بۋكمەكەرلەر بۇگىن تۇندە ريوداعى وليمپيالىق ويىندار تۇعىرىنا شىعاتىن قازاقستاندىق اۋىر اتلەت فارحاد حاركيدى مەدال الاتىن ۇمىتكەرلەر ۇشتىگىنە قوسىپ قويدى.
«62 كيلوعا دەيىنگى سالماقتاعى حاركي مەدالدان ۇمىتكەرلەر تىزىمىنە ەنگىزىلدى. بۋكمەكەرلەردىڭ پىكىرلەرىنشە, قازاقستاندىق سپورتشى جۇلدەگەرلەر ۇشتىگىنە كىرۋ ءۇشىن كۇرەسە الادى, ونىڭ مۇنداعى كوەففيتسيەنتى 2.5-كە تەڭ», - دەلىنگەن حابارلامادا.
ال التىن مەدالدان باستى ۇمىتكەر رەتىندە الەمنىڭ ەكى دۇركىن چەمپيونى, قىتايلىق چەن ليتسزيۋان اتاپ وتىلۋدە. ونىڭ مۇمكىندىگى – 1.1-گە تەڭ. جۇلدەگەرلەر ۇشتىگى ءۇشىن سونداي-اق يندونەزيالىق ەكو يۋلي يراۆان (1.3) مەن كولۋمبيالىق وسكار البەيرو فيگۋروا موسكەرا (1.75) تالاسا الادى.
ايتا كەتەيىك, 62 كيلوعا دەيىنگى اۋىر اتلەتتەردىڭ جارىسى تامىزدىڭ 9-نا قاراعان ءتۇنى استانا ۋاقىتىمەن ساعات 04:00-تە باستالادى. ول «قازاقستان» تەلەارناسىنان تىكەلەي ەفيردە كورسەتىلەدى.
دامير قوجامقۇل