استانا. 31 مامىر. بريتانيا باق-تارىنىڭ جازۋىنشا, رەسەيدە ايۋدى بالاشا اسىراپ وتىرعان وتباسى بار ەكەن. بۇل تۋرالى Daily Mail گازەتىنىڭ اقپارىنا سىلتەمە جاساعان egemen.kz ءتىلشىسى حابارلادى.
سالماعى 140 كيلو كەلەتىن ستەپان ەسىمدى 23 جاستاعى ايۋدى ەرلى-زايىپتى سۆەتلانا جانە يۋري پانتەلەەنكو ءۇش ايلىعىنان بەرى اسىراپ كەلەدى.
ستەپاننىڭ قازىر وسى سەميانىڭ ءبىر مۇشەسى سياقتى بولىپ كەتكەنى سونشالىق, ول كۇندە كەشكە ەرلى-زايىپتى ەكەۋدىڭ جانىندا وتىرىپ, ولارمەن بىرگە ديۆاندا تەلەۆيزور قارايدى.
باسىلىمنىڭ حابارلاۋىنشا, ءبىر قىزىعى, ايۋ كۇندىز ەسىكتىڭ الدىنداعى باقشادا جۇمىس جاسايدى. ول كوبىنە-كوپ وسىمدىكتەردى سۋارۋمەن اينالىسادى.
ءتاتتىنى جاقسى كورەتىن ايۋ قالبىرداعى ۇيىتىلعان ءتاتتى قويمالجىڭعا قۇمار. سونداي-اق تۇسكى اسقا 25 كگ بالىق, كوكونىس پەن جۇمىرتقا جەپ تۇرادى. پانتەلەەۆتەردىڭ ايتۋلارىنا قاراعاندا, ولاردىڭ «بالاپاندارى» فۋتبولدىڭ ناعىز فاناتى كورىنەدى. ول تەلەۆيزوردان فۋتبول كورگەندى قاتتى ۇناتادى. وسى كەزگە دەيىن ايۋ ولاردى ءبىر رەت تە تىستەپ كورمەپتى. مۇنىڭ ورنىنا ول بۇلاردى قۇشاقتاعاندى جاقسى كورەدى.
تالعات رايىمبەك.
دەرەك, فوتو: Daily Mail.