2015 جىلعى 21 جەلتوقسان, استانا قالاسى
مەملەكەتتىك اۋديتور بىلىكتىلىگىن بەرۋگە ۇمىتكەر ادامداردى سەرتيفيكاتتاۋ جونىندەگى ۇلتتىق كوميسسيا تۋرالى ەرەجەنى بەكىتۋ تۋرالى
«مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ 2015 جىلعى 12 قاراشاداعى زاڭىنىڭ 39-بابىنىڭ 5-تارماعىنا سايكەس, رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى (بۇدان ءارى – ەسەپ كوميتەتى) قاۋلى ەتەدى:
1. قوسا بەرىلىپ وتىرعان مەملەكەتتىك اۋديتور بىلىكتىلىگىن بەرۋگە ۇمىتكەر ادامداردى سەرتيفيكاتتاۋ جونىندەگى ۇلتتىق كوميسسيا تۋرالى ەرەجە بەكىتىلسىن.
2. ەسەپ كوميتەتىنىڭ زاڭ ءبولىمى زاڭنامادا بەلگىلەنگەن تارتىپپەن:
1) وسى نورماتيۆتىك قاۋلىنىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى نورماتيۆتىك قاۋلى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن;
3) وسى نورماتيۆتىك قاۋلىنىڭ ەسەپ كوميتەتىنىڭ ينتەرنەت-رەسۋرسىنا ورنالاستىرىلۋىن قامتاماسىز ەتسىن.
3. نورماتيۆتىك قاۋلىنىڭ ورىندالۋىن باقىلاۋ ەسەپ كوميتەتىنىڭ اپپارات باسشىسىنا جۇكتەلسىن.
4. وسى نورماتيۆتىك قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
توراعانىڭ مىندەتىن اتقارۋشى ا.مۇحامەتكارىم
«كەلىسىلدى»
قازاقستان رەسپۋبليكاسىنىڭ قارجى ءمينيسترى
______________ ب.سۇلتانوۆ
2015 جىلعى 28 جەلتوقسان
رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ
2015 جىلعى 21 جەلتوقسانداعى № 23-ن/ق نورماتيۆتىك قاۋلىسىمەن بەكىتىلگەن
مەملەكەتتىك اۋديتور بىلىكتىلىگىن بەرۋگە ۇمىتكەر ادامداردى سەرتيفيكاتتاۋ جونىندەگى
ۇلتتىق كوميسسيا تۋرالى ەرەجە
1. جالپى ەرەجەلەر
1. مەملەكەتتىك اۋديتور بىلىكتىلىگىن بەرۋگە ۇمىتكەر ادامداردى سەرتيفيكاتتاۋ جونىندەگى ۇلتتىق كوميسسيا تۋرالى ەرەجە (بۇدان ءارى – ەرەجە) «مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ 2015 جىلعى 12 قاراشاداعى زاڭىنىڭ 39-بابىنىڭ 2-تارماعىنا سايكەس ازىرلەندى جانە مەملەكەتتىك اۋديتور بىلىكتىلىگىن الۋعا ۇمىتكەر ادامداردى سەرتيفيكاتتاۋ جونىندەگى ۇلتتىق كوميسسيانىڭ (بۇدان ءارى – ۇلتتىق كوميسسيا) وكىلەتتىكتەرىن جانە قىزمەتىنىڭ ۇيىمداستىرىلۋىن ايقىندايدى.
2. ۇلتتىق كوميسسيا ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, زاڭنامالىق اكتىلەرىن, قازاقستان رەسپۋبليكاسى پرەزيدەنتىنىڭ اكتىلەرىن, وسى ەرەجەنى جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىن باسشىلىققا الادى.
2. ۇلتتىق كوميسسيانىڭ مىندەتتەرى
3. ۇلتتىق كوميسسيانىڭ مىندەتتەرى:
1) مەملەكەتتىك اۋديتور بىلىكتىلىگىن بەرۋگە ۇمىتكەر ادامداردىڭ كاسىبي, ىسكەرلىك قاسيەتتەرى مەن الەۋەتتىك مۇمكىندىكتەرىنىڭ جان-جاقتى جانە وبەكتيۆتى سيپاتتاماسىن ايقىنداۋ;
2) مەملەكەتتىك اۋديتور بىلىكتىلىگىن بەرۋگە ۇمىتكەر ادامدارعا سەرتيفيكاتتاۋ جۇرگىزۋ;
3) مەملەكەتتىك اۋديتور بىلىكتىلىگىن بەرۋگە ۇمىتكەر ادامداردىڭ سەرتيفيكاتتاۋدان ءوتۋ ماسەلەلەرى بويىنشا ۇسىنىمدار ازىرلەۋ جانە ەنگىزۋ بولىپ تابىلادى.
3. ۇلتتىق كوميسسيانىڭ فۋنكتسيالارى
4. مىندەتتەرىنە سايكەس ۇلتتىق كوميسسياعا مىناداي فۋنكتسيالار جۇكتەلەدى:
1) مەملەكەتتىك اۋديتور بىلىكتىلىگىن بەرۋگە ۇمىتكەر ادامداردىڭ جەكە ىستەرىن قاراۋ;
2) ۇلتتىق كوميسسيانىڭ قۇزىرەتىنە جاتاتىن ماسەلەلەر بويىنشا مەملەكەتتىك ورگاندارعا جانە وزگە دە ۇيىمدارعا سۇراۋ سالۋ جىبەرۋ جانە ولاردان اقپارات الۋ;
3) مەملەكەتتىك اۋديتور بىلىكتىلىگىن بەرۋ تۋرالى سەرتيفيكات تاپسىرۋ;
4) مەملەكەتتىك اۋديتور بىلىكتىلىگىن بەرۋ تۋرالى سەرتيفيكاتتىڭ كۇشىن جويۋ;
5) مەملەكەتتىك اۋديتور بىلىكتىلىگىن بەرۋگە ۇمىتكەر ادامدارمەن اڭگىمەلەسۋ وتكىزۋ;
6) ۇلتتىق كوميسسيانىڭ قۇزىرەتىنە جاتاتىن ماسەلەلەر بويىنشا شەشىمدەر قابىلداۋ;
7) ۇلتتىق كوميسسيانىڭ قۇزىرەتىنە جاتاتىن ماسەلەلەردى قاراۋعا مەملەكەتتىك ورگاندار مەن ۇيىمداردىڭ, سونداي-اق مەملەكەتتىك ەمەس ۇيىمداردىڭ لاۋازىمدى ادامدارىن جانە ماماندارىن قاجەتتىلىگىنە قاراي تارتۋ;
8) ۇلتتىق كوميسسيانىڭ قۇزىرەتىنە جاتاتىن ماسەلەلەر بويىنشا نورماتيۆتىك قۇقىقتىق جانە قۇقىقتىق اكتىلەردى جەتىلدىرۋ جونىندە ۇسىنىستار ازىرلەۋ;
9) ۇلتتىق كوميسسياعا جۇكتەلگەن مىندەتتەردى ىسكە اسىرۋ ءۇشىن قاجەتتى, ۇلتتىق كوميسسياسىنىڭ توراعاسى بەلگىلەگەن وزگە دە فۋنكتسيالاردى جۇزەگە اسىرۋ.
4. ۇلتتىق كوميسسيانىڭ قۇرامى جانە ونىڭ قىزمەتىن ۇيىمداستىرۋ
5. ۇلتتىق كوميسسيا توراعادان جانە كوميسسيا مۇشەلەرىنەن تۇرادى.
6. رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى ۇلتتىق كوميسسيانىڭ توراعاسى بولىپ تابىلادى.
ۇلتتىق كوميسسيانىڭ جۇمىس ورگانى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى (بۇدان ءارى – ەسەپ كوميتەتى) بولىپ تابىلادى.
ۇلتتىق كوميسسيانىڭ توراعاسى وسى تارماقتىڭ ءتورتىنشى بولىگىندە كورسەتىلگەن ۇيىمدار باسشىلارىنىڭ ۇسىنىستارى نەگىزىندە ۇلتتىق كوميسسيانىڭ دەربەس قۇرامىن بەكىتەدى.
ۇلتتىق كوميسسيانىڭ قۇرامىنا قازاقستان رەسپۋبليكاسى پرەزيدەنتى اكىمشىلىگىنىڭ, قازاقستان رەسپۋبليكاسى ۇكىمەتىنىڭ, ەسەپ كوميتەتىنىڭ, ىشكى مەملەكەتتىك اۋديت جونىندەگى ۋاكىلەتتى ورگاننىڭ وكىلدەرى, قازاقستان رەسپۋبليكاسى پارلامەنتىنىڭ دەپۋتاتتارى (كەلىسىم بويىنشا) كىرەدى.
ۇلتتىق كوميسسيا قازاقستان رەسپۋبليكاسى پرەزيدەنتى اكىمشىلىگىنىڭ, قازاقستان رەسپۋبليكاسى ۇكىمەتىنىڭ, قازاقستان رەسپۋبليكاسى پارلامەنتىنىڭ (كەلىسىم بويىنشا) وكىلدەرىنەن, ىشكى مەملەكەتتىك اۋديت جونىندەگى ۋاكىلەتتى ورگاننىڭ ەكى وكىلىنەن جانە ەسەپ كوميتەتىنىڭ ءۇش وكىلىنەن تۇرادى.
وكىلدىك ساياسي جانە/نەمەسە «ا» كورپۋسىنىڭ مەملەكەتتىك اكىمشىلىك قىزمەتشىلەرى دەڭگەيىندە قامتاماسىز ەتىلەدى.
7. ۇلتتىق كوميسسيانىڭ توراعاسى:
1) ۇلتتىق كوميسسيانىڭ قىزمەتىنە جالپى باسشىلىقتى جۇزەگە اسىرادى;
2) ۇلتتىق كوميسسيا وتىرىستارىنىڭ وتكىزىلەتىن ورنى مەن ۋاقىتىن بەلگىلەيدى;
3) ۇلتتىق كوميسسيانىڭ وتىرىستارىندا توراعالىق ەتەدى;
4) ۇلتتىق كوميسسيانىڭ دەربەس قۇرامىن بەكىتەدى;
5) ۇلتتىق كوميسسيانىڭ جۇمىس جوسپارىن جانە اڭگىمەلەسۋ كەستەسىن بەكىتەدى;
6) ۇلتتىق كوميسسيانىڭ مۇشەلەرى ورىنداۋعا مىندەتتى نۇسقاۋلار بەرەدى;
7) ۇلتتىق كوميسسيا بەرەتىن مەملەكەتتىك اۋديتور بىلىكتىلىگىن بەرۋ تۋرالى سەرتيفيكاتقا قول قويادى.
ۇلتتىق كوميسسيانىڭ توراعاسى بولماعان كەزدە ونىڭ فۋنكتسيالارىن ۇلتتىق كوميسسيانىڭ توراعاسى ايقىندايتىن كوميسسيا مۇشەسى اتقارادى.
8. ۇلتتىق كوميسسيانىڭ شەشىمدەرى ۇلتتىق كوميسسيانىڭ توراعاسى جانە حاتشىسى قول قوياتىن حاتتامامەن رەسىمدەلەدى, ول ەسەپ كوميتەتىنىڭ ينتەرنەت-رەسۋرسى ارقىلى قالىڭ كوپشىلىك نازارىنا جەتكىزىلەدى.
9. ۇلتتىق كوميسسيانىڭ شەشىمدەرى اشىق داۋىس بەرۋ ارقىلى قابىلدانادى جانە ەگەر داۋىس بەرۋگە قاتىسىپ وتىرعان ۇلتتىق كوميسسيا مۇشەلەرىنىڭ جالپى سانىنىڭ باسىم كوپشىلىگى ولارعا داۋىس بەرسە, شەشىمدەر قابىلداندى دەپ سانالادى. داۋىستار تەڭ بولعان جاعدايدا, ۇلتتىق كوميسسيانىڭ توراعاسى داۋىس بەرگەن شەشىم قابىلداندى دەپ ەسەپتەلەدى.
ۇلتتىق كوميسسيا مۇشەلەرىنىڭ ەرەكشە پىكىر ايتۋعا قۇقىعى بار, ول بىلدىرىلگەن جاعدايدا, جازباشا تۇردە باياندالۋعا ءتيىس.
داۋىس بەرۋدى ۇلتتىق كوميسسيانىڭ مۇشەلەرى الماستىرۋ قۇقىعىنسىز جۇزەگە اسىرادى.
10. داۋىس بەرۋدىڭ ناتيجەلەرى وسى ەرەجەگە قوسىمشاعا سايكەس نىسان بويىنشا ۇلتتىق كوميسسيا مۇشەلەرىنىڭ داۋىس بەرۋ ناتيجەلەرى ەسەپكە الۋ پاراعىنا ەنگىزىلەدى.
ۇلتتىق كوميسسيانىڭ مۇشەلەرى ونىڭ وتىرىستارىنا قاتىسادى, سونداي-اق توراعانىڭ تاپسىرمالارىن ورىندايدى.
12. ۇلتتىق كوميسسيانىڭ حاتشىسى ۇلتتىق كوميسسيانىڭ قىزمەتىن قامتاماسىز ەتۋگە جاۋاپتى ەسەپ كوميتەتى قۇرىلىمدىق بولىمشەسىنىڭ باسشىسى بولىپ تابىلادى.
كوميسسيا حاتشىسى:
1) ۇلتتىق كوميسسيانىڭ وتىرىسىن ول جۇرگىزىلگەنگە دەيىن كەمىندە بەس جۇمىس كۇنى بۇرىن ونىڭ مۇشەلەرىن كەزەكتى وتىرىستىڭ وتكىزىلەتىن كۇنى, ورنى جانە كۇن ءتارتىبى تۋرالى جازباشا تۇردە حاباردار ەتە وتىرىپ ۇيىمداستىرادى;
2) الداعى بولاتىن وتىرىسقا قاجەتتى ماتەريالداردى تاراتۋدى جۇزەگە اسىرادى;
3) وز وكىلەتتىكتەرى شەگىندە ۇلتتىق كوميسسيا توراعاسىنىڭ تاپسىرمالارىن ورىندايدى.
13. ۇلتتىق كوميسسيانىڭ جۇمىسى بەكىتىلگەن جوسپاردىڭ نەگىزىندە جۇزەگە اسىرىلادى. ۇلتتىق كوميسسيانىڭ وتىرىسى قاجەتتىلىگىنە قاراي, ونىڭ مۇشەلەرىنىڭ كەمىندە جارتىسى قاتىسقان جاعدايدا, بىراق جىلىنا رەتتەن سيرەتپەي وتكىزىلەدى.
رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ
2015 جىلعى 21 جەلتوقسانداعى № 23-ن/ق نورماتيۆتىك قاۋلىسىنا قوسىمشا
نىسان
ۇلتتىق كوميسسيا مۇشەلەرىنىڭ داۋىس بەرۋى ناتيجەلەرىن ەسەپكە الۋ پاراعى
201__جىلعى ____ __________
(وتىرىس وتكىزۋ كۇنى)
ۇلتتىق كوميسسيا مۇشەسى ____ ___________________________________________
ء(اات)
جاقتاۋ قارسى بولۋ
بارلىعى
داۋىس بەرۋ ناتيجەلەرى ___________________
* تيىستى ساندار قويىلاتىن «بارلىعى» دەگەن جولدى قوسپاعاندا, «داۋىس بەرۋ» دەگەن جانە «داۋىس بەرگەن جوق» دەگەن باعاندارىندا «+» دەگەن نەمەسە «-» بەلگىلەر قويىلادى.
ۇلتتىق كوميسسيا مۇشەسىنىڭ وتىرىستا بولماعانى تۋرالى ءتيىستى بەلگى قويىلادى.
قاۋلى قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 12680 بولىپ ەنگىزىلدى.