[caption id="attachment_52911" align="aligncenter" width="560"] فوتو: autonews.ru[/caption]
شۆەتسيانىڭ Volvo كومپانياسى 2021 جىلى وزدىگىنەن جۇرەتىن كولىكتەرىن ساتىلىمعا شىعارۋدى جوسپارلاپ وتىر. autonews.ru اقپارىنا سايكەس, لوندوندا اۆتوموبيلدەر ارنايى سىناقتان وتەدى. Drive Me London باعدارلاماسىنا حس90 ۇلگىسىندەگى 100-گە جۋىق كولىك قاتىسادى. جوبا كەلەسى جىلى جۇزەگە اسادى دەگەن بولجام بار.
مالىمەتتەر بويىنشا, انگليا كوشەلەرىنە جارتىلاي اۆتوماتتاندىرىلعان كولىكتەردى شىعارادى. بىراق كوپ ۇزاماي Volvo تولىعىمەن ءوزى جۇرەتىن ماشينالارىن دا سىناقتان وتكىزەدى. وسىعان بايلانىستى اۆتوكونتسەرن باسشىلىعى ونىڭ كەمشىن تۇستارىن تولىقتىرۋدى كوزدەپ وتىر.
[caption id="attachment_52912" align="aligncenter" width="560"] فوتو: autonews.ru[/caption]
سونىمەن قاتار, بۇل باستاما قىتايدا دا جالعاساتىنى بەلگىلى بولدى.
«قىتاي ءبىز ءۇشىن وزدىگىنەن جۇرەتىن اۆتوموبيلدەردى سىناقتان وتكىزۋگە قولايلى ەلدەردىڭ ءبىرى. بۇل جول قوزعالىسىنىڭ قاۋىپسىزدىگىنە پايداسىن تيگىزەدى», – دەدى كومپاني باسشىسى حاكان سامۋەلسون.
Volvo جاڭا تەحنيكالارىن ارنايى لازەرلى سكانەرمەن جابدىقتايدى. وسى ارقىلى كەدەرگىلەردى انىقتايدى. ال الدىڭعى اينەكتىڭ كومەگىمەن جول ەرەجەلەرىن ساقتاپ, باعىت-باعداردى دۇرىس ايقىندايتىن بولادى. ارتقى بامپەرى مەن رادياتورىنىڭ تورىنا بىرنەشە كامەرا قويىلادى. اۆتوتۇراقتا دۇرىس تۇرۋ ءۇشىن 12 ۋلترادىبىستى قۇرىلعى ورناتىلادى.
ايان ءابدۋالي