2015 جىلعى 17 تامىز, استانا قالاسى
«دەنساۋلىق ساقتاۋدىڭ مەملەكەتتىك ەمەس سەكتورىندا ەمدەۋگە تىيىم سالىنعان اۋرۋلاردىڭ تىزبەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 14 قازانداعى № 526 بۇيرىعىنا وزگەرىستەر ەنگىزۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 31-بابىنا سايكەس بۇيىرامىن:
1. «دەنساۋلىق ساقتاۋدىڭ مەملەكەتتىك ەمەس سەكتورىندا ەمدەۋگە تىيىم سالىنعان اۋرۋلاردىڭ تىزبەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 14 قازانداعى № 526 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5847 بولىپ تىركەلگەن, 2009 جىلعى 24 قاراشاداعى № 179 (1602) «زاڭ گازەتىندە» جاريالانعان) مىناداي وزگەرىستەر ەنگىزىلسىن:
كىرىسپە مىناداي رەداكتسيادا جازىلسىن:
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 31-بابىنا سايكەس بۇيىرامىن:»;
كورسەتىلگەن بۇيرىقپەن بەكىتىلگەن دەنساۋلىق ساقتاۋدىڭ مەملەكەتتىك ەمەس سەكتورىندا ەمدەۋگە تىيىم سالىنعان اۋرۋلاردىڭ تىزبەسىندە 7-تارماق مىناداي رەداكتسيادا جازىلسىن:
«7. «تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ جونىندەگى قىزمەتتەر بەرۋشىنى تاڭداۋ جانە ونىڭ شىعىندارىن وتەۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشىنىڭ 2015 جىلعى 30 شىلدەدەگى № 638 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11960 بولىپ تىركەلگەن) تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ جونىندەگى قىزمەتتەر بەرۋشىنى تاڭداۋ جانە ونىڭ شىعىندارىن وتەۋ قاعيدالارىنا سايكەس وسى ەمدەۋ قىزمەتتەرىنىڭ تۇرلەرى بولماعان جاعدايدا اۋرۋدىڭ وسى ونكولوگيالىق كومەك كورسەتەتىن دەنساۋلىق ساقتاۋ ۇيىمدارىمەن جاسالعان شارت بويىنشا قوسپاعاندا تۇرىمەن اۋىراتىن پاتسيەنتتەرگە ەمدەۋ قىزمەتتەرىنىڭ جەكەلەگەن تۇرلەرىن كورسەتۋ جاعدايلارىن, قاتەرلى ىسىكتەر.».
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 23 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12103 بولىپ ەنگىزىلدى.