[caption id="attachment_50437" align="aligncenter" width="560"] فوتو: inform.kz[/caption]
جاپونياداعى اۋكتسيوندا جاڭا سورتتى جۇزىم بۇرىن-سوڭدى بولماعان باعاعا, 11 مىڭ دوللارعا ساتىلدى. ونى ساتىپ العان سۋپەرماركەت يەسى 30 جيدەكتىڭ ارقايسىسىنا شامامەن 360 دوللاردان تولەگەن.
inform.kz-ءتىڭ حابارلاۋىنشا, بۇل «قىزىل كۇرەڭ ريمدىكتەر» دەپ اتالاتىن ءجۇزىمنىڭ جاڭا, ەرەكشە ءارى ءتاتتى سورتى. جاپونيانىڭ يسيكاۆا پرەفەكتۋراسىندا وسىرىلگەن جانە ساتىلىمعا العاش رەت شىعارىلىپ وتىر.
«ءبىز بۇل ءجۇزىمدى ساتىپ الۋشىلاردىڭ ءدام تاتۋى ءۇشىن دۇكەنىمىزدىڭ الدىنا شىعارىپ قويامىز», - دەدى سۋپەرماركەت يەسى تاكامارۋ كونيشي.
جاپونيالىقتار پرەميۋم-كلاسس جەمىستەرى ءۇشىن قوماقتى قارجى جۇمسايدى. بۇل ەلدىڭ داستۇرىندە جوعارى مارتەبەلى ادامدارعا جەمىس-جيدەك سىيلاۋ ۇلكەن قۇرمەتتىڭ بەلگىسى بولىپ سانالادى.
ايان ءابدۋالي