تامىزدىڭ 5-ءى كۇنى ريو-دە-جانەيرو پوليتسەيلەرى ماروككو بوكسشىسى حاسسان ساادانى وليمپيالىق قالاشىقتا ەكى داياشى قىزدى زورلاماق بولعان ارەكەتى ءۇشىن ۇستادى.
The Independent گازەتى حابارلاعانداي, زارداپ شەگۋشى قىزداردىڭ ايتۋلارىنشا, 22 جاستاعى سپورتشى 3 تامىزدا بۇلاردى زورلاماقشى بولعان.
پوليتسەيلەر وسىعان بايلانىستى ءىستىڭ بارلىق انىق-قانىعىن تولىق تەكسەرۋ ءۇشىن ساادانىڭ 15 تاۋلىككە قاماۋعا العان. ەندى كۇدىكتى پوليتسيا ۋچاسكەسىنەن قالا تۇرمەلەرىنىڭ بىرىنە اۋىستىرىلادى.
ريوعا 81 كيلوعا دەيىنگى سالماقتاعىلار اراسىنداعى باسەكەگە قاتىسۋ ءۇشىن كەلگەن بوكسشى جەرەبەگە ساي 6 تامىز كۇنى وتەتىن 1/16 فينالدا تۇرىك مەحمەد نادير ۋنالمەن كەزدەسۋگە ءتيىس بولاتىن.
مۇرات ايتقوجا