[caption id="attachment_50626" align="aligncenter" width="560"] فوتو: tass.ru[/caption]
يسپانيانىڭ تەرۋەل قالاسىندا وتكەن سەنبى كۇنى كاسىبي تورەودور ۆيكتور بارريو بۇقا سۇزگىسىنەن قازا تاپتى. اراگون ايماعىندا ءوتىپ جاتقان كورريدا كەشىندە جانۋار 29 جاستاعى سپورتشىنى مۇيىزىمەن كەۋدە تۇسىنان ءسۇزىپ, تاپتاعان.
ۇيىمداستىرۋشىلار بىردەن ونى اۋرۋحاناعا جەتكىزگەنىمەن, ءومىرىن ساقتاۋ مۇمكىن بولماپتى.
تاسس اقپارات اگەنتتىگىنىڭ مالىمەتى بويىنشا, يسپانيادا مۇنداي وقيعا سوڭعى رەت 31 جىل بۇرىن تىركەلگەن. 1985 جىلى وسىعان ۇقساس جاعدايدان حوسە كۋبەرو وپات بولىپتى. مەملەكەتتىڭ پرەمەر-ءمينيسترى ماريانو راحوي تورەودوردىڭ جانۇياسىنا كوڭىل ايتتى.
ايتا كەتەيىك, الەمدەگى ەڭ قاۋىپتى سانالاتىن سپورت تۇرىنەن بۇل ەلدە سوڭعى ءبىر عاسىر ىشىندە 134 تورەودور وپات بولعان ەكەن.
ايان ءابدۋالي