جاقىندا قىزىلوردا قالاسىندا «قازگەرمۇناي» بك» جشس بازاسىندا «قازمۇنايگاز» بارلاۋ ءوندىرۋ» اق كومپانيالار توبىنداعى جاس مامانداردىڭ IV فورۋمى بولىپ ءوتتى. شاراعا قاتىسۋشىلار دەنىن «قازمۇنايگاز» بارلاۋ ءوندىرۋ» اق ەنشىلەس كومپانيالارى – «قازگەرمۇناي» بك» جشس, «وزەنمۇنايگاز» اق, «ەمبىمۇنايگاز» اق, «قاراجانباسمۇناي» اق, «تۇلپارمۇنايسەرۆيس» جشس, «كرۋز» جشس, «جوندەۋ» جشس جانە قمگ ءبو-ءنىڭ جۇمىسكەرلەرى قۇرادى.
ەستەرىڭىزگە سالا كەتسەك, جاس ماماندار كەڭەستەرى «قازمۇنايگاز» بارلاۋ ءوندىرۋ» اق ورتالىق اپپاراتى مەن كومپانيانىڭ 12 ەنشىلەس ۇيىمىندا 2012 جىلدان باستاپ جۇمىس ىستەيدى. كەڭەستىڭ باستى ماقساتى – جاستاردى كومپانيا جۇمىسىنا, ونىڭ وندىرىستىك جانە ستراتەگيالىق ماسەلەلەردى شەشۋ ىستەرىنە بەلسەنە قاتىسۋعا ىنتالاندىرۋ, مامانداردىڭ كاسىبي دەڭگەيلەرىن ارتتىرۋ ءۇشىن جاعداي جاساۋ, كورپوراتيۆتى قۇندىلىقتار تۇسىنىگىن قالىپتاستىرۋ, عىلىم سالاسىندا كورسەتكەن شىعارماشىلىق ءمۇمكىندىكتەرىن اشىپ, دامىتۋ بولاتىن.
وسىعان وراي بۇل جولعى فورۋمدا دا يننوۆاتسيالىق جوبالار سايىسى ۇيىمداستىرىلدى. سايىسقا 35 جاس مامان ءوندىرىستى دامىتۋعا, كومپانيا قىزمەتىنىڭ ەكونوميكالىق تيىمدىلىگىن ارتتىرۋعا باعىتتالعان ءوز جوبالارىن ۇسىندى.
– ءبىز بۇل سايىستى كومپانيامىزداعى ەڭ بەلسەندى جانە دارىندى جۇمىسشىلاردى انىقتاۋ ءۇشىن وتكىزەمىز. جۇمىسشىلاردىڭ ۇسىنعان جاڭا تەحنولوگيالارى مەن جاڭاشا كوزقاراستارىن پايدالانىپ, ءوندىرىستىڭ كەيبىر ۇردىستەرىن وڭتايلاندىرىپ, جۇمىس ءتيىمدىلىگىن ارتتىرۋدى ماقسات ەتەمىز. وتكەن جىلداردا سايىستا جەڭىسكە جەتكەندەردىڭ جوبالارى وندىرىسكە ەنگىزىلىپ, جۇمىسىنىڭ وڭ ناتيجەسىن بەرىپ جاتىر, – دەيدى «قازمۇنايگاز» بارلاۋ ءوندىرۋ» اق اپپارات باسشىسى باۋىرجان اسقاروۆ.
جوبالار سايىستىڭ التى سەكتسياسى بويىنشا ۇسىنىلىپ باعالاندى. گەولوگيا, گەوفيزيكا جانە يگەرۋ سەكتسياسىندا «KMG-Manager. ءموبيلدى باسقارۋ» اتتى جوباسىمەن «قازگەرمۇناي» بك» جشس كەن ورىندارىن مودەلدەۋ قىزمەتىنىڭ 1-ءشى دارەجەلى ينجەنەرى ناريمان ءابجانوۆ جانە «مۇناي قىرتىسىنا سۋ جىبەرۋ جۇمىسىن مودەلدەۋ» جوباسىمەن «ەمبىمۇنايگاز» اق «جىلىويمۇنايگاز» مۇناي-گاز ءوندىرۋ باسقارماسى زەرتتەۋ جۇمىستارى تسەحىنىڭ ۇڭعىمالارىن زەرتتەۋ جونىندەگى وپەراتورى سامات بەكوۆ جەڭىمپاز اتاندى. مۇناي مەن گاز ءوندىرۋدىڭ تەحنيكاسى مەن تەحنولوگياسى سەكتسياسى سالاسىندا «قازمۇنايگاز» بارلاۋ ءوندىرۋ» اق گەولوگيا جانە كەن ورىندارىن يگەرۋ دەپارتامەنتىنىڭ اعا ينجەنەرى دامير شىراقباەۆ ماراپاتتالدى. ۇسىنىلعان جوبا «وزەنمۇنايگاز» اق كەن ورىندارىندا شتانگالىق تەرەڭ سورعىلاردى پايدالانۋ كەزىندەگى زياندى فاكتورلاردان قورعانۋدىڭ وڭتايلى تاسىلدەرى. گاز فاكتورلارىنىڭ اسەرى», دەپ اتالادى. ۇڭعىمالاردى جەراستى جوندەۋ, ۇڭعىمالاردى كۇردەلى جوندەۋ جانە بۇرعىلاۋ ۋاقىتىندا كەزەكتى جوندەۋدەن وتكىزۋدىڭ تەحنولوگيالارى سەكتسياسى بويىنشا «وزەنمۇنايگاز» اق جوبانى باسقارۋ دەپارتامەنتىنىڭ اعا ينجەنەرى اقجىگىت تۇيەشيەۆتىڭ «روليكتىك قارناقتى جەراستى قۇرىلعىلارىنىڭ قاجالۋىنا قارسى قولدانۋ» جوباسى ۇزدىك دەپ تانىلدى. مۇناي ءوندىرۋدىڭ تەحنولوگيالىق ءۇردىسى مەن بەتكەيلىك قىسىمدى تۇراقتاۋ جۇمىسىنداعى حيميالاندىرۋ, ەنەرگەتيكا ءجانە اۆتوماتتاندىرۋ سەكتسياسى بولىگىندە «وزەنمۇنايگاز» اق اۆتوماتتاندىرۋ جانە تەلەكوممۋنيكاتسيا باسقارماسىنىڭ باقىلاۋ-ءولشەۋ قۇرالدار جانە اۆتوماتيكا جونىندەگى 6-شى دارەجەلى سلەسارى جارىلعاپ وتەشەۆتىڭ «ۆگۋ-200 سۋ قىزدىرۋ قوندىرعىسىنان ارنايى تەحنيكالارعا سۋ قۇيۋدى قاشىقتىقتان باسقارۋ جانە اۆتوماتتاندىرۋ» اتتى جوباسى جەڭىمپاز اتاندى. ەكونوميكا جانە قارجى سەكتسيا باعىتىندا «قازمۇنايگاز» بارلاۋ ءوندىرۋ» اق بيۋدجەتتىك جوسپارلاۋ جانە ەكونوميكالىق تالداۋ دەپارتامەنتىنىڭ اعا ەكونوميسى ارمان باتاەۆ پەن وسى دەپارتامەنتتىڭ جەتەكشى ەكونوميسى بولاتبەك ورالوۆتىڭ بىرلەسىپ ۇسىنعان «ۇڭعىمالاردى جەراستى جوندەۋدىڭ باسىمدىلىعىن ارتتىرا وتىرىپ شىعىنداردى وڭتايلاندىرۋ» جوباسى سايىستا جەڭىپ شىقتى.
سايىستان وزگە فورۋمعا قاتىسۋشىلار «قازگەرمۇناي» بك» جشس يگەرىپ جاتقان اقشابۇلاق جانە نۇرالى كەن ورىندارىنا بارىپ, وڭتۇستىك تورعاي باسسەينىندەگى ءوندىرىستىڭ ەرەكشەلىكتەرىمەن تانىستى. سونىمەن قاتار, فورۋم اياسىندا «قازمۇنايگاز» بارلاۋ ءوندىرۋ» اق باس ديرەكتورى, ءال-فارابي اتىنداعى مەملەكەتتىك سىيلىقتىڭ لاۋرەاتى قۇرمانعازى ەسقازيەۆتىڭ جاس ماماندارمەن كەزدەسۋى ءوتتى.
– ءبىزدىڭ كومپانيا ءۇشىن يننوۆاتسيالىق جوبالاردى ەنگىزۋ ەڭ وزەكتى ماسەلەلەردىڭ ءبىرى بولىپ تابىلادى. سەبەبى, كەنىشتەردىڭ كوپشىلىگى بۇگىندە ءوندىرىستىڭ شارىقتاۋ كەزەڭىنەن وتكەن ورىندار. مۇناي جانە گاز نارىعىندا قالىپتاسقان قيىن كەزەڭگە قاراماستان, اتالمىش سالانىڭ جانە وندا ىستەيتىن بىلىكتى مامانداردىڭ كەلەشەگى زور بولاتىنىنا كۇمانىم جوق. بولاشاق كوشباسشىلار ءوز جولىن وسى فورۋمنان باستايدى, – دەدى كومپانيا باسشىسى.
مارات اققۇل,
«ەگەمەن قازاقستان»