2014 جىلعى 29 جەلتوقسان, استانا قالاسى
تابيعي مونوپوليالار سالاسىنداعى رەتتەلىپ كورسەتىلەتىن قىزمەتتەرگە (تاۋارلارعا, جۇمىستارعا) قول جەتكىزۋدىڭ تەڭ جاعدايلارىن ۇسىنۋ قاعيدالارىن بەكىتۋ تۋرالى
«تابيعي مونوپوليالار جانە رەتتەلەتىن نارىقتار تۋرالى» 1998 جىلعى 9 شىلدەدەگى قازاقستان رەسپۋبليكاسى زاڭىنىڭ 7-بابىنىڭ 3) تارماقشاسىنا سايكەس بۇيىرامىن:
1. قوسا بەرىلىپ وتىرعان تابيعي مونوپوليالار سالاسىنداعى رەتتەلىپ كورسەتىلەتىن قىزمەتتەرگە (تاۋارلارعا, جۇمىستارعا) قول جەتكىزۋدىڭ تەڭ جاعدايلارىن ۇسىنۋ قاعيدالارى بەكىتىلسىن.
2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى مەملەكەتتىك تىركەۋدەن كەيىن كۇنتىزبەلىك ون كۇن ىشىندە «ادىلەت» اقپاراتتىق قۇقىقتىق جۇيەسىندە جانە مەرزىمدىك ءباسپاسوز باسىلىمدارىندا رەسمي جاريالاۋدى;
3) وسى بۇيرىقتى قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق ەكونوميكا ءبىرىنشى ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ە.دوساەۆ.
«كەلىسىلدى»
قازاقستان رەسپۋبليكاسىنىڭ اۋىل شارۋاشىلىعى
ءمينيسترى ______________ ا.مامىتبەكوۆ.
2015 جىلعى «____» __________
«كەلىسىلدى»
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ______________ ءا.يسەكەشەۆ.
2015 جىلعى «____» __________
«كەلىسىلدى»
قازاقستان رەسپۋبليكاسىنىڭ ەنەرگەتيكا ءمينيسترى ______________ ۆ.شكولنيك.
2015 جىلعى 17 ناۋرىز
قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 29 جەلتوقسانداعى
№175 بۇيرىعىمەن بەكىتىلگەن
تابيعي مونوپوليالار سالاسىنداعى رەتتەلىپ كورسەتىلەتىن قىزمەتتەرگە
(تاۋارلارعا, جۇمىستارعا) قول جەتكىزۋدىڭ تەڭ جاعدايلارىن ۇسىنۋ قاعيدالارى
1. جالپى ەرەجەلەر
1. وسى تابيعي مونوپوليالار سالاسىنداعى رەتتەلىپ كورسەتىلەتىن قىزمەتتەرگە (تاۋارلارعا, جۇمىستارعا) قول جەتكىزۋدىڭ تەڭ جاعدايلارىن ۇسىنۋ قاعيدالارى (بۇدان ءارى – قاعيدالار) 2003 جىلعى 9 شىلدەدەگى قازاقستان رەسپۋبليكاسىنىڭ سۋ كودەكسىنە, 1998 جىلعى 9 شىلدەدەگى «تابيعي مونوپوليالار جانە رەتتەلەتىن نارىقتار تۋرالى», 2004 جىلعى 9 شىلدەدەگى «ەلەكتر ەنەرگەتيكاسى تۋرالى», 2001 جىلعى 8 جەلتوقسانداعى «تەمىر جول كولىگى تۋرالى», 2010 جىلعى 15 شىلدەدەگى «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى», 2002 جىلعى 17 قاڭتارداعى «ساۋدا ماقساتىندا تەڭىزدە ءجۇزۋ تۋرالى» قازاقستان رەسپۋبليكاسىنىڭ زاڭدارىنا سايكەس ازىرلەندى جانە ەلەكتر ەنەرگياسىن بەرۋ جانە (نەمەسە) تاراتۋ, جىلۋ ەنەرگياسىن ءوندىرۋ, جىلۋ ەنەرگياسىن بەرۋ جانە (نەمەسە) تاراتۋ جانە ەلەكتر ەنەرگياسىن جەلiگە بەرۋدi جانە تۇتىنۋدى تەحنيكالىق ديسپەتچەرلەندiرۋ, ماگيسترالدىق تەمىر جول جەلىسى, كىرمە جولدار, اۋەجايلار, پورتتار مەن اەروناۆيگاتسيا, مۇنايدى جانە (نەمەسە) مۇناي ونىمدەرىن ماگيسترالدىق قۇبىرجولدارى ارقىلى تاسىمالداۋ, گازدى نەمەسە گاز كوندەنساتىن ساقتاۋ, ماگيسترالدىق جانە (نەمەسە) تاراتۋشى قۇبىرجولدارى ارقىلى تاسىمالداۋ, گاز تاراتۋشى قوندىرعىلاردى جانە ولارمەن بايلانىستى گاز تاراتۋشى گاز قۇبىرلارىن پايدالانۋ جانە سۋ شارۋاشىلىعى جانە (نەمەسە) كارiز جۇيەلەرi سالاسىنداعى رەتتەلىپ كورسەتىلەتىن قىزمەتتەردى (بۇدان ءارى – قىزمەتتەر) كورسەتەتىن تابيعي مونوپوليالار سۋبەكتىلەرىنىڭ (بۇدان ءارى – سۋبەكتىلەر) رەتتەلىپ كورسەتىلەتىن قىزمەتتەرىنە (تاۋارلارىنا, جۇمىستارىنا) تۇتىنۋشىلاردىڭ تەڭ قول جەتكىزۋىن قامتاماسىز ەتەتىن ءتارتىپتى جانە جالپى قاعيداتتارىن ايقىندايدى.
2. وسى قاعيدالار قازاقستان رەسپۋبليكاسىنىڭ زاڭناماسىندا بەلگىلەنگەن جەڭىلدىكتەر مەن باسىمدىقتاردى ەسكەرە وتىرىپ قىزمەتتەردى ۇسىنۋ جاعدايلارىنا قولدانىلمايدى.
3. قاعيدالاردا مىناداي ۇعىمدار قولدانىلادى:
1) ازاماتتىق اۋە كەمەلەرiن پايدالانۋشىنىڭ سەرتيفيكاتى – ازاماتتىق اۆياتسيا سالاسىنداعى ۋاكiلەتتi ورگان بەرگەن, پايدالانۋشىنىڭ ازاماتتىق اۋە كەمەلەرiن پايدالانۋشىلاردى سەرتيفيكاتتاۋ قاعيدالارىنا جانە سەرتيفيكاتتاۋ تالاپتارىنا سايكەستiگiن كۋالاندىراتىن قۇجات;
2) ازاماتتىق اۋە كەمەسىن مەملەكەتتىك تىركەۋ تۋرالى كۋالىك – ازاماتتىق اۆياتسيا سالاسىنداعى ۋاكiلەتتi ورگان بەرگەن جانە ازاماتتىق اۋە كەمەسىنىڭ قازاقستان رەسپۋبليكاسى ازاماتتىق اۋە كەمەلەرىنىڭ مەملەكەتتىك تىزىلىمىنە ەنگىزىلگەنىن راستايتىن قۇجات;
3) ازاماتتىق اۋە كەمەسىنىڭ ۇشۋعا جارامدىلىعىنىڭ سەرتيفيكاتى – ازاماتتىق اۆياتسيا سالاسىنداعى ۋاكiلەتتi ورگان بەرگەن, ازاماتتىق اۋە كەمەسiنiڭ ۇشۋعا جارامدىلىعىنىڭ نورمالارىنا سايكەستiگiن كۋالاندىراتىن قۇجات;
4) بايلانىس وپەراتورى – قازاقستان رەسپۋبليكاسىنىڭ ليتسەنزيالاۋ تۋرالى زاڭنامالىق اكتiسiندە بەلگiلەنگەن تارتiپپەن بايلانىس قىزمەتتەرiن كورسەتۋگە ليتسەنزيا العان جەكە نەمەسە زاڭدى تۇلعا;
5) بەربوۋت-چارتەر – جولاۋشىلار, باگاج بەن جۇك تاسىمالداۋعا جانە ساۋدا ماقساتىندا تەڭiزدە ءجۇزۋدiڭ وزگە دە ماقساتتارى ءۇشىن جالعا كەمە بەرۋشى كەمە جالداۋشىعا جاراقتانباعان جانە ەكيپاجبەن جاساقتالماعان كەمەنi نەمەسە بiرنەشە كەمەنi يەلەنۋگە جانە پايدالانۋعا كەلىسىلگەن اقىعا (جالداۋعا) بەلگiلi بiر مەرزiمگە بەرۋگە مiندەتتەنەتiن جالعا كەمە بەرۋ شارتىنىڭ ءتۇرى;
6) ەسەپكە الۋ اسپابى – رەتتەلىپ كورسەتىلەتىن كوممۋنالدىق قىزمەتتەردى (تاۋارلاردى, جۇمىستاردى) تۇتىنۋ كولەمىن ەسەپكە الۋعا ارنالعان زاڭنامادا بەلگىلەنگەن تارتىپپەن قولدانۋعا رۇقسات ەتىلگەن تەحنيكالىق قۇرىلعى;
7) كورسەتىلەتىن قىزمەتتەردى جەتكىزۋشى – رەتتەلىپ كورسەتىلەتىن قىزمەتتەرگە (تاۋارلارعا, جۇمىستارعا) تۇتىنۋشىلاردىڭ تەڭ قول جەتكىزۋى ماقساتىندا ەلەكترمەن جابدىقتاۋ, جىلۋمەن جابدىقتاۋ, گازبەن جابدىقتاۋ, سونداي-اق سۋمەن جابدىقتاۋ جانە سۋ بۇرۋ جەلىلەرىنە قوسۋ ءۇشىن تەحنيكالىق شارتتار بەرەتىن تابيعي مونوپوليا سۋبەكتىسى;
8) كىرمە جولدىڭ شەكتەلگەن وتكىزۋ قابىلەتى – ۋاقىت بىرلىگىندە (تاۋلىك, ساعات) ناقتى كىرمە جول ارقىلى ونىڭ تەحنيكالىق جاراقتانۋىنا قاراي ءوتۋى مۇمكىن ۆاگونداردىڭ ەڭ جوعارى سانى;
9) قۇزىرەتتى ورگان – مەملەكەتتىك باسقارۋدىڭ ءتيىستى سالاسىنا (اياسىنا) باسشىلىقتى جۇزەگە اسىراتىن مەملەكەتتىك ورگان;
10) ماگيسترالدىق تەمىر جول جەلىسىنىڭ شەكتەلگەن وتكىزۋ قابىلەتى – ۋاقىت بىرلىگىندە (تاۋلىك, ساعات) ناقتى تەمىر جول ۋچاسكەسى ارقىلى ارالىق بويىنشا ونىڭ تەحنيكالىق جاراقتانۋىنا جانە پوەزدار قوزعالىسىن ۇيىمداستىرۋدىڭ قابىلدانعان تاسىلىنە قاراي وتكىزىلۋى مۇمكىن سالماعى مەن ۇزىندىعى بەلگىلەنگەن پوەزداردىڭ (پوەزد جۇپتارىنىڭ) ەڭ جوعارى سانى;
11) وكىل – شەتەلدىك پايدالانۋشىلاردىڭ اۋە كەمەلەرىنە اەروناۆيگاتسيالىق قىزمەت كورسەتىلگەنى ءۇشىن اقى تولەيتىن ۇيىمدار;
12) پايدالانۋشى – ازاماتتىق اۋە كەمەلەرىن پايدالانۋمەن اينالىساتىن نەمەسە وسى سالادا ءوز قىزمەتتەرىن ۇسىناتىن جەكە نەمەسە زاڭدى تۇلعا;
13) رەتتەلىپ كورسەتىلەتىن قىزمەتتەر – تابيعي مونوپوليا سالاسىنداعى تابيعي مونوپوليا سۋبەكتىسى ۇسىناتىن جانە قىزمەتتەردى (تاۋارلاردى, جۇمىستاردى) تۇتىنۋشىعا بەلگىلى ءبىر تاۋار بەرۋ تۇرىندە ۇسىنۋ جاعدايلارىن قوسا العاندا, ۋاكىلەتتى ورگاننىڭ مەملەكەتتىك رەتتەۋىنە جاتاتىن قىزمەتتەر (تاۋارلار, جۇمىستار);
14) سلوت – اۆياكومپانيانىڭ اۋە كەمەسىنىڭ كەلۋ نەمەسە جونەلتۋ وپەراتسيالارىن بەلگىلى ءبىر كۇنى نەمەسە كەزەڭدە ورىنداۋ ءۇشىن اۋەجايدا بولىنگەن ۋاقىت;
15) تابيعي مونوپوليالار سۋبەكتىلەرىنىڭ قىزمەتتەرىنە قول جەتكىزۋ – تابيعي مونوپوليالار سۋبەكتىلەرى تۇتىنۋشىلارىنىڭ تابيعي مونوپوليا سۋبەكتىلەرىنىڭ قىزمەتتەرىن (تاۋارلارىن, جۇمىستارىن) باسقا تۇتىنۋشىلارعا وسىنداي قىزمەتتەر ۇسىنىلاتىن جاعدايلاردان كەم بولمايتىن قولايلى جاعدايدا پايدالانۋ مۇمكىندىگى;
16) تەحنيكالىق شارتتار – رەتتەلىپ كورسەتىلەتىن قىزمەتتەرگە (تاۋارلارعا, جۇمىستارعا) تۇتىنۋشىلاردىڭ تەڭ قول جەتكىزۋى ماقساتىندا ەلەكترمەن جابدىقتاۋ, جىلۋمەن جابدىقتاۋ, گازبەن جابدىقتاۋ, سونداي-اق سۋمەن جابدىقتاۋ جانە سۋ بۇرۋ جەلىلەرىنە قوسىلۋ ءۇشىن قاجەتتى تەحنيكالىق تالاپتار;
17) تۇتىنۋشى – تابيعي مونوپوليا جانە رەتتەلەتىن نارىق سۋبەكتىلەرىنىڭ رەتتەلىپ كورسەتىلەتىن قىزمەتتەرىن (تاۋارلارىن, جۇمىستارىن) پايدالانۋشى نەمەسە پايدالانۋعا نيەتتەنۋشى, سونداي-اق رەتتەلىپ كورسەتىلەتىن قىزمەتتەرگە, (تاۋارلارعا, جۇمىستارعا) تەڭ قول جەتكىزۋ ماقساتىندا وبەكتىلەردى ەلەكترمەن جابدىقتاۋ, جىلۋمەن جابدىقتاۋ, گازبەن جابدىقتاۋ, سۋمەن جابدىقتاۋ جانە سۋ بۇرۋ جەلىلەرىنە قوسۋعا ارنالعان تەحنيكالىق شارتتاردى الۋعا نيەتتەنۋشى جەكە نەمەسە زاڭدى تۇلعا;
18) ۋاكىلەتتى ورگان – تابيعي مونوپوليالار سالالارىنداعى جانە رەتتەلەتىن نارىقتارداعى باسشىلىقتى جۇزەگە اسىراتىن مەملەكەتتىك ورگان;
19) ۋاكىلەتتى ورگاننىڭ ۆەدومستۆوسى – تابيعي مونوپوليالار سالالارىنداعى جانە رەتتەلەتىن نارىقتارداعى باسشىلىقتى جۇزەگە اسىراتىن مەملەكەتتىك ورگاننىڭ ۆەدومستۆوسى;
20) Aeronautical Information Circular – اەروناۆيگاتسيالىق اقپارات بيۋللەتەنى – اەروناۆيگاتسيالىق اقپارات تسيركۋليارى (بۇدان ءارى – AIC);
21) Aeronautical Information Publication – اەروناۆيگاتسيالىق اقپارات جيناعى – قازاقستان رەسپۋبليكاسىنىڭ اەروناۆيگاتسيالىق اقپارات جيناعى (بۇدان ءارى – AIر);
22) Nوtice To AirMen (بۇدان ءارى – NOTAM) – كەز كەلگەن اەروناۆيگاتسيالىق جابدىقتى پايدالانۋعا ەنگىزۋ نەمەسە ونىڭ (نەمەسە ونىڭ جۇمىس رەگلامەنتىنىڭ) وزگەرۋى, ۇشۋلارعا قىزمەت كورسەتۋ مەن ولاردىڭ قاعيدالارى تۋرالى اقپاراتتى قامتيتىن حابارلاما; نەمەسە قاۋىپ تۋرالى اقپارات, ول تۋرالى ەسكەرتۋ ۇشۋلاردىڭ قاۋىپسىزدىگى ءۇشىن ماڭىزدى ورىن الادى.
وسى قاعيدالاردا پايدالانىلاتىن وزگە دە ۇعىمدار قازاقستان رەسپۋبليكاسىنىڭ قولدانىستاعى زاڭناماسىنا سايكەس قولدانىلادى.
4. تۇتىنۋشى رەتتەلىپ كورسەتىلەتىن قىزمەتتەرگە قول جەتكىزۋ ءۇشىن سۋبەكتىگە جازباشا ءوتىنىش ء(وتىنىم, ارىز) جولدايدى.
5. تۇتىنۋشى رەتتەلىپ كورسەتىلەتىن قىزمەتتەرگە قول جەتكىزۋ ءۇشىن سۋبەكتىگە جازباشا ءوتىنىش ء(وتىنىم, ارىزىن) مالىمدەلگەن كولەمدەرگە نە قىزمەتتەر تۇتىنۋدىڭ باسقا دا شارتتارىنا قاراماستان تەڭ شارتتارمەن قابىلدايدى.
6. تۇتىنۋشىنىڭ ءوتىنىشى ء(وتىنىمى, ارىزى) قۇجاتتاردى العان كۇننەن باستاپ 10 جۇمىس كۇنى ىشىندە قارالادى. كورسەتىلگەن مەرزىمدە تابيعي مونوپوليالار سۋبەكتىسى تۇتىنۋشىعا رەتتەلىپ كورسەتىلەتىن قىزمەتتەرگە قول جەتكىزۋ ۇسىنىلاتىنى نە رەتتەلىپ كورسەتىلەتىن قىزمەتتەرگە قول جەتكىزۋ ۇسىنۋدان باس تارتىلعانى تۋرالى جاۋاپتى دالەلدى قورىتىندىنى قوسا بەرە وتىرىپ جىبەرەدى.
7. تۇتىنۋشىلاردىڭ وسى قاعيدالاردا ايقىندالعان شارتتاردى ساقتاۋى سۋبەكتىلەر مەن تۇتىنۋشىلاردىڭ اراسىندا «تابيعي مونوپوليالار جانە رەتتەلەتىن نارىقتار تۋرالى» 1998 جىلعى 9 شىلدەدەگى قازاقستان رەسپۋبليكاسىنىڭ زاڭىنىڭ 14 بابى 1-تارماعىنىڭ 1) تارماقشاسىنا سايكەس ازىرلەنگەن ۇلگى شارتتارعا سايكەس قىزمەتتەر كورسەتۋ شارتتارىن جاساسۋ ءۇشىن نەگىز بولىپ تابىلادى.
8. رەتتەلىپ كورسەتىلەتىن قىزمەتتەردى كورسەتەتىن سۋبەكت تۇتىنۋشى ءوتىنىش جاساعان كەزدە رەتتەلىپ كورسەتىلەتىن قىزمەتتىڭ قۇنى جانە وعان قول جەتكىزۋ ءتارتىبى تۋرالى اقپارات ۇسىنادى.
9. رەتتەلىپ كورسەتىلەتىن قىزمەتتەر (تاۋارلار, جۇمىستار) سۋبەكتىمەن شارت جاساسقان بارلىق تۇتىنۋشىلارعا قازاقستان رەسپۋبليكاسىنىڭ زاڭناماسىندا بەلگىلەنگەن ولاردىڭ ساپاسىنا قويىلاتىن تالاپتارعا سايكەس ۇسىنىلادى.
10. تابيعي مونوپوليا سۋبەكتىلەرىنىڭ رەتتەلىپ كورسەتىلەتىن قىزمەتتەرىنە (تاۋارلارىنا, جۇمىستارىنا) تەڭ قول جەتكىزۋدى ۇسىنۋ شەڭبەرىندە وبەكتىلەردى ەلەكترمەن جابدىقتاۋ, جىلۋمەن جابدىقتاۋ, گازبەن جابدىقتاۋ, سونداي-اق سۋمەن جابدىقتاۋ جانە سۋ بۇرۋ جەلىلەرىنە قوسۋعا تەحنيكالىق شارتتاردى بەرۋ كەزىندە ەلەكترمەن جابدىقتاۋ, جىلۋمەن جابدىقتاۋ, گازبەن جابدىقتاۋ, سونداي-اق سۋمەن جابدىقتاۋ جانە سۋ بۇرۋ قىزمەتتەرىن كورسەتەتىن تابيعي مونوپوليا سۋبەكتىسى:
1) قوسىمشا تالاپتار قويۋ مۇمكىندىگىن بولعىزباي, تەحنيكالىق شارتتاردىڭ ناقتى تىزبەسىن بەلگىلەيدى;
2) وبەكتىلەردى ەلەكترمەن جابدىقتاۋ, جىلۋمەن جابدىقتاۋ, گازبەن جابدىقتاۋ, سونداي-اق سۋمەن جابدىقتاۋ جانە سۋ بۇرۋ جەلىلەرىنە قوسۋعا جازباشا ءوتىنىشتى ء(وتىنىمدى, ارىزدى) قاراۋ كەزىندە تۇتىنۋشىدان قوسىمشا ماتەريالدار مەن اقپارات سۇراتپايدى.
2. رەتتەلىپ كورسەتىلەتىن قىزمەتتەرگە تەڭ قول جەتكىزۋدى ۇسىنۋ شارتتارى
11. قىزمەتتەرگە تەڭ قول جەتكىزۋدى قامتاماسىز ەتۋ مىناداي شارتتارعا سۇيەنە وتىرىپ جۇزەگە اسىرىلادى:
1) وسى قاعيدالاردا ايقىندالعان شارتتاردى ساقتاۋ كەزىندە بارلىق تۇتىنۋشىلار ءۇشىن قىزمەتتەرگە تەڭ قول جەتكىزۋ;
2) قىزمەتتەردىڭ بارلىق تۇتىنۋشىلارىنا قاتىستى بىرىڭعاي تاريف ساياساتىن جۇرگىزۋ;
3) قىزمەتتەر تىزبەسىنىڭ, قىزمەتتەرگە ارنالعان تاريفتەردىڭ اقپاراتتىق اشىقتىعى.
12. تۇتىنۋشىلاردىڭ ەلەكتر قوندىرعىلارىن ەنەرگيا بەرۋشى (ەنەرگيا ءوندىرۋشى) ۇيىمنىڭ جەلىلەرىنە قوسۋعا ارنالعان تەحنيكالىق شارتتار:
1) جاڭادان ەنگىزىلەتىن ەلەكتر قوندىرعىلارى ەنەرگيا بەرۋشى ۇيىمنىڭ جەلىلەرىنە قوسىلعان;
2) وبەكت تۇتىناتىن شارتتىق ەلەكتر قۋاتى ۇلعايعان;
3) ەلەكترمەن جابدىقتاۋ سەنىمدىلىگى بويىنشا پايدالانۋشىلاردىڭ ساناتى وزگەرتىلگەن جاعدايلاردا بەرىلەدى.
13. تۇتىنۋشىلاردىڭ وبەكتىلەرىن ەنەرگيا بەرۋشى (ەنەرگيا ءوندىرۋشى) ۇيىمنىڭ جىلۋ جەلىلەرىنە قوسۋعا ارنالعان تەحنيكالىق شارتتار:
1) جىلۋ جەلىلەرىنە جاڭادان پايدالانۋعا بەرىلەتىن وبەكتىلەر قوسىلعان;
2) تۇتىنۋشىنىڭ جىلۋ تۇتىناتىن قوندىرعىلارىن رەكونسترۋكتسيالاۋعا نەمەسە كەڭەيتۋگە بايلانىستى تۇتىنىلاتىن ەنەرگيا مولشەرى نەمەسە جىلۋ تاسىعىشتىڭ پارامەترلەرى تەحنيكالىق شارتتاردا جانە شارتتىڭ تالاپتارىندا بەلگىلەنگەننەن جوعارىلاپ وزگەرگەن;
3) جىلۋ جۇيەلەرىنە بۇرىن قوسىلماعان وبەكتىلەر قوسىلعان جاعدايلاردا بەرىلەدى.
14. گازبەن جابدىقتاۋ جەلىلەرىنە قوسىلۋعا ارنالعان تەحنيكالىق شارتتار:
1) گازبەن جابدىقتاۋ جۇيەلەرىنە قوسىلاتىن جاڭا وبەكتىلەر جوبالانعان جانە ولار كەيىننەن سالىنعان;
2) قولدانىستاعى گازبەن جابدىقتاۋ جۇيەلەرىنەن تۇتىنىلاتىن قىزمەتتەردىڭ كولەمى ۇلعايعان;
3) ەگەر بۇل تۇتىنىلاتىن قىزمەتتەردىڭ كولەمى مەن سيپاتتامالارىن وزگەرتۋگە اكەلەتىن بولسا, وبەكتى رەكونسترۋكتسيالانعان جانە/نەمەسە قايتا بەيىمدەلگەن جاعدايلاردا بەرىلەدى.
15. كورسەتىلەتىن قىزمەتتەردى جەتكىزۋشى ەلدى مەكەننىڭ سۋمەن جابدىقتاۋ جانە سۋ بۇرۋ جەلىلەرى قۇرىلىستارى ونىمدىلىگىنىڭ قورى مەن وتكىزۋ قابىلەتى جەتكىلىكتى بولعان كەزدە وبەكتىلەردى قوسۋعا نەمەسە سۋمەن جابدىقتاۋ جانە سۋ بۇرۋ ينجەنەرلىك جەلىلەرىن دامىتۋعا ارنالعان تەحنيكالىق شارتتاردى:
1) ەلدى مەكەندەردىڭ سۋمەن جابدىقتاۋ جانە/نەمەسە سۋ بۇرۋ جەلىلەرىنە قوسىلاتىن جاڭا وبەكتىلەر جوبالانعان جانە كەيىننەن سالىنعان;
2) سۋ تۇتىنۋ جانە/نەمەسە ەلدى مەكەننىڭ قولدانىستاعى سۋ بۇرۋ جەلىسىنە سارقىندى سۋلاردى اعىزۋ كولەمدەرى ۇلعايعان;
3) ەلدى مەكەندەردىڭ سۋ بۇرۋ جۇيەلەرىنە اعىزىلاتىن سارقىندى سۋلاردىڭ لاستانۋ كونتسەنتراتسياسى ۇلعايعان;
4) ەگەر بۇل سۋمەن جابدىقتاۋدىڭ جانە/نەمەسە سۋ بۇرۋدىڭ تۇتىنىلاتىن قىزمەتتەرىنىڭ كولەمى مەن سيپاتتامالارىن وزگەرتۋگە اكەلەتىن بولسا, وبەكتى رەكونسترۋكتسيالانعان جانە/نەمەسە قايتا بەيىمدەلگەن;
5) سۋمەن جابدىقتاۋ جانە سۋ بۇرۋ جەلىلەرىنە بۇرىن قوسىلماعان وبەكتىلەر قوسىلعان جاعدايلاردا بەرەدى.
3. ەلەكتر جەلىلەرىنە قوسىلۋ ءۇشىن تەحنيكالىق شارتتاردى بەرگەن كەزدە رەتتەلىپ كورسەتىلەتىن قىزمەتتەرگە تەڭ قول جەتكىزۋدى ۇيىمداستىرۋ ءراسىمى
16. ەلەكتر جەلىلەرىنە قوسىلۋ ءۇشىن تەحنيكالىق شارتتاردى بەرگەن كەزدە رەتتەلىپ كورسەتىلەتىن قىزمەتتەرگە تەڭ قول جەتكىزۋدى ۇيىمداستىرۋ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10403 تىركەلگەن, قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 25 اقپانداعى № 143 بۇيرىعىمەن بەكىتىلگەن ەلەكتر ەنەرگياسىن پايدالانۋ قاعيدالارىنا سايكەس جۇزەگە اسىرىلادى.
4. جىلۋ جەلىلەرىنە قوسىلۋ ءۇشىن تەحنيكالىق شارتتاردى بەرگەن كەزدە رەتتەلىپ كورسەتىلەتىن قىزمەتتەرگە تەڭ قول جەتكىزۋىن ۇيىمداستىرۋ ءراسىمى
17. جىلۋ جەلىلەرىنە قوسىلۋ ءۇشىن تەحنيكالىق شارتتاردى بەرگەن كەزدە رەتتەلىپ كورسەتىلەتىن قىزمەتتەرگە تەڭ قول جەتكىزۋدى ۇيىمداستىرۋ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10234 تىركەلگەن, قازاقستان رەسپۋبليكاسى ەنەرگەتيكا ءمينيسترىنىڭ 2014 جىلعى 18 جەلتوقسانداعى № 211 بۇيرىعىمەن بەكىتىلگەن جىلۋ ەنەرگياسىن پايدالانۋ قاعيدالارىنا سايكەس جۇزەگە اسىرىلادى.
5. قىزمەتىن ەلەكتر ەنەرگياسىنىڭ كوتەرمە ساۋدا نارىعىندا جۇزەگە اسىراتىن
سۋبەكتىنىڭ ەلەكتر ەنەرگياسىن بەرۋ جانە (نەمەسە) تاراتۋ سالاسىنداعى قىزمەتتەرىنە قول جەتكىزۋدىڭ تەڭ جاعدايلارىن ۇيىمداستىرۋ ءتارتىبى
18. قىزمەتىن ەلەكتر ەنەرگياسىنىڭ كوتەرمە ساۋدا نارىعىندا جۇزەگە اسىراتىن سۋبەكتىنىڭ ەلەكتر ەنەرگياسىن بەرۋ جانە (نەمەسە) تاراتۋ سالاسىنداعى قىزمەتتەرىنە قول جەتكىزۋدىڭ تەڭ جاعدايلارىن ۇيىمداستىرۋ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10531 تىركەلگەن, قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 20 اقپانداعى № 106 بۇيرىعىمەن بەكىتىلگەن ەلەكتر ەنەرگياسىنىڭ كوتەرمە نارىعىن ۇيىمداستىرۋ مەن ونىڭ جۇمىس ىستەۋ قاعيدالارىنا سايكەس جۇزەگە اسىرىلادى.
6. قىزمەتىن ەلەكتر ەنەرگياسىنىڭ بولشەك ساۋدا نارىعىندا جۇزەگە اسىراتىن
سۋبەكتىنىڭ ەلەكتر ەنەرگياسىن بەرۋ جانە (نەمەسە) تاراتۋ سالاسىنداعى قىزمەتتەرىنە قول جەتكىزۋدىڭ تەڭ جاعدايلارىن ۇيىمداستىرۋ ءتارتىبى
19. قىزمەتىن ەلەكتر ەنەرگياسىنىڭ بولشەك ساۋدا نارىعىندا جۇزەگە اسىراتىن سۋبەكتىنىڭ ەلەكتر ەنەرگياسىن بەرۋ جانە (نەمەسە) تاراتۋ سالاسىنداعى قىزمەتتەرىنە قول جەتكىزۋدىڭ تەڭ جاعدايلارىن ۇيىمداستىرۋ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10533 تىركەلگەن, قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 20 اقپانداعى № 111 بۇيرىعىمەن بەكىتىلگەن ەلەكتر ەنەرگياسىنىڭ بولشەك نارىعىن ۇيىمداستىرۋ مەن ونىڭ جۇمىس ىستەۋ قاعيدالارىنا سايكەس جۇزەگە اسىرىلادى.
7. جىلۋ ەنەرگياسىن ءوندىرۋ سالاسىنداعى قىزمەتتەرگە قول جەتكىزۋدىڭ
تەڭ جاعدايلارىن ۇيىمداستىرۋ ءتارتىبى
20. جىلۋ ەنەرگياسىن ءوندىرۋ جونىندەگى سۋبەكتىنىڭ قىزمەتتەرىن تۇتىنۋشىلار:
1) سۋبەكتىنىڭ جىلۋ كوزىنە جالعانعان جەكە مەنشىك جەلىلەرى بار جىلۋ ەنەرگياسىن تۇتىنۋشىلار;
2) ەنەرگيا بەرۋشى ۇيىمنىڭ جەلىلەرىنە قوسىلعان جىلۋ ەنەرگياسىن تۇتىنۋشىلار;
3) جىلۋ ەنەرگياسىن بەرۋدى جانە (نەمەسە) تاراتۋدى جۇزەگە اسىراتىن ەنەرگيا بەرۋشى ۇيىمدار;
4) جىلۋ ەنەرگياسىن ساتىپ الۋدى - ساتۋدى جۇزەگە اسىراتىن ەنەرگيامەن جابدىقتاۋشى ۇيىمدار بولىپ تابىلادى.
21. سۋبەكت ءوزىنىڭ قىزمەتتەرىنە تۇتىنۋشىلاردىڭ كەدەرگىسىز جانە كەمسىتۋسىز قول جەتكىزۋىن:
1) سۋبەكتىنىڭ جىلۋ ەنەرگەتيكاسى وبەكتىلەرىنە بەلگىلەنگەن تارتىپپەن جالعانعان جىلۋ جەلىلەرى مەن جىلۋ پايدالاناتىن قوندىرعىلارى;
2) ەسەپ ايىرىساتىن ەسەپكە الۋ اسپاپتارى بولعان جاعدايدا قامتاماسىز ەتەدى.
22. سۋبەكتىنىڭ جىلۋ كوزىنە جالعانۋ جانە قىزمەتتەر كورسەتۋ شارتىن جاساسۋ كەزىندە قىزمەتتەردىڭ كەز كەلگەن تۇتىنۋشىسىنا شارتتا ايقىندالعان جىلۋ ەنەرگياسىن ەڭ جوعارى ساعاتتىق جۇكتەمە جانە تۇتىنىلاتىن جىلۋ ەنەرگياسى سانىنىڭ شەگىندە جىلۋ ەنەرگياسىن الۋ قۇقىعى بەكىتىلەدى, بۇل رەتتە جىلۋ ەنەرگياسىنىڭ ساپاسى مەن پارامەترلەرى نورماتيۆتىك-تەحنيكالىق تالاپتارعا سايكەس كەلۋگە ءتيىس.
23 قىزمەتتەردى تۇتىنۋشىلارعا الىنعان تەحنيكالىق شارتتاردا بەلگىلەنگەن جوبالىق شامادان اساتىن جىلۋ ەنەرگياسىنىڭ تۇتىنىلاتىن جۇكتەمەسى مەن سانىن ۇلعايتقان جاعدايدا, سۋبەكت قازاقستان رەسپۋبليكاسىنىڭ زاڭناماسىندا بەلگiلەنگەن تارتiپپەن وسى تۇتىنۋشىعا تەحنيكالىق مۇمكىندىك بولعان كەزدە قوسىمشا قۋاتتاردى جالعاۋعا تەحنيكالىق شارتتار بەرەدى.
8. جىلۋ ەنەرگياسىن بەرۋ جانە (نەمەسە) تاراتۋ سالاسىنداعى قىزمەتتەرگە قول جەتكىزۋدىڭ تەڭ جاعدايلارىن ۇيىمداستىرۋ ءتارتىبى
24. سۋبەكتىنىڭ جىلۋ ەنەرگياسىن بەرۋ جانە (نەمەسە) تاراتۋ قىزمەتتەرىن تۇتىنۋشىلار:
1) سۋبەكتىنىڭ جەلىلەرىنە جالعانعان جەكە مەنشىك جەلىلەرى بار جىلۋ ەنەرگياسىن تۇتىنۋشىلار;
2) ەنەرگيامەن جابدىقتاۋشى ۇيىمدار (بۇدان ءارى – ەجۇ) بولىپ تابىلادى.
25. سۋبەكت ءوزىنىڭ قىزمەتتەرىنە سۋبەكتىنىڭ جەلىلەرىنە جالعانعان جەكە مەنشىك جەلىلەرى بار جىلۋ ەنەرگياسىن تۇتىنۋشىلاردىڭ كەدەرگىسىز جانە كەمسىتۋسىز قول جەتكىزۋىن:
1) سۋبەكتىنىڭ جىلۋ جەلىلەرىنە جالعانعان جىلۋ پايدالانۋشى قوندىرعىلارى;
2) ەسەپ ايىرىساتىن ەسەپكە الۋ اسپاپتارى بولعان جاعدايدا قامتاماسىز ەتەدى.
26. سۋبەكت ءوزىنىڭ قىزمەتتەرىنە ەجۇ-نىڭ كەدەرگىسىز جانە كەمسىتۋسىز قول جەتكىزۋىن:
1) جىلۋ جەلىلەرىنىڭ تەڭگەرىمدىك تيەسىلىلىگىنىڭ شەكاراسى جانە تاراپتاردىڭ پايدالانۋ جاۋاپكەرشىلىگى ايقىندالاتىن ەجۇ-نىڭ تۇتىنۋشىلارىمەن جىلۋمەن جابدىقتاۋ شارتى;
2) ەجۇ تۇتىنۋشىلارىندا سۋبەكتىنىڭ جىلۋ جەلىلەرىنە بەلگىلەنگەن تارتىپپەن جالعانعان جەلىلەرى جانە (نەمەسە) جىلۋ پايدالانۋشى قوندىرعىلارى;
3) ەجۇ تۇتىنۋشىلارىندا ەسەپ ايىرىساتىن ەسەپكە الۋ اسپاپتارى بولعان جاعدايدا قامتاماسىز ەتەدى.
27. سۋبەكتىنىڭ جىلۋ جەلىسىنە جالعانۋ جانە قىزمەتتەر كورسەتۋ شارتىن جاساسۋ كەزىندە قىزمەتتەردىڭ كەز كەلگەن تۇتىنۋشىسىنا شارتتا ايقىندالعان جىلۋ ەنەرگياسىن ەڭ جوعارى ساعاتتىق جۇكتەمە جانە تۇتىنىلاتىن جىلۋ ەنەرگياسى سانىنىڭ شەگىندە جىلۋ ەنەرگياسىن الۋ قۇقىعى بەكىتىلەدى, بۇل رەتتە جىلۋ ەنەرگياسىنىڭ ساپاسى مەن پارامەترلەرى نورماتيۆتىك-تەحنيكالىق تالاپتارعا سايكەس كەلۋگە ءتيىس.
28. قىزمەتتەردى تۇتىنۋشىلارعا الىنعان تەحنيكالىق شارتتاردا بەلگىلەنگەن جوبالىق شامادان اساتىن جىلۋ ەنەرگياسىنىڭ تۇتىنىلاتىن جۇكتەمەسى مەن سانىن ۇلعايتقان جاعدايدا, سۋبەكت قازاقستان رەسپۋبليكاسىنىڭ زاڭناماسىندا بەلگiلەنگەن تارتiپپەن وسى تۇتىنۋشىعا تەحنيكالىق مۇمكىندىك بولعان كەزدە قوسىمشا قۋاتتاردى جالعاۋعا تەحنيكالىق شارتتار بەرەدى.
9. ەلەكتر ەنەرگياسىن جەلiگە بەرۋدi جانە تۇتىنۋدى تەحنيكالىق ديسپەتچەرلەندiرۋ,
ەلەكتر ەنەرگياسىن ءوندىرۋ-تۇتىنۋ تەڭگەرىمىن ۇيىمداستىرۋ سالاسىنداعى قىزمەتتەرگە قول جەتكىزۋدىڭ تەڭ جاعدايلارىن ۇيىمداستىرۋ ءتارتىبى
29. سۋبەكتىنىڭ ەلەكتر ەنەرگياسىن جەلiگە بەرۋدi جانە تۇتىنۋدى تەحنيكالىق ديسپەتچەرلەندiرۋ قىزمەتتەرىن تۇتىنۋشىلار:
1) ەلەكتر ەنەرگياسىن جەلىنىڭ تيەسىلىلىگىنە قاراماستان بارلىق كلاستاعى كەرنەۋ جەلىلەرىنە بوساتۋدى جۇزەگە اسىراتىن ەنەرگيا ءوندىرۋشى ۇيىمدار;
2) ەلەكتر ەنەرگياسىن جەلىنىڭ تيەسىلىلىگىنە قاراماستان كەرنەۋلەردىڭ بارلىق كلاستاعى جەلىلەرى ارقىلى يمپورتتاۋشى تۇتىنۋشىلار بولىپ تابىلادى.
30. سۋبەكت ەلەكتر ەنەرگياسىن جەلiگە بەرۋدi جانە تۇتىنۋدى تەحنيكالىق ديسپەتچەرلەندiرۋ قىزمەتتەرىنە وسى قاعيدالاردىڭ 29-تارماعىندا كورسەتىلگەن تۇتىنۋشىلاردىڭ كەدەرگىسىز جانە كەمسىتۋسىز قول جەتكىزۋىن:
1) ۇلتتىق جانە (نەمەسە) وڭىرلىك ەلەكتر جەلىسىنە قول جەتكىزۋى;
2) ەلەكتر ەنەرگياسىن كوممەرتسيالىق ەسەپكە الۋ جۇيەلەرى;
3) ەنەرگيا ءوندىرۋشى ۇيىمدار ءۇشىن سۋبەكتىنىڭ تەلەكوممۋنيكاتسيا, بايلانىس جۇيەلەرىمەن جانە جەدەل-اقپاراتتىق كەشەنىمەن بىرىڭعايلانعان سۋبەكتىنىڭ ديسپەتچەرلىك ورتالىقتارىمەن تەلەكوممۋنيكاتسيا جانە بايلانىس جۇيەلەرىمەن جاراقتالعان جۇمىس ىستەيتىن ديسپەتچەرلىك پۋنكتى جانە ديسپەتچەرلىك باسقارۋدىڭ جەدەل-اقپاراتتىق كەشەنى;
4) تۇتىنۋشىلار ءۇشىن سۋبەكتىنىڭ ديسپەتچەرلىك ورتالىقتارىمەن بايلانىس قۇرالدارىمەن جاراقتالعان ديسپەتچەرلىك پۋنكتتەر نەمەسە وسىنداي وكىلەتتىكتەردى باسقا ديسپەتچەرلىك ورتالىققا بەرۋ تۋرالى قۇجات بولعان جاعدايدا قامتاماسىز ەتەدى.
31. ەلەكتر ەنەرگياسىن ءوندىرۋ-تۇتىنۋ تەڭگەرىمىن ۇيىمداستىرۋ جونىندەگى سۋبەكتىنىڭ قىزمەتىن تۇتىنۋشىلار:
1) ەنەرگيا ءوندىرۋشى ۇيىمدار, ونىڭ ىشىندە ءوندىرىس كەشەنىنىڭ قۇرامىنا كىرەتىندەر;
2) ەنەرگيا بەرۋشى ۇيىمدار;
3) ەنەرگيامەن جابدىقتاۋشى ۇيىمدار;
4) ەلەكتر ەنەرگياسىنىڭ كوتەرمە نارىعىنىڭ تۇتىنۋشىلارى بولىپ تابىلادى.
32. سۋبەكت وسى قاعيدالاردىڭ 31-تارماعىندا كورسەتىلگەن تۇتىنۋشىلاردىڭ ەلەكتر ەنەرگياسىن ءوندىرۋ-تۇتىنۋ تەڭگەرىمىن ۇيىمداستىرۋ سالاسىنداعى قىزمەتتەرگە كەدەرگىسىز جانە كەمسىتۋسىز قول جەتكىزۋىن قامتاماسىز ەتەدى.
10. ماگيسترالدىق تەمىر جول جەلىسى سالاسىنداعى قىزمەتتەرگە قول جەتكىزۋدىڭ
تەڭ جاعدايلارىن ۇيىمداستىرۋ ءتارتىبى
33. رەتتەلىپ كورسەتىلەتىن قىزمەتتەرگە قول جەتكىزۋ جانە ماگيسترالدىق تەمىر جول جەلىسىن پايدالانۋ شارتىن جاساسۋ ءۇشىن تۇتىنۋشىلار سۋبەكتىگە بەلگىلەنگەن نىساندا جانە مەرزىمدە ءوتىنىش, سونداي-اق «تەمىرجول كولىگى تۋرالى» 2001 جىلعى 8 جەلتوقسانداعى قازاقستان رەسپۋبليكاسى زاڭىنىڭ 14 بابى 2-تارماعىنىڭ 34-10) تارماقشاسىنا سايكەس بەكىتىلگەن ماگيسترالدىق تەمىر جول جەلiسiن پايدالانۋ ەرەجەسiنە (بۇدان ءارى – ماگيسترالدىق تەمىر جول جەلiسiن پايدالانۋ ەرەجەسi) سايكەس قۇجاتتار جولدايدى.
34. سۋبەكت وتىنىشتەردى ماگيسترالدىق تەمىر جول جەلىسىنىڭ قىزمەتتەرىن تۇتىنۋشىلار ۇسىنعان وتىنىشتەردى تىركەۋ تىزىلىمىندە تۇسكەن كۇنi مەن ۋاقىتىن, سونداي-اق تiركەۋ ءنومiرiن كورسەتە وتىرىپ, تۇسكەن كۇنi تىركەيدى. ءوتىنىشتى قاراۋ مەرزىمى مەن ءتارتىبى دە ماگيسترالدىق تەمىر جول جەلiسiن پايدالانۋ ەرەجەسiندە رەگلامەنتتەلگەن.
35. تىركەۋدەن باس تارتۋعا, وتىنىشتەردىڭ تۇسكەن كۇنى مەن ۋاقىتىن, سونداي-اق ولاردى تىركەۋ نومىرلەرىن بۇرمالاۋعا جول بەرىلمەيدى.
36. وپەراتور ماگيسترالدىق جەلىدە ورتالىقتان باسقارۋدى جانە تاسىمالداۋ پروتسەسىن ۇيىمداستىرۋدى جولاۋشىلار مەن جۇك پوەزدارى قوزعالىسى كەستەسىنىڭ نەگىزىندە جۇزەگە اسىرادى. پوەزدار قوزعالىسى كەستەسىن ازىرلەۋ كەزىندە ماگيسترالدىق تەمىر جول جەلiسiن پايدالانۋ ەرەجەسىنە سايكەس كەزەكتىلىك ساقتالادى.
37. تاسىمالداۋشىنىڭ پوەزدار قوزعالىسىنىڭ ناقتى ءبىر باعىتىندا ماگيسترالدىق تەمىر جول جەلىسىن ونىڭ وتكىزۋ قابىلەتىنىڭ شەكتەلۋىنە بايلانىستى پايدالانۋعا بەرۋ مۇمكىندىگى بولماعان جاعدايدا, ەگەر قازاقستان رەسپۋبليكاسىنىڭ زاڭناماسىندا وزگەشە كوزدەلمەسە, تاسىمالداۋ ماگيسترالدىق تەمىر جول جەلiسiن پايدالانۋ ەرەجەسىندە كوزدەلگەن كەزەكتىلىكپەن جۇزەگە اسىرىلادى.
38. سۋبەكت حالىقارالىق شارتتاردا كوزدەلگەن جاعدايلاردى قوسپاعاندا, ماگيسترالدىق تەمىر جول جەلىسىنىڭ قىزمەتتەرىنە تاسىمالداۋدى جۇزەگە اسىرۋ كەزىندە قازاقستان رەسپۋبليكاسىنىڭ رەزيدەنتتەرى ەمەس تۇتىنۋشىلاردىڭ ءوز مەملەكەتىنىڭ رەزيدەنت تۇتىنۋشىلارىنان كەم بولمايتىن قولايلى جاعدايلاردا تەڭ قول جەتكىزۋىن قامتاماسىز ەتەدى.
11. كونتسەسسيا شارتتارى بويىنشا تەمىر جول كولىگى وبەكتىلەرى بار تەمىر جول قىزمەتتەرىنە قول جەتكىزۋدىڭ تەڭ جاعدايلارىن ۇيىمداستىرۋ ءتارتىبى
39. تاسىمالداۋشىلارعا كونتسەسسيا شارتتارى بويىنشا تەمىر جول كولىگى وبەكتىلەرى بار تەمىر جولدارعا قول جەتكىزۋدى ۇسىنۋعا ماگيسترالدىق تەمىر جول جەلىسىن پايدالانۋ قاعيدالارىنا جانە وزگە دە نورماتيۆتىك قۇقىقتىق اكتىلەرگە سايكەس تاراپتاردىڭ نەگىزگى شارتتارى, قۇقىقتارى جانە مىندەتتەرى ايقىندالاتىن ماگيسترالدىق تەمىر جول جەلىلەرىنىڭ وپەراتورى مەن تاسىمالداۋشى(لار) اراسىندا جاسالعان ماگيسترالدىق جەلىنى پايدالانۋ شارتى نەگىز بولىپ تابىلادى.
40. تاسىمالداۋشىلاردىڭ كونتسەسسيا شارتتارى بويىنشا تەمىر جول كولىگى وبەكتىلەرى بار تەمىر جولداردى ماگيسترالدىق جەلىنى پايدالانۋ شارتىن جاساماستان پايدالانۋىنا جول بەرىلمەيدى.
41. كونتسەسسيا شارتتارى بويىنشا تەمىر جول كولىگى وبەكتىلەرى بار تەمىر جولدارعا قول جەتكىزۋ كونتسەسسيا شارتىن ىسكە اسىرۋ ءۇشىن ولاردىڭ ءوزارا ءىس-قيمىلدارىن رەگلامەنتتەيتىن ماگيسترالدىق تەمىر جول جەلىلەرىنىڭ وپەراتورى مەن كونتسەسسيونەر اراسىنداعى جاسالعان شارتتى ەسكەرە وتىرىپ تاسىمالداۋشىلارعا ۇسىنىلادى.
12. كىرمە جولدار سالاسىنداعى قىزمەتتەرگە قول جەتكىزۋدىڭ تەڭ جاعدايلارىن ۇيىمداستىرۋ ءتارتىبى
42. تۇتىنۋشىلار قوزعالىستىڭ, تەحنيكالىق قۇرالداردىڭ جانە جىلجىمالى قۇرامنىڭ قاۋىپسىزدىگى قامتاماسىز ەتىلگەن جاعدايدا كىرمە جولداردىڭ قىزمەتتەرىن «تابيعي مونوپوليالار جانە رەتتەلەتىن نارىقتار تۋرالى» 1998 جىلعى 9 شىلدەدەگى قازاقستان رەسپۋبليكاسىنىڭ زاڭىنىڭ 14 بابى 1-تارماعىنىڭ 1) تارماقشاسىنا سايكەس بەكىتىلگەن ۇلگى شارتتىڭ نەگىزىندە پايدالانادى.
43. تۇتىنۋشىلار كىرمە جولداردىڭ قىزمەتتەرىن پايدالانۋ قۇقىعىن الۋ ءۇشىن سۋبەكتىگە ەكى دانادا جازباشا ءوتىنىش جولدايدى. سۋبەكت ءوتىنىشتى تۇسكەن كۇنى مەن ۋاقىتىن كورسەتە وتىرىپ تىركەيدى, بۇل رەتتە تىركەلگەن ءوتىنىشتىڭ ءبىر داناسى تۇتىنۋشىعا بەرىلەدى.
44. سۋبەكت كىرمە جولدار سالاسىنداعى رەتتەلىپ كورسەتىلەتىن قىزمەتتەردى تۇتىنۋشىلاردىڭ وتىنىشتەرىن تىركەۋ جۋرنالىن جۇرگىزەدى, ول نومىرلەنۋى جانە تىگىلۋى ءتيىس. كىرمە جولدار سالاسىنداعى رەتتەلىپ كورسەتىلەتىن قىزمەتتەردى (تاۋارلاردى, جۇمىستاردى) تۇتىنۋشىلاردىڭ وتىنىشتەرىن تىركەۋ جۋرنالىندا ءوتىنىش تۇسكەن كۇنى مەن ۋاقىتى, سونداي-اق تىركەۋ ءنومىرى تىركەلەدى.
45. تىركەۋدەن باس تارتۋعا, وتىنىشتەردىڭ تۇسكەن كۇنى مەن ۋاقىتىن, سونداي-اق ولاردىڭ تىركەۋ نومىرلەرىن بۇرمالاۋعا جول بەرىلمەيدى.
46. سۋبەكت وتىنىشتەردى قاراۋدى ولاردىڭ ءتۇسۋ كەزەكتىلىگىنە سايكەس كەلەتىن رەتتىلىكپەن 5 ساعاتتىڭ ىشىندە جۇرگىزەدى.
47. ءبىر كۇندە بىرنەشە وتىنىشتەر تۇسكەن كەزدە, ولاردى ءبىر مەزگىلدە قاناعاتتاندىرۋ كىرمە جولدىڭ وتكىزۋ قابىلەتىمەن شەكتەلگەن جاعدايدا, كىرمە جولدار سالاسىنداعى رەتتەلىپ كورسەتىلەتىن قىزمەتتەردى (تاۋارلاردى, جۇمىستاردى) كورسەتۋ كىرمە جولدىڭ تەحنيكالىق جانە تەحنولوگيالىق مۇمكىندىگىنە قاراي مالىمدەلگەن كولەمگە تەپە-تەڭ ورتاشا ولشەنگەن قاعيدات بويىنشا تۇتىنۋشىنى ءوتىنىش تۇسكەن كەزدەن باستاپ 7 ساعات ىشىندە جازباشا حاباردار ەتە وتىرىپ جۇزەگە اسىرىلادى.
48. تۇتىنۋشى كىرمە جولدار قىزمەتتەرىنەن باس تارتقان جاعدايدا, سۋبەكت كىرمە جولدار قىزمەتتەرىن ءوتىنىش بەرگەن كەزەكتىلىگى بويىنشا كەلەسى تۇتىنۋشىعا ۇسىنادى.
13. اۋەجايلاردىڭ قىزمەتتەرىنە تەڭ قول جەتكىزۋدى ۇيىمداستىرۋ ءتارتىبى
49. سلوتتاردى ءبولۋ اۋەايلاق اۋماعىندا ۇشۋلاردى, ۇشۋ-قونۋ جولاعىنداعى قوزعالىستاردى قاۋىپسىز ورىنداۋدى, اۋە كەمەلەرىنە تەحنيكالىق قىزمەت كورسەتۋدى قامتاماسىز ەتۋدى جانە اۋەجايدا جولاۋشىلارعا قىزمەت كورسەتۋدى جوسپارلاۋ شارتتارىنا سۇيەنە وتىرىپ جۇرگىزىلەدى.
50. تۇتىنۋشىلار سلوتتاردى (ولاردىڭ وزگەرىسىن) ۇشۋ, قونۋ سۋبەكتىسىمەن تۇتىنۋشىعا سلوتتاردى كەلىسۋگە جازباشا نىساندا ءوتىنىم (بۇدان ءارى – ءوتىنىم) جىبەرۋ جولىمەن كەلىسەدى.
51. وتىنىمدە مىناداي مالىمەتتەر بەرىلەدى:
1) رەيستى ورىنداۋ ماۋسىمى;
2) اۆياكومپانيا كودى;
3) رەيس ءنومىرى; 4) ورىنداۋ كۇندەرى;
5) اۋە كەمەلەرىنىڭ ۇلگىلەرى;
6) ورىندىقتار سانى;
7) باعىتى; 8) رەيس ۇلگىسى;
9) اۋە كەمەسىنىڭ بىلىكتىلىك ءنومىرىن قوسا العاندا, اۋە كەمەسىنىڭ تەحنيكالىق سيپاتتامالارى.
52. سۋبەكت سلوتتاردى كەلىسۋ وتىنىمدەرىنىڭ ءتىزىلىمىن (بۇدان ءارى - ءتىزىلىم) نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6668 تىركەلگەن, قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2010 جىلعى 11 قاراشاداعى №520 بۇيرىعىمەن بەكىتىلگەن قازاقستان رەسپۋبليكاسىنىڭ اۋەجايلارىندا اۋە كەمەلەرىنە قىزمەت كورسەتۋ ءۇشىن ۋاقىتشا ينتەرۆالداردى ءبولۋ قاعيدالارىنا سايكەس جۇرگىزەدى.
تىزىلىمدە ءوتىنىمنىڭ تۇسكەن كۇنى مەن ۋاقىتى, سونداي-اق ونىڭ تىركەۋ ءنومىرى تىركەلەدى.
تىركەۋدەن باس تارتۋعا, وتىنىمدە كورسەتىلگەن دەرەكتەردى جانە ءوتىنىمنىڭ تىركەۋ ءنومىرىن بۇرمالاۋعا جول بەرىلمەيدى.
53. تىزىلىمدە تىركەلگەن وتىنىمدەر تۋرالى اقپارات بارلىق تۇتىنۋشىلارعا قول جەتىمدى بولۋى ءتيىس. تىزىلىمدە قامتىلعان مالىمەتتەر ينتەرنەت جەلىسىندە اۋەجايدىڭ رەسمي سايتىندا ورنالاسادى جانە كۇن سايىن (جۇمىس كۇندەرى) جاڭارتىلۋى ءتيىس. تۇتىنۋشىنىڭ جازباشا سۇراۋى بويىنشا تىزىلىمدە قامتىلعان مالىمەتتەردى سۋبەكت ءوتىنىش كەلگەن كۇنى بەرەدى.
54. سۋبەكت ءوتىنىمدى قاراپ, تۇتىنۋشىعا جاۋاپتى ونى العان كۇنىنەن باستاپ 3 جۇمىس كۇنىنىڭ ىشىندە جولدايدى.
55. رەيس پارامەترلەرى, وتكىزۋ قابىلەتىنىڭ نورماتيۆتەرى جانە اۋەجاي جۇمىسىنىڭ شەكتەۋلەرى وزگەرگەن كەزدە, سونداي-اق سلوتتاردى تۇتىنۋشىنىڭ بارلىق وتىنىمدەرىن قاناعاتتاندىراتىنداي ءبولۋ مۇمكىندىگى بولماعان جاعدايدا, ارتىقشىلىق جولاۋشىلاردىڭ تۇراقتى رەيستەرىنە بەرىلەدى جانە اۋە جەلىلەرى بويىنشا مىناداي باسىمدىق بەلگىلەنەدى:
1) حالىقارالىق; 4) ىشكى چارتەرلىك;
2) ىشكى; 5) جۇك.
3) حالىقارالىق چارتەرلىك;
56. باسىمدىعى بويىنشا بىردەي جانە اۋەجايدىڭ تەحنيكالىق مۇمكىندىگىنىڭ شەكتەلۋىنەن ءبىر مەرزىمدە قاناعاتتاندىرۋ مۇمكىن ەمەس سلوتتاردى ءبولۋدى كوزدەيتىن بىرنەشە وتىنىمدەر بولعان كەزدە سۋبەكت وتىنىمدەردى قاراۋ مەن راستاۋدى تىزىلىمدە تىركەلگەن وتىنىمدەردى بەرۋ كەزەكتىلىگىن ەسكەرە وتىرىپ جۇزەگە اسىرادى.
57. اۋەجايلاردىڭ رەتتەلىپ كورسەتىلەتىن قىزمەتتەرىنە قول جەتكىزۋ ماقساتىندا اۋەجايلار سالاسىنداعى سۋبەكتىلەرمەن شارت جاساسۋ ءۇشىن تۇتىنۋشىلار:
1) تۇتىنۋشى (پايدالانۋشى) سەرتيفيكاتىن;
2) ازاماتتىق كەمەنى مەملەكەتتىك تىركەۋ تۋرالى كۋالىكتى;
3) اۋە كەمەلەرىنىڭ بارلىق ۇلگىلەرى بويىنشا ۇشۋ جارامدىلىعى سەرتيفيكاتتارىن ۇسىنادى.
58. شەتەلدىك اۋە تاسىمالداۋشىلارى قازاقستان رەسپۋبليكاسىنىڭ اۋماعىندا قازاقستان رەسپۋبليكاسىنىڭ زاڭناماسىنا جانە قازاقستان رەسپۋبليكاسى قاتىسۋشى بولىپ تابىلاتىن حالىقارالىق شارتتارعا سايكەس جۇزەگە اسىرادى.
14. تەڭىز پورتتارى سالاسىنداعى قىزمەتتەرگە تەڭ قول جەتكىزۋدى ۇيىمداستىرۋ ءتارتىبى
59. پورتتار سالاسىنداعى رەتتەلىپ كورسەتىلەتىن قىزمەتتەر قازاقستان رەسپۋبليكاسىنىڭ مەملەكەتتىك تۋىنىڭ استىندا جۇزەتىن كەمەلەرگە جانە شەتەل كەمەلەرىنە كورسەتىلەدى.
60. كەمەلەرگە قىزمەت كورسەتۋ مىنا كەزەكتىلىكپەن جۇرگىزىلەدى:
1) اۆاريالىق كەمەلەر, كومەك كورسەتۋگە كەلە جاتقان كەمەلەر جانە بورتىندا اۋىر ناۋقاستى ادام بار كەمەلەر;
2) شەكارا اسكەرلەرىنىڭ تەڭىز بولىمدەرىنىڭ كورابلدەرى مەن كەمەلەرى;
3) كەستە بويىنشا جۇرەتىن پارومدار مەن جولاۋشى كەمەلەرى;
4) گاز تاسۋشى كەمەلەر;
5) تەز ب ۇلىنەتىن جۇكتەر مەن بالىق ونىمدەرى تيەلگەن كەمەلەر;
6) قاۋىپتى جۇكتەرى بار كەمەلەر;
7) جەلىلىك كەمەلەر;
8) وتىنىمدەر تۇسكەن ۋاقىتقا سايكەس باسقا دا كەمەلەر.
61. مەجەلى پورتقا كەمەنىڭ جاقىنداۋى تۋرالى اقپاراتتى كەمە كاپيتانى قازاقستان رەسپۋبليكاسىنىڭ تەڭىز پورتىنا كەلە جاتقان كەزدە پورت ديسپەتچەرىنە, پورت كاپيتانىنا جانە قاجەت بولعان جاعدايدا باسقا دا مەكەنجايلارعا بەرەدى.
62. جاقىنداۋ تۋرالى اقپارات 48 ساعات بۇرىن, ەكىنشى رەت – 24 ساعات بۇرىن حابارلانادى جانە كەلگەنگە دەيىن 4 ساعات بۇرىن ناقتىلانادى. ءوتۋ ۇزاقتىعى 48 ساعاتتان كەم بولعان كەزدە كەمە جونەلتۋ پورتىنان شىققاننان كەيىن 2 ساعات شەگىندە. بالىق اۋلاۋ كاسىپشىلىگى فلوتىنىڭ كاپيتاندارى كاسىپتەن شىعۋ ۋاقىتىن, سونداي-اق پورتقا جاقىنداۋ ۋاقىتىن 48 ساعاتتان كەشىكتىرمەي حابارلايدى.
63. كەمەنىڭ پورتقا كەلۋى تەڭىز پورت اكىمشىلىگىندە شەكارا, كەدەن, سانيتارلىق جانە كارانتيندىك تالاپتار ساقتالا وتىرىپ, كەلگەن ساتتەن باستاپ 24 ساعات ىشىندە رەسىمدەلەدى. كەمەنىڭ كەلۋى جالپى دەكلاراتسيانى, كەمەلىك ءرولدى جانە جولاۋشىلار ءتىزىمىن ۇسىنۋ بويىنشا رەسىمدەلەدى.
64. كەمەنىڭ رەيسكە شىعۋىن رەسىمدەۋدى پورتتىڭ تەڭىز اكىمشىلىگى جۇزەگە اسىرادى. رەسىمدەۋ كەمەنىڭ تەحنيكالىق جانە تەڭىزدە ءجۇزۋىنىڭ قاناعاتتانارلىق جاعدايىن راستايتىن, ۋاكىلەتتى ورگان نەمەسە باسقا توپتاستىرعىش قوعام بەرگەن ءتيىستى كەمە قۇجاتتارى بولعان كەزدە, سونداي-اق ءورت كۇزەتى جانە سانيتارلىق-كارانتيندىك باقىلاۋ تاراپىنان كەدەرگىلەر بولماعان جاعدايدا جۇرگىزىلەدى. كەمەنىڭ تەڭىزگە شىعۋعا دايىندىعىن پورتتىڭ تەڭىز اكىمشىلىگى تەكسەرەدى.
15. اەروناۆيگاتسيا قىزمەتتەرىنە تەڭ قول جەتكىزۋدى ۇيىمداستىرۋ ءتارتىبى
65. اەروناۆيگاتسيانىڭ رەتتەلىپ كورسەتىلەتىن قىزمەتتەرىنە قول جەتكىزۋ ماقساتىندا اەروناۆيگاتسيا سالاسىنداعى سۋبەكتىلەرمەن شارت جاساسۋ ءۇشىن تۇتىنۋشىلار اەروناۆيگاتسيا سالاسىنداعى سۋبەكتىلەرگە جازباشا ءوتىنىشتى مىناداي قۇجاتتار:
1) پايدالانۋشى سەرتيفيكاتىنىڭ;
2) ازاماتتىق كەمەنى مەملەكەتتىك تىركەۋ تۋرالى كۋالىكتىڭ;
3) اۋە كەمەلەرىنىڭ بارلىق تۇرلەرى بويىنشا ۇشۋ جارامدىلىعى سەرتيفيكاتتارىنىڭ;
4) جارعى;
5) زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىكتىڭ* نەمەسە انىقتامانىڭ كوشىرمەسىن.
ەسكەرتپە: * «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2012 جىلعى 24 جەلتوقسانداعى قازاقستان رەسپۋبليكاسىنىڭ زاڭى قولدانىسقا ەنگىزىلگەنگە دەيىن بەرىلگەن زاڭدى تۇلعانى (فيليالدى, وكىلدىكتى) مەملەكەتتىك (ەسەپتىك) تىركەۋ (قايتا تىركەۋ) تۋرالى كۋالىك زاڭدى تۇلعانىڭ قىزمەتى توقتاتىلعانعا دەيىن جارامدى بولىپ تابىلادى;
6) قوسىلعان قۇن سالىعى بويىنشا ەسەپكە قويۋ تۋرالى كۋالىكتىڭ;
7) حالىقارالىق ازاماتتىق اۆياتسيا ۇيىمىنىڭ (يكاو) ءۇش ارىپتىك كود بەرىلگەنى تۋرالى حاتىنىڭ كوشىرمەلەرىن قوسا بەرە وتىرىپ جولدايدى.
66. وسى قاعيدالاردىڭ تالاپتارىن تۇتىنۋشىلار مەن وكىلدەر ساقتاعان جاعدايدا, اەروناۆيگاتسيا سالاسىنداعى تابيعي مونوپوليالار سۋبەكتىلەرىنىڭ تۇتىنۋشىلارعا اەروناۆيگاتسيانىڭ رەتتەلىپ كورسەتىلەتىن قىزمەتتەرىن كورسەتۋدەن باس تارتۋىنا جول بەرىلمەيدى.
67. شەتەلدىك اۋە تاسىمالداۋشىلارى ءوز قىزمەتىن قازاقستان رەسپۋبليكاسىنىڭ اۋماعىندا قازاقستان رەسپۋبليكاسىنىڭ زاڭناماسىنا جانە قازاقستان رەسپۋبليكاسى قاتىسۋشى بولىپ تابىلاتىن حالىقارالىق شارتتارعا سايكەس جۇزەگە اسىرادى.
16. مۇنايدى جانە (نەمەسە) مۇناي ونىمدەرىن ماگيسترالدىق قۇبىرجولدارى ارقىلى تاسىمالداۋ سالاسىنداعى رەتتەلىپ كورسەتىلەتىن قىزمەتتەرگە (تاۋارلارعا, جۇمىستارعا) تەڭ قول جەتكىزۋدى ۇيىمداستىرۋ ءتارتىبى
68. تۇتىنۋشىلارعا مۇنايدى جانە (نەمەسە) مۇناي ونىمدەرىن ماگيسترالدىق قۇبىرجولدارى ارقىلى تاسىمالداۋ سالاسىنداعى رەتتەلىپ كورسەتىلەتىن قىزمەتتەر (تاۋارلار, جۇمىستار) قۇزىرەتتى ورگان بەكىتكەن مۇنايدى جەتكىزۋ كەستەسىنە سايكەس ۇسىنىلادى.
69. ماگيسترالدىق قۇبىرجولىنىڭ بوس قۋاتى بولماۋى سالدارىنان رەتتەلىپ كورسەتىلەتىن قىزمەتتەردى كورسەتۋدىڭ تەحنيكالىق مۇمكىندىگى شەكتەلگەن جاعدايدا, رەتتەلىپ كورسەتىلەتىن قىزمەتتەرگە ءبىرىنشى كەزەكتە قول جەتكىزۋ باسىمدىعى:
1) مۇنايدى قازاقستان رەسپۋبليكاسىنىڭ مۇناي وڭدەۋشى زاۋىتتارىنا جەتكىزۋدى جۇزەگە اسىراتىن;
2) مۇنايدى تاسىمالداۋ قىزمەتتەرىن ۇسىنۋعا جاسالعان شارتقا سايكەس تاسىمالداۋ ءۇشىن مۇنايدىڭ مىندەتتى ەڭ تومەنگى جىلدىق كولەمىن ۇسىنۋ مىندەتتەمەلەرىن العان;
3) اۋماعىندا تاسىمالداۋ جۇزەگە اسىرىلاتىن ەلدەردەگى مۇناي قۇبىرى ۇيىمدارى بەلگىلەيتىن ساپا بويىنشا تەحنيكالىق تالاپتارعا تاسىمالداناتىن مۇنايدىڭ قوسپاسىن جانە (نەمەسە) مۇناي ونىمدەرىن سايكەس كەلتىرۋ مۇمكىندىگىن بەرەتىن قاجەتتى ساپاداعى مۇنايدى جانە (نەمەسە) مۇناي ونىمدەرىن تاسىمالداۋعا ۇسىناتىن;
4) جاسالعان شارتتىڭ تالاپتارىنا سايكەس جانە ينۆەستيتسيالار تولىق وتەلگەنگە دەيىن ماگيسترالدىق قۇبىرجولدارىنىڭ نەمەسە ونىڭ جەكەلەگەن وبەكتىلەرىنىڭ وتكىزۋ قۋاتىن كەڭەيتۋدى ينۆەستيتسيالاۋ ءۇشىن تارتىلعان;
5) قازاقستان رەسپۋبليكاسى ۇكىمەتىنىڭ شەشىمدەرىن جانە (نەمەسە) قازاقستان رەسپۋبليكاسىنىڭ قاتىسۋىمەن حالىقارالىق كەلىسىمدەردى ورىنداۋدى قامتاماسىز ەتەتىن;
6) ءوزىنىڭ مۇنايىن جانە (نەمەسە) مۇناي ونىمدەرىن تاسىمالداۋ ءۇشىن بالامالى تەحنيكالىق مۇمكىندىگى جوق تۇتىنۋشىعا بەرىلەدى.
70. قاعيدالاردىڭ 68-تارماعىندا كورسەتىلگەن تۇتىنۋشىلاردى قوسپاعاندا, قۇزىرەتتى ورگان تۇتىنۋشىلار اراسىندا ماگيسترالدىق قۇبىرجولدارىنىڭ قۋاتتارىن ءبولۋدى تۇتىنۋشىلار مالىمدەگەن مۇناي جانە (نەمەسە) مۇناي ونىمدەرىن تاسىمالداۋدىڭ كولەمدەرىنە قاتىستى تەپە-تەڭ نەگىزىندە جۇرگىزەدى.
17. گازبەن جابدىقتاۋ جەلىلەرىنە قوسىلۋعا تەحنيكالىق شارتتاردى بەرگەن كەزدە تاۋارلىق
گازدى ساقتاۋ, جالعاستىرۋشى, ماگيسترالدىق گاز قۇبىرلارى جانە (نەمەسە) گاز تاراتۋ جۇيەلەرى ارقىلى تاسىمالداۋ, توپتىق رەزەرۆۋارلىق قوندىرعىلاردى پايدالانۋ, سونداي-اق شيكى گازدى جالعاستىرۋشى گاز قۇبىرلارى ارقىلى تاسىمالداۋ ءجونىن