تۇركيادا دەنساۋلىق ساقتاۋ سەكتورىنىڭ 35 نىسانى, 1043 جەكە ءبىلىم بەرۋ مەكەمەسى, جەكە جاتاقحانالار مەن پانسيوناتتار, 1229 قوعامدىق ۇيىمدار مەن قورلار, 19 كاسىپوداق ۇيىمى, فەدەراتسيالار مەن كونفەدەراتسيالار, 15 جوعارى وقۋ ورنى, اشىق قورلار جۇمىستارىن توقتاتتى.
Oxu.Az حابارلاعانداي, تۇركيا ۇكىمەتى «توتەنشە جاعداي رەجىمى شەڭبەرىندە قابىلدانعان شارالار تۋرالى» قاۋلى قابىلداپ, ونى سەنبى كۇنى رەسمي «Resmi Gazete» باسىلىمىنىڭ سايتىندا جاريالاعان.
قاۋلىعا سايكەس, توتەنشە جاعداي كۇشىندە تۇرعان كەزدە ق ۇلىپ استىنا الۋ مەرزىمى قاماۋعا الىنعان ۋاقىتتان باستاپ 30 كۇننەن ارتىققا سوزىلمايدى. بۇل مەرزىمگە ۇستالۋشىنى جاقىن ماڭداعى سوتقا اپارۋ ۋاقىتى كىرمەيدى.
مەملەكەتتىڭ قاۋىپسىزدىگىنە قاتەر توندىرەتىن تەررورلىق ۇيىمدارعا نەمەسە قۇرىلىمدارعا, توپتار مەن توبىرلارعا مۇشەلىك بايلانىستى بار ەكەندەرى انىقتالعان مەملەكەتتىك قىزمەتكەرلەر جۇمىستارىنان ايىرىلىپ, بۇدان كەيىن ەشقانداي مەملەكەتتىك قىزمەتكە قابىلدانبايدى.
تۇركيا پرەزيدەنتى رەدجەپ تايپ ەردوعان 16 شىلدە كۇنى مەملەكەتتىك توڭكەرىس جاساۋعا ارەكەت ەتىلگەننەن كەيىن, ەلدە ءۇش ايلىق مەرزىمگە سوزىلاتىن توتەنشە جاعداي جاريالادى. ونىڭ ايتۋىنشا, بۇل ۋاقىت ب ۇلىككە قاتىستارى بار ادامدارعا قارسى ءتيىمدى ءارى تەز شارا قولدانۋعا مۇمكىندىك بەرەدى. تۇرىك ليدەرى ءوزىنىڭ مۇنى جاساعاندا, ەلدەگى دەموكراتياعا, ازاماتتاردىڭ قۇقىقتارى مەن ەركىندىكدىكتەرىنە ەشقانداي زالال كەلتىرىلمەيتىنىن, ۇايتا ونى نىعايتا تۇسەتىنىن ايتتى.
مۇرات ايتقوجا