قازاتومونەركاسىپ پەن قىتايلىق كومپانيالار اتوم سالاسىنداعى ىنتىماقتاستىقتى نىعايتۋدا. كومپانيالار باسشىلارى بىرلەسكەن قازاقستان-قىتاي جوبالارىن ودان ءارى جۇزەگە اسىرۋ, سونداي-اق ەلىمىزدىڭ اتوم سالاسىنا ينۆەستيتسيا تارتۋ ماسەلەلەرىن تالقىلادى.
بيىلعى جارتى جىلدا قازاقستان بويىنشا ترانزيتتىك پويىز كولەمى 13 پايىزعا ارتتى. جاڭادان اشىلعان شالقار-بەينەۋ, جەزقازعان-سەكسەۋىل, ارقالىق-شۇباركول تەمىرجول جەلىلەرىمەن التى ايدا 5 ميلليون توننا جۇك جىبەرىلگەن.
ەكسپو-2017 كورمەسىنە دايىندىق اياسىندا استانادا فيزيكا بويىنشا حالىقارالىق عىلىمي كونفەرەنتسيا وتۋدە. اتالمىش كونفەرەنتسيا ينەرتسيالدى تەرمويادرولىق سينتەزدى ەنەرگيانى دامىتۋدىڭ جاڭا باعىتتارىن زەرتتەۋ ماسەلەلەرى بويىنشا جۇمىس ىستەۋدە.
جارتى جىلدا استانا-ششۋچە اۆتوجولىنان 533 ملن. تەڭگەدەن استام قارجى جينالدى. 2016 جىلدىڭ ءبىرىنشى جارتى جىلدىعىندا جۇيەگە 1 ملن. 200 مىڭ اۆتوكولىكتىڭ وتكەنى ءتىركەلگەن. بۇل 2015 جىلدىڭ وسى كەزەڭىمەن سالىستىرعاندا, كولىك اعىنى 2,8 پايىزعا ارتقانىن كورسەتەدى.
الماتى وبلىسىنىڭ كاسىپكەرلەرىنە 3 اي ىشىندە 578 ملن. تەڭگەگە قولداۋ كورسەتىلدى. توقسان ىشىندە «دامۋ» قورى كاسىپكەرلەردىڭ نەسيەلەرىن سۋبسيديالاۋ بويىنشا 34 كەلىسىمشارتقا قول قويدى. سونىمەن قاتار, كەپىلدىك بەرۋ بويىنشا سوماسى 510 ملن. تەڭگە بولاتىن 29 كەلىسىمشارت ماقۇلداندى.
وڭتۇستىك قازاقستان وبلىسىنىڭ دەلەگاتسياسى مالايزيادا IT-تەحنولوگيالاردى ەنگىزۋ تاجىريبەسىمەن تانىستى. اتالعان ىسكەرلىك ساپاردىڭ نەگىزگى ماقساتى وبلىستىڭ ەكونوميكاسىنا مالايزيا ينۆەستورلارىن تارتىپ, ىسكە قوسىلعان جوبالارمەن تانىسۋ بولاتىن.
قاراعاندى وبلىسىنىڭ كاسىپكەرلەرى «دامۋ» قورى ارقىلى 484,6 ملن. تەڭگەنىڭ نەسيەسىنە يە بولدى. «بيزنەستىڭ جول كارتاسى – 2020» باعدارلاماسىنىڭ جۇزەگە اسىرىلۋىنان باستاپ سۋبسيديالاۋ بويىنشا ايماقتىق ۇيلەستىرۋ كەڭەسىندە جالپى سوماسى 102,8 ملرد. تەڭگەنىڭ 657 جوباسى ماقۇلدانعان.
حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى, «حابار» تەلەارناسى ماتەريالدارى بويىنشا دايىندالدى