[caption id="attachment_52855" align="aligncenter" width="560"] 2016 Olympic Games. EPA/Fernando Bizerra Jr.[/caption]
برازيليادا وليمپيالىق الاۋدى الىپ ءجۇرۋ ەستافەتاسىنىڭ كەزەكتى كەزەڭدەرىنىڭ بىرىندە ءبىر بەلگىسىز ەر كىسى ونى الىپ قاشىپ كەتۋگە ارەكەت جاسادى.
Daily Mail گازەتىنىڭ جاۋىنشا, بۇل وقيعا سان-پاۋلۋ شتاتىنداعى گۋارۋليۋس قالاشىعىندا ورىن العان. الاۋ الىپ جۇگىرۋ ەستافەتاسى كەزىندە بەلگىسىز ءبىر ەر كىسى شەرۋگە قاراي ۇمتىلىپ, الاۋدى ج ۇلىپ الماقشى بولعان. بىراق شەرۋدى قورشاۋعا الىپ جۇرگىزىپ كەلە جاتقان قۇقىق قورعاۋ قىزمەتكەرلەرى ونىڭ جولىنا تۇرىپ, بەتىن قايتارعان. سول كەزدە بولعان قاقتىعىس سالدارىنان ءبىر پوليتسەي جاراقات الىپ قالعان. ال قاسكۇنەم سول بويدا قاماۋعا الىندى.
برازيليادا مامىردىڭ 3-نەن بەرى ءجۇرىپ جاتقان الاۋ الىپ جۇگىرۋ كەزىندە بۇعان دەيىن دە وسىنداي ينتسيدەنت كەزدەستى. 13 شىلدە كۇنى جوينۆيل قالاسىندا بەلگىسىز بىرەۋ وليمپيالىق الاۋلى ءوشىرىپ تاستاماقشى بولعان. ءتارتىپ بۇزۋشى قولعا ءتۇستى.
قازىر برازيليا بۇكىل اۋماعىنان وليمپيادا الاۋىن الىپ ءوتۋ ناۋقانى ءجۇرىپ جاتىر. ول 5 تامىز كۇنى ريو-دە-جانەيروداعى «ماراكانا» ستاديونىنا جەتكىزىلىپ, ويىنداردىڭ سالتاناتتى اشىلۋى كەزىندە وسىنداعى الاۋدى تۇتاندىرۋعا پايدالانىلادى.
وليمپادا 21 تامىز كۇنى اياقتالادى.
دامير قوجامقۇل