بالالاردىڭ بۇل بەدەلدى باسەكەسى قاراعاندىدا وتەدى
كەنشىلەر استاناسىندا بالالارعا ارنالعان وليمپيادا ويىندارى وتپەكشى. اتى دارداي بۇل دوداعا ارنايى ىرىكتەۋ سىنىنان وتكەن 45 بالا قاتىسادى دەپ ۇيعارىلعان. سپورتقا بەيىمدى, دارىندى بالاقايلار كادىمگى وليمپيادا ويىندارىنداعىداي سپورتتىڭ بىرنەشە تۇرىنەن كۇش سىناسپاق.
بالالاردىڭ جازعى دەمالىسىن ۇيىمداستىرۋشى وبلىستىق دەنە شىنىقتىرۋ جانە سپورت باسقارماسى مەن «شاحتەر» ستاديونى كەزەكتى لاگەر ماۋسىمىنىڭ جابىلۋىن وسىلايشا اتاپ وتپەك. بالالار اراسىنداعى وليمپ دوداسىن اتاقتى سپورتشىلار, افينى وليمپياداسىنىڭ قولا ءجۇلدەگەرلەرى, بوكسشى سەرىك ەلەۋوۆ پەن ونسايىسشى دميتري كارپوۆ تاماشالايتىن بولادى.
اتالعان اكتسيا ساناۋلى كۇندەردەن كەيىن الاۋى جاعىلاتىن ريو-دە-جانەيرو قالاسىنداعى (برازيليا) جازعى وليمپيادا ويىندارىنىڭ قۇرمەتىنە ارنالعان.
قايرات ءابىلدينوۆ,
«ەگەمەن قازاقستان»
قاراعاندى