قازاقستان پرەزيدەنتى نۇرسۇلتان نازارباەۆتىڭ تۋعان كۇنىنە وراي ۋكراينا پرەزيدەنتى پەتر پوروشەنكو قۇتتىقتاۋ جولدادى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
پەتر پوروشەنكو نۇرسۇلتان نازارباەۆقا مىقتى دەنساۋلىق, باق-بەرەكە تىلەپ, قازاقستان حالقىنىڭ يگىلىگى جولىنداعى جاۋاپتى مەملەكەتتىك قىزمەتىندە تابىستى بولۋىنا نيەتتەستىگىن جەتكىزگەن.
ۋكراينا پرەزيدەنتى قازاقستان تاراپى بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەسى رەتىندەگى بيىك مارتەبەلى قىزمەتى اياسىندا ۋكراينا توڭىرەگىندەگى احۋالدى رەتتەۋ, سونداي-اق, جاھاندىق بەيبىتشىلىك پەن قاۋىپسىزدىكتى ساقتاۋ ىسىنە ەلەۋلى ۇلەس قوساتىنىنا سەنىم ءبىلدىرەدى.
سونداي-اق, پ.پوروشەنكو ۋكراينا قازاقستانمەن اراداعى ءوزارا ءتيىمدى كوپقىرلى ىنتىماقتاستىعىن ەكى ەلدىڭ يگىلىگى جولىندا جالعاستىرا بەرەتىنىن ايتقان.