بابەنكونىڭ كۇمىسى

كونكي استاناداعى ۆەلوترەك كەشەنىندە كەشە ەرلەر اراسىندا 5 مىڭ, ايەلدەر اراسىندا 3 مىڭ  مەترگە كونكيمەن جۇگىرۋدەن جارىستار تار­تىستى ءوتتى. 5 مىڭ مەترلىك قا­شىقتىقتا كورەرمەندەر وڭتۇستىك كورەيانىڭ جارىق جۇلدىزى, ۆانكۋۆەر وليمپياداسىنىڭ چەمپيونى لي سەي حۋنعا ستارت باستالماستان بۇرىن چەمپيوندىق اتاقتى بەرىپ قويعان. ال قازاقستاننىڭ جەلاياعى دميتري بابەنكو كەم دەگەندە ءبىر مەدالعا ىلىگىپ قالار دەپ ءۇمىت­تەنگەنبىز. دميتري بابەنكونىڭ قارسىلا­سى ناكامۋرا جەرلەسىمىزدەن 27 سەكونت كەش كەلدى. ال دميتري 6.28.41 ۋاقىتپەن جارىستىڭ سوڭىنا دەيىن كوش باسىندا تۇرعان ەدى. امال  بار ما؟ سوڭعى جۇپتا قىتايدىڭ جەلاياعى گاومەن جۇگىرگەن لي سەي حۋن چەمپيوندىق اتاقپەن بىرگە, قايماعى بۇزىلماي تۇرعان ازيا رەكوردىنا تۇزەتۋ ەنگىزدى. كورەي وكىلىنىڭ ۋاقىتى 6.25.55, تاعى ءبىر قازاقستاندىق جەلاياق ارتەم بەلوۋسوۆ ءسال عانا تومەن ناتيجە كورسەتىپ, ءتورتىنشى ورىنعا تابان تىرەدى. ءۇشىنشى ورىندا كورەيا جەلاياعى. ال 3 مىڭ مەترلىك قىزدار اراسىنداعى جارىستا كۇنشىعىس ەلىنىڭ وكىلى توبىقتاي جاپون قىزى حوزۋمي ماساكو 4 ءمينوت 7.82 ۋاقىتپەن التىننان القا تاعىنسا, ەكىنشى ورىندا كورەيالىق كيم بورەۋم, ال قولا القاعا قىتاي ەلىنىڭ وكىلى ۆانك فەي يە بولدى. قازاقستاندىق ۆيكتوريا لۋگوۆايا سەگىزىنشى ورىندا. وڭداسىن ەلۋباي.