پاۆلودار. 7 ماۋسىم. پاۆلودار وبلىسىنداعى «قازاقستان ەلەكتروليز زاۋىتى» اكتسيونەرلىك قوعامى GPS جۇيەسىن جاڭارتتى. بۇل تۋرالى egemen.kz ءتىلشىسى حابارلادى.
كولىكتەرگە بەينە – تىركەگىشتەر, GPS-ترەكەرلەر مەن جانارماي دەڭگەيىن قاداعالاۋ قۇرىلعىلارى ورناتىلۋدا. جەر سەرىگى ارقىلى اۆتوكولىكتىڭ قوزعالىسىن باقىلاۋعا ارنالعان جۇيە ىسكە قوسىلدى. ونىڭ ارتىقشىلىعى وپەراتور ونلاين رەجيمىندە قوزعالىس باعىتىن, جىلدامدىق پەن جانارماي شىعىنىن قاداعالاي الادى.
زاۋىتتاعى 26 اۆتوكولىككە گلوناسس, GPS, GSM تەحنولوگيالارىنىڭ بازاسىنداعى بورتتىق كونتروللەر مەن جانارماي دەڭگەيىن قاداعالايتىن قۇرىلعىلار ورناتىلدى. اۆتوكولىكتى جەر سەرىگىنەن باقىلاۋ جۇيەسىنە جاڭا تەحنولوگيالاردى ورناتۋ اۆتوكولىكتەردى بوسقا پايدالانۋدان, ۇرلىق جاساۋ مۇمكىندىگىنەن ساقتاپ, قىزمەتكەرلەردىڭ ءتارتىبىن جوعارىلاتۋعا جانە اۆتوپاركتىڭ جۇمىسىن وڭتايلاندىرۋعا قاجەت. كولىك جىمدامدىعىن قاداعاۋدىڭ ارقاسىندا جۇرگىزۋشىلەردى تارتىپكە سالىپ, وندىرىستە قاۋىپسىزدىكتى ساقتاۋعا ىقپال ەتپەك.
الداعى ءبىر اي بويى اۆتوكولىكتى جەر سەرىگىنەن باقىلاۋ جۇيەسى تەستىلەۋ رەجيمىندە جۇمىس ىستەيدى. وعان دەيىن اتالعان كومپانياداعى كولىك تسەحىنىڭ ماماندارى كەرەكتى پارامەترلەرىن تاۋىپ, بىرىڭعاي كورسەتكىش ستاندارتىن سايكەستەندىرەدى. كاسىپورىن 20 كولىككە زاماناۋي جۇيەنى ورناتۋدى جوسپارلاپ وتىر.
فاريدا بىقاي.
دەرەك, فوتو: egemen.kz.