[caption id="attachment_48809" align="aligncenter" width="560"] فوتو: vk.com[/caption]
ەۋروپا چەمپيوناتىنىڭ 1/8 فينالىندا ونەر كورسەتكەن انگليا مەن يسلانديا قۇرامالارى نيتستسا قالاسىندا كەزدەستى.
انگليا – يسلانديا 1:2 (1:2)
ستاديون: «اليانتس ريۆەرا».
تورەشى: دامير سكومينا.
انگليا: حارت, ۋوكەر, كەحيلل, سموللينگ, روۋز, اللي, دايەر (ۋيلشەر 46), رۋني (رەشۆورد 87), ستارريدج, كەين, ستەرلينگ (ۆاردي 60)
يسلانديا: حالدەرسسون, سەۆارسسون, ارناسون, سيگۋردسسون, سكۋلاسون, گۋدمۋندسسون, سيگۋردسسون, گۋننارسسون, بيارناسون, سيگتورسسون (بيارناسون 77), بەدۆارسسون (تراۋستاسون 88)
گولدار: رۋني 4 (پەنالتي) – سيگۋردسسون 6, سيگتورسسون 19
ەسكەرتۋ العاندار: ستارريدج 48 – سيگۋردسسون 38, گۋننارسسون 66
باسقاسى باسقا, بىراق فۋتبولدىڭ وتانى اتانعان انگليا قۇراماسىنىڭ جارىس جولىنان پلەي-وفف كەزەڭىندە شىعىپ قالادى دەپ ەشكىم ويلاماعان بولسا كەرەك. تالانتتى ويىنشىلاردان جاساقتالعان. ونىڭ ۇستىنە ءدۇبىرلى دوداعا قاتىساتىنداردىڭ اراسىندا ەڭ جاس كوماندا اتانعان ەدى. الايدا, فۋتبولدا مۇنىڭ ءوزى دە ماڭىزدى ءرول اتقارمايتىنى دالەلدەندى. نەبارى 330 مىڭ حالقى بار, ءوزىنىڭ كاسىبي دەڭگەيدە ونەر كورسەتەتىن بىردە ءبىر فۋتبول كلۋبى جوق يسلانديا جانكۇيەرلەردىڭ ىستىق ىقىلاسىنا بولەنىپ ۇلگەردى.
ماتچ باستالا سالا شابۋىلعا شىققان اعىلشىندار ويىننىڭ 4-مينۋتىندا پەنالتي تەۋىپ ۇلگەردى. حالدەرسسون مەن ستەرلينگتىڭ اراسىنداعى دوپقا تارتىستا تورەشى ويىن ءتارتىبى بۇزىلعانىن انىقتاپ, 11-مەترلىك ايىپ دوبىن بەلگىلەدى. بۇل تۇستا رۋني ءوز مۇمكىندىگىن ءمۇلت جىبەرمەدى. وسىدان كەيىن يسلانديالىقتاردىڭ قارقىنى باسىلدى-اۋ دەپ ويلاعاندا, كۇتپەگەن جەردەن اراعا ەكى-اق مينۋت سالىپ, ايىپ دوبىنان اۋەلەگەن دوپتى قاقپاعا تۋرا باعىتتاعان سيگۋردسسون تارازى باسىن تەڭەستىردى. ال 19-مينۋتتا سيگتورسسون ەكىنشى گولدى سوعىپ, يسلانديا قۇراماسىنىڭ شيرەك فينالعا شىعۋىنا سەبەپ بولار ماڭىزدى دوپتىڭ اۆتورى اتاندى. انگليا بۇل تىعىرىقتان شىعۋدىڭ بار ايلا-ءتاسىلىن جاساعانىمەن, ويلاعان ويلارى دىتتەگەن جەرلەرىنە جەتە قويمادى.
ماتچ اياقتالعاننان كەيىن اعىلشىنداردىڭ باس جاتتىقتىرۋشىسى روي حودجسوننىڭ قىزمەتىنەن بوساتىلعانى رەسمي تۇردە حابارلاندى.
ايان ءابدۋالي.