كوكشەتاۋدا ءوزىنىڭ كۇيەۋىن ءولتىردى دەپ ايىپتالعان ايەل سوت جۇزىندە ۇزاق مەرزىمگە جازا الدى. قىلمىستىق ءىستى ارنايى مامانداندىرىلعان سوت قارادى.
وبلىستىق سوت ءباسپاسوز قىزمەتىنىڭ اقپارىنا قاراعاندا, كوكشەتاۋ قالاسىندا تۇراتىن 41 جاستاعى ايەل «اۋرۋ بولۋىنا بايلانىستى قارسىلىق كورسەتە الماعان كۇيەۋىن ءوزارا قارىم-قاتىناستارى ناشار بولۋى سەبەپتى تۇنشىقتىرىپ ولتىرگەن».
القابيلەر سوتى ايەلدى قىلمىستىق كودەكستىڭ 99-بابى, 2-تارماعىنىڭ 3-بولىگى بويىنشا (قاۋقارسىز جاعدايدا جاتقان ولتىرگەنى ءۇشىن ايىپتى دەپ تابۋ) ايىپتى دەپ تاپقان.
«سوتتالۋشىعا جالپى رەجىمدەگى ەڭبەك تۇزەتۋ كولونياسىندا 15 جىل وتىرۋ جازاسى بەلگىلەندى», - دەلىنگەن سوت اكتىسىندە.
سوت ۇكىم شىعاراردا سوتتالۋشىعا جەكە تۇلعا رەتىندە بەرىلگەن جاقسى باعانى, ايىبىن ايتىپ ءوزى كەلگەنىن جانە ونىڭ مۇنداي قادامعا زارداپ شەگۋشىنىڭ مورالعا جات قىلىعى ءۇشىن بارعانىن ەسكەرگەن.
باقبەرگەن امالبەك.