[caption id="attachment_52888" align="aligncenter" width="560"] فوتو: 112.ua[/caption]
spbdnevnik.ru اقپارى بويىنشا ءۇندىستاندا اۆتوبۋس پەن جۇك كولىگى سوقتىعىسىپ, سالدارىنان 10 جولاۋشى قازا تاپقان.
جول-كولىك وقيعاسى اتالعان ەلدىڭ وڭتۇستىگىندەگى تاميلناد شتاتىندا ورىن العان. جەرگىلىكتى پوليتسەيلەردىڭ ايتۋىنشا, جول اپاتى سالدارىنان 33 جولاۋشى ءتۇرلى دەنە جاراقاتىن العان. قازىرگى تاڭدا ولار جاقىن ماڭداعى اۋرۋحاناعا جەتكىزىلگەن. پوليتسەيلەر اپاتتىڭ ءمان-جايىن انىقتاۋدا.
ايتا كەتەيىك, ءۇندىستاندا ادام قازاسىنا اپاراتىن جول اپاتتارى ءجيى بولىپ تۇرادى. ءتارتىپ ساقشىلارىنىڭ ايتۋىنشا, كوپ جاعدايدا قايعىلى وقيعالارعا جۇرگىزۋشىلەر كىنالى ەكەن. ال ساراپشىلاردىڭ پايىمداۋىنشا, بۇل ەلدە جۇرگىزۋ كۋالىكتەرىنىڭ 30 پايىزى ارنايى سىناقتان وتپەي-اق جاسالادى.
تالعات رايىمبەك.