استانا. 7 ماۋسىم. قازىرگى كۇندەرى تالدىقورعان قالاسىندا ءوتىپ جاتقان اۋىر اتلەتيكادان الەم چەمپيوناتىندا ۆلاديمير سەدوۆ جانجال شىعارىپ, جارىسقا قاتىسۋدان باس تارتتى. بۇل تۋرالى Vesti.kz اقپارىنا سۇيەنگەن egemen.kz ءتىلشىسى حابارلادى.
زىلتەمىرشى مۇنى ارانداتۋشىلىق سيپاتتا جاساعان. سپورتشى جارىس تۇعىرىنا شىقپاي, كەتىپ قالعان.
«مىنە, ساعان وليمپيادا چەمپيونى!», – دەپ ايقاي سالعان ۆلاديمير سەدوۆ ۇستىندەگى فۋتبولكاسىن شەشىپ الىپ, تريبۋناعا قاراي لاقتىرىپ جىبەرگەن. وسىدان كەيىن شتانگاعا جولاماستان, تريبۋنا استىنداعى بولمەگە كەتىپ قالعان.
ەلىمىز قۇراماسىنىڭ 94 كيلوعا دەيىنگى سالماقتاعى ءفاۆوريتى وسىنداي كەيىپتە تۋرنيرگە كەزدەسۋدەن باس تارتقان.
تالعات رايىمبەك.
دەرەك, فوتو: Vesti.kz.