رەسەيدىڭ «سپورت-ەكسپرەسس» گازەتى بۇگىنگى ءنومىرىن «فينال دليا دۆويح: رونالدۋ پروتيۆ گريزماننا» دەگەن انشلاگپەن شىعاردى.
باسىلىمنىڭ بايانداۋىنشا, كوماندالار كىمنىڭ چەمپيون بولاتىنىن انىقتاپ قانا قويا سالمايدى, سونىمەن بىرگە, ولاردىڭ ليدەرلەرى – كريشتيانۋ رونالدۋ مەن انتۋان گريزماننىڭ قايسىسى كۇشتى, قايسىسىنىڭ جىلدىڭ قورىتىندىسى بويىنشا «التىن دوپ» جۇلدەسىن الۋعا لايىقتى ەكەندەرىن شەشىپ الادى... پورتۋگالدىڭ جاسى دا ۇلكەندەۋ, تاجىريبەسى دە كوپتەۋ, سونداي-اق سالماعى دا اۋىرلاۋ. ول ءالى وتكەن شاققا كەتكەن جوق, ناعىز وسى شاعىندا ءجۇر. بۇعان قاراعاندا, گريزماننىڭ جاقىن اراداعى كەلەشەگى جارقىن بولا تۇسەتىن سياقتى. «جەكسەنبى كۇنى ۋاقىتتار توعىسقان كەزدە, سول جارق ەتەتىن ساتتەر دە كوزگە كورىنەدى», دەپ جازادى گازەت بۇدان ءارى.
«ماتچ تۆ» تەلەارناسىنىڭ كوممەنتاتورى كونستانتين گەنيچ «سوۆەتسكي سپورت» گازەتىنە بەرگەن سۇحباتىندا: «ماتچتان ەشقانداي جارقىل كۇتىپ وتىرعانىم جوق. جالپى, فينالدىق ويىنداردىڭ ولاي بولۋى وتە سيرەك كەزدەسەدى. مەن وسى ورايدا ءبىز بۇل كۇنى قوسىمشا ۋاقىتتى دا, ماتچتان كەيىنگى پەنالتيلەر سەنياسىن دا كورىپ قالاتىن شىعارمىز دەپ ويلايمىن. تۇبىندە بۇل كەزدەسۋدىڭ تاعدىرىن ءبىر دوپ شەشىپ كەتەتىن بولادى... مەنىڭ ىقىلاسىم فرانتسيا جاعىندا. بىرىنشىدەن, الاڭ يەلەرىنىڭ ءتۋرنيردى ۇتقانىن قالايمىن, ەكىنشىدەن, مەنى پورتۋگاليا قۇراماسىنىڭ فۋتبولىنان گورى وسىلاردىڭ فۋتبولى كوبىرەك قىزىقتىرادى», دەدى.
دامير قوجامقۇل