استانا. 6 ماۋسىم. ءۇندىستاننىڭ سولتۇستىگىندەگى تاۋرۋ قالاسىندا بۇل مەملەكەتتەگى ەڭ العاشقى كولىك مۋزەيى اشىلدى. بۇل تۋرالى 24.kz اقپارىنا سۇيەنگەن egemen.kz ءتىلشىسى حابارلادى.
مۋزەي ىشىنە ءبىرىنشى دۇنيەجۇزىلىك سوعىسقا دەيىن شىعارىلعان رەترو كولىكتەر, اۆتوبۋستار, موتوتسيكلدەر جانە كۇيمەلەر قويىلعان. وتكەن عاسىرداعى تەحنيكا تۇرلەرىن جاڭا مۇراجايدىڭ نەگىزىن قالاعان تارۋن تاكرال جيناعان. ونىڭ بۇل ىسكە بارلىعى 22 جىل ۋاقىتى كەتىپتى.
قازىرگى تاڭدا مەملەكەت استاناسى دەليدەن 60 شاقىرىم قاشىقتىقتا ورنالاسقان قالاشىق تۋريستەرگە ارنالعان ورىنعا اينالدى.
«مەنىڭشە, مۇراجايدى حالىقارالىق دەڭگەيدەگى ورىندارمەن قاتار قويۋعا بولادى. الەمنىڭ نەبىر ەلدەرىن ارالاماي-اق, وتكەن عاسىرداعى قۇندى كولىكتەردى وسى جەردەن دە كورۋگە بولادى», – دەيدى تارۋن تاكرال.
ايان ءابدۋالي.
دەرەك, فوتو: 24.kz.