2015 جىلعى 21 مامىر, استانا قالاسى
الەۋمەتتىك ءمانى بار اۋرۋلاردىڭ جانە اينالاداعىلار ءۇشىن
قاۋىپ توندىرەتىن اۋرۋلاردىڭ تىزبەسىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 89) تارماقشاسىنا سايكەس بۇيىرامىن:
1. وسى بۇيرىققا قوسىمشاعا سايكەس الەۋمەتتىك ءمانى بار اۋرۋلاردىڭ جانە اينالاداعىلار ءۇشىن قاۋىپ توندىرەتىن اۋرۋلاردىڭ تىزبەسى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدىك باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن.
4. وسى بۇيرىق ونى العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا
«كەلىسىلگەن»
قازاقستان رەسپۋبليكاسىنىڭ ۇلتتىق ەكونوميكا ءمينيسترى
ە. دوساەۆ__________________
2015 جىلعى 29 مامىر
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 21 مامىرداعى № 367 بۇيرىعىمەن بەكىتىلگەن
الەۋمەتتىك ءمانى بار اۋرۋلاردىڭ جانە اينالاداعىلار ءۇشىن قاۋىپ توندىرەتىن اۋرۋلاردىڭ تىزبەسى
1. الەۋمەتتىك ءمانى بار اۋرۋلار
1. تۋبەركۋلەز
2. ادامنىڭ يممۋنيتەت تاپشىلىعى ۆيرۋسى قوزدىراتىن اۋرۋ جانە ادامنىڭ يممۋنيتەت تاپشىلىعى ۆيرۋسىن تاسىمالداۋشىلار
3. ۆ, س ۆيرۋستى گەپاتيتى
4. قاتەرلى ىسىكتەر
5. قانت ديابەتى
6. پسيحيكالىق اۋىتقۋلار جانە مىنەز-ق ۇلىق اۋىتقۋلارى
7. بالالاردىڭ تسەرەبرالدى سال اۋرۋى
8. جۇرەك تالماسى (العاشقى التى اي)
9. رەۆماتيزم
10. دانەكەر ءتىننىڭ جۇيەلى زاقىمدانۋى
11. ورتالىق نەرۆ جۇيەسىنىڭ تۇقىم قۋالايتىن دەگەنەراتيۆتىك اۋرۋلارى
12. ورتالىق نەرۆ جۇيەسىنىڭ دەميەلينيلەنگەن اۋرۋلارى
2. اينالاداعىلار ءۇشىن
قاۋىپ توندىرەتىن اۋرۋلار
13. ادامنىڭ يممۋنيتەت تاپشىلىعى ۆيرۋسى قوزدىراتىن اۋرۋ جانە ادامنىڭ يممۋنيتەت تاپشىلىعى ۆيرۋسىن تاسىمالداۋشىلار
14. گەمورراگيالىق قىزبا
15. ديفتەريا
16. مەنينگوكوكك ينفەكتسياسى
17. پوليوميەليت
18. نەگىزىنەن جىنىستىق جولمەن بەرىلەتىن ينفەكتسيالار
19. الاپەس
20. بەزگەك
21. كۇيدىرگى (وكپەلىك ءتۇرى)
22. تۋبەركۋلەز
23. تىرىسقاق
24. وبا
25. ءىش سۇزەگى
26. ا ۆيرۋستى گەپاتيتى
27. پسيحيكالىق بۇزىلۋلار جانە مىنەز-ق ۇلىق بۇزىلۋلارى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11512 بولىپ ەنگىزىلدى.