پەتروپاۆل. 31 مامىر. سولتۇستىك قازاقستان وبلىسىنداعى اققايىڭ اۋدانىندا ءبىر ايەل نايزاعاي ءتۇسىپ, قازا تاپقان. بۇل تۋرالى وبلىس توتەنشە جاعدايلار دەپارتامەنتىنىڭ دەرەگىنە سۇيەنگەن egemen.kz ءتىلشىسى حابارلادى.
قايعىلى وقيعا اۋداننىڭ قيالى اۋىلىندا ورىن العان. قارا اسپاندى قاق جارىپ كەلىپ تۇسكەن جاي 54 جاستاعى ايەلدىڭ ءومىرىن سول مەزەتىندە ج ۇلىپ كەتكەن.
«اققايىڭ اۋدانىنداعى قيالى اۋىلىنىڭ كالينين كوشەسىندە 1962 جىلى تۋعان ايەل ۆەلوسيپەد تەۋىپ كەلە جاتىپ, نايزاعايدىڭ سوققىسىنا تاپ بولعان. سوندا العان جاراقاتى سالدارىنان ول وقيعا ورنىندا قازا تاپقان. مارقۇمنىڭ دەنەسى سوت-مەديتسينالىق ساراپتاماسىنا جىبەرىلدى. وقيعا ورنىندا وبلىستىق جانە اۋداندىق ىشكى ىستەر ورگاندارىنىڭ جەدەل توپتارى جۇمىس جاسادى», - دەلىنگەن حابارلامادا.
ءومىر ەسقالي.
دەرەك: سولتۇستىك قازاقستان وبلىس توتەنشە جاعدايلار دەپارتامەنتىنىڭ ءباسپاسوز قىزمەتكەرلەرى.