرۋ باعدارلامالارى پانارالىق, دەڭگەيارالىق, حالىقارالىق بولىپ بولىنەدى. بىرىكتىرىلگەن ءبىلىم بەرۋ باعدارلامالارىن ىسكە اسىرۋ ءۇشىن ءبىلىم بەرۋ سالاسىنداعى عالىمدار, اكادەميكتەر, شەتەل ماماندارى تارتىلادى.»;
كورسەتىلگەن بۇيرىقپەن بەكىتىلگەن ينتەرناتتىق مەكەمەلەرى (مامانداندىرىلعان مەكتەپ-ينتەرنات, مامانداندىرىلعان مەكتەپ- ليتسەي-ينتەرنات, مامانداندىرىلعان مەكتەپ-گيمنازيا-ينتەرنات, مامانداندىرىلعان مۋزىكالىق مەكتەپ-ينتەرنات, مامانداندىرىلعان سپورتتىق مەكتەپ-ينتەرنات, مامانداندىرىلعان اسكەري مەكتەپ-ينتەرنات, قازاق-تۇرىك ليتسەيى) بار مامانداندىرىلعان ءبىلىم بەرۋ ۇيىمدارى تۇرلەرى قىزمەتىنىڭ ۇلگىلىك قاعيدالارىندا:
21-تارماق مىناداي رەداكتسيادا جازىلسىن:
«21. بىرىكتىرىلگەن ءبىلىم بەرۋ باعدارلامالارى پانارالىق, دەڭگەيارالىق, حالىقارالىق بولىپ بولىنەدى. بىرىكتىرىلگەن ءبىلىم بەرۋ باعدارلامالارىن ىسكە اسىرۋ ءۇشىن ءبىلىم بەرۋ سالاسىنداعى عالىمدار, اكادەميكتەر, شەتەل ماماندارى تارتىلادى.»;
كورسەتىلگەن بۇيرىقپەن بەكىتىلگەن مامانداندىرىلعان مەكتەپ-كەشەنى قىزمەتىنىڭ ۇلگىلىك قاعيدالارىندا:
18-تارماق مىناداي رەداكتسيادا جازىلسىن:
«18. بىرىكتىرىلگەن ءبىلىم بەرۋ باعدارلامالارى پانارالىق, دەڭگەيارالىق, حالىقارالىق بولىپ بولىنەدى. بىرىكتىرىلگەن ءبىلىم بەرۋ باعدارلامالارىن ىسكە اسىرۋ ءۇشىن ءبىلىم بەرۋ سالاسىنداعى عالىمدار, اكادەميكتەر, شەتەل ماماندارى تارتىلادى.».
2. مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى (ج.ا. جونتاەۆا) زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ كوشىرمەسىن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى;
3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇنى ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ە.ن. يمانعاليەۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ءبىلىم جانە عىلىم ءمينيسترى ا. ءسارىنجىپوۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 15 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13077 بولىپ ەنگىزىلدى.