پەتروپاۆل. 31 مامىر. سولتۇستىك قازاقستان وبلىسىنىڭ ەگىستىك القابىنان جەرگىلىكتى تۇرعىندار گراناتا تاۋىپ الدى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى.
وبلىستىق قىزىلجار اۋدانىنداعى ياكور اۋىلىنىڭ ەگىستىك تانابىنان تابىلعان جارىلعىش زاتتىڭ ازامات سوعىسى جىلدارىنان قالعان بولۋى دا مۇمكىن.
ءباسپاسوز قىزمەتى حابارلاعانداي, قىزىلجار اۋداندىق ىشكى ىستەر ءبولىمىنىڭ كەزەكشى بولىمىنە ياكور اۋىلىنان قوڭىراۋ شالىنىپ, وندا كوكتەمگى ەگىس ناۋقانى ءجۇرىپ جاتقان كەزدە ەگىستىك القاپتان تۇرقى گراناتاعا ۇقسايتىن زاتتىڭ تابىلعانى باياندالعان. وقيعا ورنىنا تەز جەتكەن پوليتسەيلەر اۋىلداستار قولدارىنان ايتىلعان سۋىق قارۋدى الىپ قارادى. ءتارتىپ ساقشىلارى قاراۋ بارىسىندا ايرىقشا كۇشتى كورروزياعا ۇشىراعان گراناتانىڭ ساقتاندىرۋ شەگى جوق ەكەنىن جانە ماركالىق بەلگىلەرىنىڭ ءوشىپ قالعانىن انىقتادى.
قاۋىپتى زات ۋاقىتشا ساقتاۋ ءۇشىن جارىلعىش زاتتار قويماسىنا قويىلعان. وسىدان كەيىن ول دالاعا شىعارىلىپ, ساپەرلەردىڭ جارىپ جىبەرۋىنە ۇلاسادى.
ءومىر ەسقالي.
دەرەك: سولتۇستىك قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتكەرلەرى.