[caption id="attachment_50578" align="aligncenter" width="560"] فوتو: 24.kz[/caption]
سيريانىڭ سولتۇستىك باتىسىنداعى يدليب پروۆينتسياسىنا اۋەدەن سوققى جاسالدى. 24.kz-ءتىڭ اقپارىنا سايكەس, 23 بەيبىت تۇرعىن قازا تاپتى.
بۇل تۋرالى العاش بولىپ سيريانىڭ ادام قۇقىعىن قورعاۋ ۇيىمى حابارلاعان. سوڭعى مالىمەتتەرگە سايكەس, قازا تاپقانداردىڭ كوبىسى قالاعا وزگە ايماقتاردان ايت مەرەكەسىن تويلاۋعا بارعاندار ەكەن. مارقۇمداردىڭ اراسىندا 10 ايەل مەن ەكى ءبۇلدىرشىن بار. بيلىك وكىلدەرى ادام شىعىنى ءالى دە ارتۋى مۇمكىن دەگەن بولجام جاسادى. سەبەبى, اۋرۋحاناعا جاتقىزىلعانداردىڭ اراسىندا اۋىر جاراقات العاندار بار.
ايتا كەتەيىك, 6 شىلدە كۇنى سيريا ۇكىمەتى 72 ساعات ەلدە وق اتپاۋ رەجىمىن ەگىزگەن بولاتىن. دەگەنمەن, لاڭكەستەر باقىلاۋىنداعى قالادا بۇل تولىقتاي ساقتالماي وتىر. ازىرگە سوققى جاساعان ۇشاقتىڭ كىمگە تيەسىلى ەكەندىگى بەلگىسىز.
ايان ءابدۋالي