2016 جىلعى 23 مامىر, استانا, ۇكىمەت ءۇيى
شاراپ ماتەريالىن, سىرا مەن سىرا سۋسىنىن قوسپاعاندا, الكوگول ءونىمىن ەسەپكە الۋ-باقىلاۋ تاڭبالارىمەن قايتا تاڭبالاۋدىڭ كەيبىر ماسەلەلەرى جانە قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانۋ تۋرالى
«سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» 2008 جىلعى 10 جەلتوقسانداعى قازاقستان رەسپۋبليكاسىنىڭ كودەكسى (سالىق كودەكسى) 653-بابىنىڭ 5-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. 2016 جىلعى 1 قىركۇيەككە دەيىن 2015 جىلعى 23 مامىردان باستاپ ەنگىزىلگەن ەسەپكە الۋ-باقىلاۋ تاڭبالارىمەن تاڭبالاۋ مۇمكىندىگىمەن, 2017 جىلعى 1 مامىرعا دەيىنگى مەرزىمدە شاراپ ماتەريالىن, سىرا مەن سىرا سۋسىنىن قوسپاعاندا, الكوگول ءونىمىن 2016 جىلعى 1 قاڭتاردان باستاپ ەنگىزىلگەن جاڭا ۇلگىدەگى ەسەپكە الۋ-باقىلاۋ تاڭبالارىمەن قايتا تاڭبالاۋ جۇزەگە اسىرىلسىن.
2. قازاقستان رەسپۋبليكاسىنىڭ قارجى مينيسترلىگى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وسى قاۋلىدان تۋىندايتىن شارالاردى قابىلداسىن.
3. مىنالاردىڭ كۇشى جويىلدى دەپ تانىلسىن:
1) «الكوگول ءونىمىن ەسەپكە الۋ-باقىلاۋ تاڭبالارىمەن تاڭبالاۋدىڭ (قايتا تاڭبالاۋدىڭ) كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2009 جىلعى 8 جەلتوقسانداعى №2041 قاۋلىسى (قازاقستان رەسپۋبليكاسىنىڭ ءپۇاج-ى, 2009 ج., №57, 497-قۇجات);
2) «قازاقستان رەسپۋبليكاسى ۇكىمەتىنىڭ 2009 جىلعى 8 جەلتوقسانداعى №2041 قاۋلىسىنا وزگەرىس ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 30 جەلتوقسانداعى №1473 قاۋلىسى (قازاقستان رەسپۋبليكاسىنىڭ ءپۇاج-ى, 2011 ج., №9, 123-قۇجات).
4. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ