2015 جىلعى 26 مامىر ,استانا قالاسى
تەمەكى بۇيىمىنىڭ قورابىنا, تەمەكى بۇيىمىنىڭ قاپتاماسىنا شايىرلى زاتتاردىڭ, نيكوتيننىڭ قۇرامى, ولاردىڭ دەڭگەيى جانە جۇيەلىك ۋلار, كانتسەروگەندىك جانە مۋتاگەندىك زاتتار تۋرالى مالىمەتتەردى ورنالاستىرۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 159-بابىنىڭ 2-تارماعىنىڭ 8) تارماقشاسىنا سايكەس بۇيىرامىن:
1. قوسا بەرىلىپ وتىرعان تەمەكى بۇيىمىنىڭ قورابىنا, تەمەكى بۇيىمىنىڭ قاپتاماسىنا شايىرلى زاتتاردىڭ, نيكوتيننىڭ قۇرامى, ولاردىڭ دەڭگەيى جانە جۇيەلىك ۋلار, كانتسەروگەندىك جانە مۋتاگەندىك زاتتار تۋرالى مالىمەتتەردى ورنالاستىرۋ قاعيدالارى (بۇدان ءارى - قاعيدالار) بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدى ءباسپاسوز باسىلىمدارىندا جانە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ.تسويعا جۇكتەلسىن.
4. وسى بۇيرىق ونى العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 26 مامىرداعى №387 بۇيرىعىمەن بەكىتىلگەن
تەمەكى بۇيىمىنىڭ قورابىنا, تەمەكى بۇيىمىنىڭ قاپتاماسىنا شايىرلى زاتتاردىڭ,
نيكوتيننىڭ قۇرامى, ولاردىڭ دەڭگەيى جانە جۇيەلىك ۋلار, كانتسەروگەندىك جانە
مۋتاگەندىك زاتتار تۋرالى مالىمەتتەردى ورنالاستىرۋ قاعيدالارى
1. جالپى ەرەجەلەر
1. وسى تەمەكى بۇيىمىنىڭ قورابىنا, تەمەكى بۇيىمىنىڭ قاپتاماسىنا شايىرلى زاتتاردىڭ, نيكوتيننىڭ قۇرامى, ولاردىڭ دەڭگەيى جانە جۇيەلىك ۋلار, كانتسەروگەندىك جانە مۋتاگەندىك زاتتار تۋرالى مالىمەتتەردى ورنالاستىرۋ قاعيدالارى (بۇدان ءارى – قاعيدالار) تەمەكى بۇيىمىنىڭ قورابىنا, تەمەكى بۇيىمىنىڭ قاپتاماسىنا شايىرلى زاتتاردىڭ, نيكوتيننىڭ قۇرامى, ولاردىڭ دەڭگەيى جانە جۇيەلىك ۋلار جانە باسقا زياندى قوسىلىستار - كانتسەروگەندىك جانە مۋتاگەندىك زاتتار (بۇدان ءارى – زياندى قوسىلىستار) تۋرالى مالىمەتتەردى ورنالاستىرۋ ءتارتىبىن ايقىندايدى.
2. تەمەكى بۇيىمىنىڭ قورابىنا, تەمەكى بۇيىمىنىڭ قاپتاماسىنا شايىرلى زاتتاردىڭ,
نيكوتيننىڭ قۇرامى, ولاردىڭ دەڭگەيى جانە جۇيەلىك ۋلار, كانتسەروگەندىك جانە
مۋتاگەندىك زاتتار تۋرالى مالىمەتتەردى ورنالاستىرۋ ءتارتىبى
2. شايىرلى زاتتار مەن نيكوتين قۇرامىنىڭ دەڭگەيى تۋرالى مالىمەتتەر تەمەكى بۇيىمىنىڭ قورابىنا, تەمەكى بۇيىمدارىنىڭ قاپتاماسىنا جازىلادى جانە تەمەكى بۇيىمى قورابىنىڭ, قاپتاماسىنىڭ ءبىر جاق ءبۇيىر بەتىنىڭ كەمىندە 4 %-ىن ء(تورت) الادى.
3. كەمىندە ءۇش زياندى قوسىلىستىڭ قۇرامى تۋرالى مالىمەتتەر:
1) جۇيەلىك ۋلار: كۇشالا, سىناپ, اتسەتون, كوگەرتكىش قىشقىل, امموني, فەنول;
2) كانتسەروگەندىك زاتتار: پولوني-210, بەنزول, فورمالدەگيد, بەنزپيرەن, كادمي, اكرولەين;
3) مۋتاگەندىك زاتتار: اتسەتالدەگيد, تولۋول, قورعاسىن, اكريلونيتريل, كومىرتەگى مونووكسيدى, 3-امينوبيفەنيل تۋرالى اقپاراتتى قامتيدى.
4. زياندى قوسىلىستاردىڭ اتاۋى كۇنتىزبەلىك جىل ىشىندە قازاقستان رەسپۋبليكاسىنىڭ اۋماعىندا وندىرىلگەن, سونداي-اق قازاقستان رەسپۋبليكاسىنىڭ اۋماعىنا اكەلىنگەن تەمەكى بۇيىمى قوراپتارىنىڭ, تەمەكى بۇيىمى قاپتامالارىنىڭ بارابار تەڭ مولشەرىنە ورنالاستىرىلادى.
5. زياندى قوسىلىستاردىڭ قۇرامى تۋرالى مالىمەتتەر:
1) سولدان وڭعا قاراي تەمەكى بۇيىمى قورابىنىڭ, تەمەكى بۇيىمى قاپتاماسىنىڭ سول جاق شەتىنە پاراللەل ورنالاستىرىلادى;
2) سول جاق ءبۇيىرىنىڭ ورتاڭعى بەتى كولەمىنىڭ كەمىندە 17 %-ىن (ون جەتى) الادى.
6. زياندى قوسىلىستاردىڭ قۇرامى تۋرالى مالىمەتتەردىڭ ءماتىنى مىناداي تالاپتارعا سايكەس كەلۋى ءتيىس:
1) مەملەكەتتىك جانە ورىس تىلدەرىندە باسىلادى;
2) قارىپتىڭ اتاۋى – نەlvەtىسا kz;
3) سول جاق شەتتەن بوس جەر - كەمىندە 1 مم;
4) ءتۇسى - قوراپتىڭ نەگىزگى اياسىنىڭ تۇسىنە قاراما-قارسى;
5) باسقا باسپا اقپاراتىمەن نەمەسە اكتسيزدىك ماركامەن بۇركەلمەۋى ءتيىس;
6) جىرتىلاتىن جەرىندە ورنالاسپاۋى ءتيىس.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 22 ماۋسىمداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 11412 بولىپ ەنگىزىلدى.