كوكشەتاۋ. 6 ماۋسىم. اقمولا وبلىسىنىڭ ورتالىعىندا بالمۇزداقتىڭ جەمىستىڭ ءدامى بار جاڭا ءتۇرى شىعارىلا باستادى. بۇل تۋرالى 24.kz اقپارىنا سۇيەنگەن egemen.kz ءتىلشىسى حابارلادى.
«زاۋىتتا بالمۇزداقتى ەسكى ادىسپەن جاسايمىز. ونى ەشقاشان وزگەرتۋگە ارەكەت ەتكەن جوقپىز. ءدامى تۋرا ءبىزدىڭ بالالىق شاعىمىزداعى تاتتىگە ۇقسايدى. زاۋىتتا تاۋلىگىنە 7 توننا بالمۇزداق شىعارىلادى», - دەدى زاۋىت تەحنولوگى نينا فەدوسەەۆا.
ونىڭ ايتۋىنشا, كاسىپورىن تابيعي ونىمدەرى مەن داستۇرگە ادالدىعىن تۇتىنۋشىلار جوعارى باعالايدى. بۇكىل ەلگە تارايتىن كىلەگەيلى پلومبير, شوكولادتى بالمۇزداق تەز ءوتىپ كەتەدى. قازىر ول قاراقات, قۇلپىناي مەن كيۆي ءدامى بار جەمىستى بالمۇزداقتار شىعارۋدى باستاپ كەتتى. وسىعان وراي تسەحتاعى قوندىرعىلار جاڭالاندى.
«مەملەكەتتىڭ قولداۋىمەن بيىل 25 ملن. تەڭگە ينۆەستيتسيا تارتىلدى. سونىڭ ارقاسىندا ءوندىرىستى ۇلعايتىپ, جەمىستى بالمۇزداقتىڭ تاعى 6 ءتۇرىن شىعارماقپىز. يتالياندىق دجەلاتو بالمۇزداعىن دا ءوزىمىزدىڭ تاسىلمەن وندىرمەكپىز. سونىمەن قاتار چەچيل, ەرىتىلگەن جانە قاتتى ىرىمشىكتەردىڭ دە ءوندىرىسىن قولعا الامىز», - دەيدى زاۋىت ديرەكتورى اسەن جاقسىلىقوۆ.
زاۋىتتا ءسۇت ونىمدەرىنىڭ 30-دان استام ءتۇرى شىعارادى. ونىڭ قۇرتىنا رەسەيلىكتەر دە قىزىعۋشىلىق تانىتىپ وتىر. ەكى ءجۇز ادام ەڭبەك ەتەتىن كاسىپورىننىڭ ءوندىرىس كولەمىن ۇلعايتىپ, جاڭا جۇمىس ورىندارىن اشۋ جوسپاردا بار.
باقبەرگەن امالبەك.
دەرەك: 24.kz.