قازاقستاننىڭ جوعارى ءبىلىم سالاسىنداعى جاڭا باسىمدىقتاردىڭ بايقالۋىمەن ءورشىل ۋنيۆەرسيتەتتەر ءوز اككرەديتتەۋلەرى ەسەبىنەن ەرەكشەلەنۋگە تىرىسىپ, ءوزارا باسەكەگە تۇسە باستادى. كوپتەگەن ۋنيۆەرسيتەتتەر جەرگىلىكتى اككرەديتتەۋلەرگە يە. بىراق وزدەرىنىڭ بەدەلدى حالىقارالىق اككرەديتتەۋلەرىمەن ماقتانا الاتىن ۋنيۆەرسيتتەر سانى وتە از. ءبىرىنشى كەزەكتە, بۇل شەتەلدىك اككرەديتتەۋ اگەنتتىكتەرى ءوتىنىم بەرگەن جوو قوياتىن قاتاڭ تالاپتارمەن, جەرگىلىكتى ستاندارتتاردان ەلەۋلى ەرەكشەلەنۋىمەن, اۋديت كەزىندە كەلتىرىلەتىن شىعىندارمەن جانە حالىقارالىق اۋديتتەن ءساتتى ءوتۋ ءۇشىن قاجەتتى ۇيىمداستىرۋشىلىق ماقساتتارمەن جانە وزگەرىستەرمەن بايلانىستى.
وسىلايشا, حالىقارالىق اككرەديتتەۋلەر قازاقستاندىق ۋنيۆەرسيتەتتەردىڭ شاعىن دەگدارلى قاتارىن ايقىندايدى. ءبىز UIB ۋنيۆەرسيتەتىنىڭ 11 حالىقارالىق اككرەديتتەۋ العاندىعىن جاقسى بىلەمىز. ول 6 باكالاۆرياتتىڭ جانە 5 ماگيستراتۋرانىڭ اككرەديتتەلگەن باعدارلامالارى. 2012-2016 جىلدارى اۆستريا ساپانى قامتاماسىز ەتۋ اگەنتتىگى (AQ Austria) ءبىزدىڭ ۇسىنىستى تەكسەرىپ, UIB ۋنيۆەرسيتەتىنىڭ حالىقارالىق دەڭگەيدە ءبىلىم بەرەتىندىگىن راستادى.
اككرەديتتەلگەن ۋنيۆەرسيتەتتەر PR-ناۋقاندار جۇرگىزۋ ءۇردىسىندە جەكە جەتىستىكتەرىن پايدالانادى. وكىنىشكە قاراي, وسىنداي كوپتەگەن قادام بولاشاق ستۋدەنتتەردى, ولاردىڭ اتا-انالارىن, بيلىك وكىلدەرىن جانە بيزنەس-شەڭبەرلەردى شاتىستىرادى. دەمەك, ءسىز بولاشاق وقۋ ورنىن تاڭداعان كەزدە نە نارسەگە نازار اۋدارۋىڭىز كەرەك؟
بىرىنشىدەن, حالىقارالىق اككرەديتتەۋدىڭ باسىمدىققا يە ەكەندىگى ايقىن. سوندىقتان ولارعا يە ۋنيۆەرسيتەتتەردى ىزدەۋ كەرەك. قابىلداۋ كوميسسياسىنان شەتەلدىك اككرەديتتەۋلەردىڭ سەرتيفيكاتتارىن كورسەتۋدى سۇراڭىز, سەبەبى, كەيبىر جوو جارامسىز بولعان بۇرىنعى جەتىستىكتەرىمەن ماقتانۋى مۇمكىن. ەستە ساقتاڭىز, شەتەلدىك اككرەديتتەۋلەر وتە از جانە ولار ءبىر-بىرىنەن ەرەكشەلەنەدى, ولاردى الۋ ءۇشىن وراسان كۇش جانە ەڭبەك قاجەت. سونىمەن قاتار, كوپتەگەن ءوتىنىم بەرگەن جوو ءارتۇرلى كەزەڭدەردە وسى شارادا سۇرىنەدى.
ەكىنشىدەن, باتىس ەۋروپانىڭ, سولتۇستىك امەريكانىڭ, وڭتۇستىك-شىعىس ازيانىڭ ءبىلىم بەرۋ سالاسىندا تانىلعان جانە بەدەلدى حالىقارالىق كوشباسشىلارىنان اككرەديتتەۋدەن وتكەن ۋنيۆەرسيتەتتەردى ىزدەگەن ءجون. بۇل ايماقتار ءوز شەكارالارى شەكتەرىندە ەكونوميكالىق كوشباسشىلىققا قول جەتكىزگەن اۆستريالىق نەمەسە نەمىس اككرەديتتەۋلەرى اۆتوماتتى تۇردە سەنىمگە يە بولادى.
ۇشىنشىدەن, ەسكەرەتىن جايت, ءبىلىم مينيسترلىگىندە رەسمي بەكىتىلگەن شەتەلدىك اككرەديتتەۋشى مەكەمەلەر ءتىزىمى بار. ناتيجەسىندە, اۆستريادان AQ Austria, گەرمانيادان FIBAA, ACQUIN, ASIIN جانە باسقا مەكەمەلەردەن اككرەديتتەۋ العان ۋنيۆەرسيتەتتەر مينيسترلىك ۇسىنىستارىن ۇستانىپ, تالپىنىستار جاساۋدا.
تورتىنشىدەن, «ينستيتۋتتىق» جانە «باعدارلامالىق» اككرەديتتەۋلەر اراسىنداعى ايىرماشىلىقتى ءتۇسىنۋ كەرەك جانە ءسىز الەۋەتتى ۋنيۆەرسيتەتكە ونىڭ جەتىستىكتەرى تۋرالى سۇراقتار قويۋىڭىز كەرەك. ينستيتۋتتىق اككرەديتتەۋ – بۇل ءبىلىم بەرۋ باعدارلامالارىنىڭ ءبىرشاما ىرىكتەلگەن تەكسەرىسىن قامتيدى. ول قۇرىلىمعا, ىشكى ۇردىستەرگە, قۇجاتتامالارعا, شەشىمدەردىڭ قابىلدانۋىنا, جوسپارلاۋعا جانە كادرلىق ساياساتتى قولداۋ بويىنشا ەسەپتەردىڭ جۇزەگە اسىرىلۋىنا جالپى ۋنيۆەرسيتەتتىك تەكسەرىس دەلىنەدى. وسىنداي شارالاردا شەتەلدىك ۇيىم بەلگىلى ءبىر دارەجەمەن بايلانىستى بارلىق جايتتاردى وتە تەرەڭ قاراستىرادى. وعان باعدارلاما قۇرىلىمى, سۋبەكتىلەر جانە وقۋ جوسپارلارى (مازمۇنى), ستۋدەنتتەردى باعالاۋ جانە قويىلاتىن تالاپتار, پروفەسسورلىق-وقىتۋشىلار قۇرامىنىڭ جانە قىزمەتكەرلەردىڭ ساپاسى, باعدارلامانىڭ زاماناۋيلىعى, ونەركاسىپپەن بايلانىس ورناتۋ جانە تۇلەكتەر ساپاسى – جالپى العاندا, بەلگىلى ءبىر دارەجە شەكتەرىندە الىنعان ءبىلىم ساپاسى كىرەدى.
ءسىزدىڭ كۋپەدە وعاش جانە جاعىمسىز ءيىس بولسا, جاڭا پويىز ماقتاۋعا, ارينە, يە بولماسى انىق. اككرەديتتەۋگە قاتىستى تاسىلدەمە تۋرالى وسى تۇرعىدا دا ءسوز قوزعاۋعا بولادى. ۋنيۆەرسيتەتتەر ءبىرىنشى كەزەكتە ستۋدەنتتەر ساپالى ءبىلىم مەن ماشىق الۋى ءۇشىن جالپى ساپا ماسەلەسىن جاقسارتۋى ءتيىس. تەك وسىدان كەيىن وزدەرىن ۇيىم رەتىندە اككرەديتتەۋلەرى كەرەك.
جوعارى ءبىلىم الۋ ءۇشىن جاقسى ورىن ىزدەۋ كەزىندە اككرەديتتەۋشى باعدارلامالاردىڭ حالىقارالىق دەڭگەيىنە نازار اۋدارۋ قاجەت. ال ينستيتۋتتىق اككرەديتتەۋلەر ساپانى راستاۋداعى ەكىنشى كەزەڭ بولۋى كەرەك (ەگەر ولار بولسا). كەيىن, باعالاردى قاراستىرىڭىز, سەبەبى, كەيبىر مەكەمە «حالىقارالىق» اككرەديتتەۋلەرگە بايلانىستى باعانى جوعارىلاتادى. ءسىز قابىلداۋ كوميسسياسىندا بولعان كەزدە, ارقاشان اككرەديتتەۋ تۋرالى كۋالىك كوشىرمەسىن كورسەتۋدى سۇراڭىز.
UIB ۋنيۆەرسيتەتى ءوزىنىڭ اككرەديتتەۋ ءۇردىسىن 2012 جىلى باستاپ 4 اككرەديتتەۋ الدى. 2016 جىلى UIB تاعى 7 اككرەديتتەۋگە (4 باكالاۆريات دەڭگەيىندە جانە 3 ماگيستراتۋرا دەڭگەيىندە) قول جەتكىزدى. ەندى, ءبىلىم بەرۋ باعدارلامالارى دەڭگەيىندە ءبىز ءۇش تىلدىك ءبىلىم ساپاسىنا سەنىمدى بولىپ وتىرمىز. سونىمەن قاتار, اۆستريالىق ۇجىمداردىڭ ينستيتۋتسيونالدىق تەكسەرىستەرىنەن ءوتىپ, حالىقارالىق ينستيتۋتتىق اككرەديتتەۋگە دايىندالۋدامىز.
مارتسين دۋشينسكي, UIB ۋنيۆەرسيتەتىنىڭ ۆيتسە-پرەزيدەنتى