استانا. 30 مامىر. س. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ (بۇرىنعى – الماتى مەملەكەتتىك مەديتسينا ينستيتۋتى) بۇرىنعى رەكتورى ايقان اقانوۆ كەنەتتەن قايتىس بولدى. بۇل تۋرالى NewTimes.kz اقپارىنا سىلتەمە جاساعان egemen.kz ءتىلشىسى حابارلادى.
«اسفەندياروۆ اتىنداعى قازۇمۋ-دىڭ بۇرىنعى رەكتورى ايقان اقانوۆ ومىردەن ءوتتى», دەپ جازادى اتالمىش جوعارى وقۋ ورنىنىڭ اكىمشىلىگى ءوزىنىڭ Instagram الەۋمەتتىك جەلىسىندەگى اككاۋنتىندا.
«دەنساۋلىق ساقتاۋ سالاسىنىڭ ۇزدىك جانە اسا كورنەكتى ۇيىمداستىرۋشىلارىنىڭ ءبىرى 65 جاسىندا ومىردەن ءوتتى. ونىڭ رەكتورلىعى جىلدارىندا ءبىزدىڭ ۋنيۆەرسيتەتىمىز ءبىلىم بەرۋ پروتسەسىندە وتە جوعارى دەڭگەيگە كوتەرىلدى», - دەلىنگەن ۋنيۆەرسيتەت حابارلاماسىندا.
ايقىن اقانوۆ بۇرىنعى سەمەي وبلىسى, كوكپەكتى اۋدانى, ۇلگىلى مالشى اۋىلىندا 1951 جىلى تۋعان. وتباسىلى: جۇبايى – گۇلنار اقانوۆا (1952 ج), ۇلى – جانات اقانوۆ – دارىگەر-تەراپەۆت, قىزى – ءاسيا اقانوۆا.
تالعات رايىمبەك.
دەرەك, فوتو: NewTimes.kz.