2015 جىلعى 29 مامىر , استانا قالاسى
كەلىسىمشارتتىق فراكتسيالاۋ جونىندەگى ءوزارا ءىس-قيمىل جاساۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 107) تارماقشاسىنا سايكەس بۇيىرامىن:
1. قوسا بەرىلىپ وتىرعان كەلىسىمشارتتىق فراكتسيالاۋ جونىندەگى ءوزارا ءىس-قيمىل جاساۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ونى كۇنتىزبەلىك ون كۇننىڭ ىشىندە مەرزىمدى ءباسپاسوز باسىلىمدارىندا جانە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت–رەسۋرسىنا ورنالاستىرۋدى;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2), جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن.
4. وسى بۇيرىق ونى العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 29 مامىرداعى №419 بۇيرىعىنا قوسىمشا
كەلىسىمشارتتىق فراكتسيالاۋ جونىندەگى ءوزارا ءىس-قيمىل جاساۋ قاعيدالارى تۋرالى
1. وسى كەلىسىمشارتتىق فراكتسيالاۋ جونىندەگى ءوزارا ءىس-قيمىل جاساۋ قاعيدالارى (بۇدان ءارى – قاعيدالار) تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە حالىقتى قان پرەپاراتتارىمەن قامتاماسىز ەتۋ ءۇشىن دەنساۋلىق ساقتاۋ ۇيىمدارىنىڭ كەلىسىمشارتتىق فراكتسيالاۋ جونىندەگى ءوزارا ءىس-قيمىل جاساۋ ءتارتىبىن بەلگىلەيدى.
2. وسى قاعيدالاردا مىناداي كەلەسى ۇعىمدار پايدالانىلادى:
1) كەلىسىمشارتتىق فراكتسيالاۋ – قازاقستان رەسپۋبليكاسىنىڭ حالقىن قان پرەپاراتتارىمەن قامتاماسىز ەتۋ ءۇشىن قازاقستان رەسپۋبليكاسىنىڭ قان قىزمەتى سالاسىندا قىزمەتىن جۇزەگە اسىراتىن مەملەكەتتىك دەنساۋلىق ساقتاۋ ۇيىمدارىندا دايىندالعان قان كومپونەنتتەرىنەن پلازمالىق قان پرەپاراتتارىن شەتەلدىك ءوندىرۋشىنىڭ زاۋىتتارىندا ءوندىرۋ ءۇشىن قان كومپونەنتتەرى شەتەلگە جىبەرىلگەن كەزدە;
2) قان پرەپاراتتارى - قان كومپونەنتتەرىن وڭدەۋ كەزىندە الىنعان دارىلىك زاتتار;
3) پلازمانى دايىنداۋشى – ءتيىستى ليتسەنزيانىڭ نەگىزىندە قان دايىنداۋدى جۇزەگە اسىراتىن «ترانسفۋزيولوگيا عىلىمي-وندىرىستىك ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى;
4) دەنساۋلىق ساقتاۋ سالاسىنداعى ۋاكىلەتتى ورگان (بۇدان ءارى - ۋاكىلەتتى ورگان) – ازاماتتاردىڭ دەنساۋلىعىن ساقتاۋ, مەديتسينالىق جانە فارماتسەۆتيكالىق عىلىم, مەديتسينالىق جانە فارماتسەۆتيكالىق ءبىلىم بەرۋ, دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىسى, مەديتسينالىق قىزمەتتەر كورسەتۋ ساپاسىن باقىلاۋ سالاسىنداعى باسشىلىقتى جۇزەگە اسىراتىن مەملەكەتتىك ورگان;
5) پلازما – ارناۋلى ەلەمەنتتەر ولشەنگەن قاننىڭ سۇيىق بولىگى.
3. كەلىسىمشارتتىق فراكتسيالاۋ جونىندەگى ءوزارا ءىس-قيمىل جاساۋدى مىناداي ۇيىمدار جۇزەگە اسىرادى:
1) ۋاكىلەتتى ورگان;
2) دايىنداۋشى;
4. پلازمانى دايىنداۋشى ەسەپتى جىلدىڭ 1 اقپانىنا دەيىن ۋاكىلەتتى ورگانعا الداعى ۇشجىلدىق كەزەڭگە كەيىن قان پرەپاراتتارىن وندىرۋگە جاتاتىن پلازمانىڭ كولەمىدەر تۋرالى اقپاراتتى جولدايدى جانە پلازمانى دايىنداۋدى جوسپارلاۋ كەزىندە ءوزىنىڭ جانە پلازما دايىنداۋعا تارتىرىلاتىن قان قىزمەتىنىڭ باسقا ۇيىمدارىنىڭ ناقتى وندىرىستىك مۇمكىندىكتەرىنە سۇيەنەدى.
5. ۋاكىلەتتى ورگان ەسەپتى جىلدىڭ 15 اقپانىنا دەيىن وتكەن ۇشجىلدىق كەزەڭدەگى ساتىپ الىنعان قان پرەپاراتتارى جانە كەلەسى كۇنتىزبەلىك جىلعا تاپسىرىس بەرۋشىلەردىڭ قاجەتتىلىكتەرى تۋرالى اقپاراتتى جولدايدى.
6. ۋاكىلەتتى ورگان ۇسىنعان اقپاراتتىڭ نەگىزىندە كەلىسىمشارتتىق فراكتسيالاۋ نەگىزىندە وندىرىلگەن قان پرەپاراتتارىنىڭ كولەمى قالىپتاستىرادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 2 شىلدەدەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11542 بولىپ ەنگىزىلدى.