تىنىق مۇحيتقا قوقىس تازالايتىن سۇزگى ورناتىلادى

[caption id="attachment_49142" align="aligncenter" width="560"] فوتو: inform.kz[/caption] تىنىق مۇحيتقا ونىڭ اكۆاتورياسىن پلاستيك قوقىستاردان تازالايتىن ارنايى سۇزگى ورناتىلدى. inform.kz-ءتىڭ حابارلاۋىنشا, جاڭا جوبانى 22 جاستاعى گوللانديالىق زەرتتەۋشى بويان سلەت ۇسىنعان. مۇحيتتىق اعىستارعا كەسە-كولدەنەڭ ءجۇز شاقىرىمدىق بوگەتتەر ورناتۋ كوزدەلگەن. ولار ءبىر-بىرىنە بايلانعان ۇرلەمەلى قاپشىقتاردان تۇرادى. جاڭا تۋىندى قوقىستى ءبىر جەرگە جيناپ, كەيىن ول قايتا وڭدەۋگە جىبەرىلەدى. مامانداردىڭ ەسەبى بويىنشا, جىل سايىن تىنىق مۇحيتقا 8 ميلليون توننا پلاستيك قوقىس تۇسەدى ەكەن. ول نەگىزىنەن كاليفورنيا مەن گاۆاي ارالدارى اراسىنداعى 5 جەردە شوعىرلانعان. بۇعان مۇحيت اعىستارىنىڭ ءيىرىلۋى سەبەپ بولىپ وتىر. قازىرگى تاڭدا وسى بوگەتتىڭ كىشىرەيتىلگەن ءتۇرى ورناتىلعان. ونىڭ ۇزىندىعى 100 مەتر عانا. ال مۇحيتقا الىپ بوگەتتەر ورناتپاس بۇرىن ونى ءجيى داۋىل سوعاتىن, سول سياقتى اعىسى قاتتى سولتۇستىك تەڭىزدە سىناقتان وتكىزبەك. ايان ءابدۋالي.