«ءوز قورقىنىشىڭدى جەڭۋ – ەڭ ۇلكەن جەڭىس»

فريستايل

بارلارىن سالعان دميتري رەيحەرد پەن يۋليا گالىشەۆا موگۋلدان ازيادا التىنىن الدى شاڭعى باعدارلاۋ جارىسىندا ابىرويىمىزدى اسىرىپ, جانكۇيەرلەردى جەلپىنتىپ كەتكەن ولگا نوۆيكوۆانىڭ التىنىنان كەيىن دە تابىسسىز بولعان جوقپىز. فريستايلشىلاردان ءبىرىنشى بولىپ دودانى موگۋلشىلار باستادى. وسىلايشا قازاقستاندىق  دميتري رەيحەرد  موگۋلدان ازيادا چەمپيونى اتاندى. قىزدار اراسىندا ازيادانىڭ كەزەكتى التىنىن قازاقستان قانجىعاسىنا يۋليا گالىشەۆا بايلادى. وسى ارادا شەيپەر-ارحيتەكتور ۆالەنتين كوتلياروۆتىڭ ءمالىم­دەۋى­مەن, «تاباعان» سپورتتىق كەشەنىندەگى فريستايل جولى  بار بولعانى 10 كۇن ىشىندە سالىن­عانىن ايتا كەتەلىك. قازاقستاندىق 22 جاستاعى تانىمال موگۋليست دميتري رەيحەرد ماۋسىمدى فينليانديادا ءوت­كەن الەم كۋبوگىندا ءتورتىنشى ورىن الىپ, جاقسى كورسەتكىشپەن باس­تاعان بولاتىن. جارىس ال­دىندا دميتري: – قازىر بار ويىم ازيادادا. ءوزىم­دى دە, جانكۇيەرلەرىمدى دە قۋانت­قىم كەلەدى, سوندىقتان قايتسەم دە التىن الۋىم كەرەك. ول ءۇشىن بارلىق جاع­داي جاسالعان, مۇمكىندىك مول. جارىسقا مىقتى قارسىلاستاردىڭ كەلگەنىنە وتە قۋانىشتىمىن. وڭاي باسەكە بولايىن دەپ تۇرعان جوق, – دەگەن ەدى. دميتري 12 جاسىنان باستاپ فريستايل سپورتىمەن اينالىسا­دى. سپورتتىڭ بۇل ءتۇرىن ول ءوزى تاڭ­داعان. ءوز قورقىنىشىڭدى جەڭۋ – ەڭ ۇلكەن جەڭىس دەپ سانايدى. ال­تىن الماي تۇرىپ-اق جەرلەسىمىز: – كەز كەلگەن سپورتشى ءۇشىن جارىستا جەڭىسكە جەتۋ – بۇل ءوز-ءوزىڭدى جەڭۋ, ءوزىڭدى بارىنشا قولعا الىپ, جۇكتەمەنى جوعارى دەڭگەيدە ورىنداۋ دەگەن ءسوز. بۇل كەرەمەت سەزىم! دەگەنمەن, بۇل جەردە ءتاجىري­بەنىڭ ماڭىزى زور. مەن 10 جىلدان استام الەمدىك دەڭگەيدەگى جارىس­تار­عا قاتىسىپ ءجۇرمىن, سوندىقتان الەمدىك جارىستاردى جاڭادان باستاپ جۇرگەن سپورتشىلارعا قاراعان­دا ماعان الدەقايدا وڭاي. ەكىنشى جاعىنان, ماعان جۇكتەلەر جاۋاپكەرشىلىك تە الدەقايدا جوعارى, – دەپ اعىنان جارىلعان ەدى. قازاقستاندىق فريستايلدىڭ جاس جۇلدىزى بولىپ ەسەپتەلەتىن, فرانتسيانىڭ مەريبەل قالاسىندا وتكەن الەم كۋبوگىنىڭ جەڭىم­پازى يۋليا گالىشەۆا دا قىسقى ازيا ويىندارىندا فريستايلدىڭ موگۋل ءتۇرى بويىنشا الدىنا جان سالماۋعا ۋادە بەرىپ, قىسقاشا سۇحباتتاسىپ ۇلگەرگەن ەدىك. – فريستايلمەن قاي ۋاقىت­تان بەرى اينالىساسىز؟ – 4 جاستان 6 جاسقا دەيىن با­تۋتتاعى اكروباتيكامەن جانە جال­­پى دەنە شىنىقتىرۋمەن اينا­لىس­تىم. سول ۋاقىتتا جاساعان جاتتى­عۋ­لاردىڭ بارلىعىن كەيىن شاڭعى­مەن سەكىرىپ جاسايتىنىمدى كىم بىلگەن. فريستايلمەن اينالىسا باس­­تا­عان كەزدە سپورتتىق جيىن­دارعا باردىم. كوپ ۋاقىتىمدى تاۋدا وتكىزدىم. مەنى مۇندا بارلىعى قىزىقتىرا باستادى. – ازيا ويىندارى باستال­عانعا دەيىنگى جاتتىعۋلارىڭىز قالاي ءوتتى؟ – ماعان اسپان شايداي بولعان ۇنايدى. كۇن جارقىراپ تۇرسا, كوڭىل كۇيىڭ دە كوتەرىڭكى بولادى. جارىس­قا جايلى جاعداي جاسالا­دى. تراسسا ءالى جۇمساق, توبەشىك­تەر ءالى كىشكەنتاي جانە جازىلىپ ۇلگەرمە­گەن. بىراق سايىس باستال­عانشا بار­لى­عى دۇرىستالادى دەپ ويلايمىن. – ءوز كومانداڭىزعا قانداي باعا بەرە الاسىز جانە سىزگە باستى قارسىلاس بولاتىن كىم؟ – كومانداعا ەڭ مىقتى فريستايل سپورتشىلارى جۇمىلدى­رىل­عان. بىزگە باستى قارسىلاس بولا الاتىن جاپوندىقتار شىعار. – ازيادادان كەيىن نەمەن اي­نالىساسىز؟ – الداعى ۋاقىتتا الەم كۋبو­گىنىڭ كەزەڭدەرىنە قاتىسۋدى جوس­پارلاپ وتىرمىن. مىنە, وسىلايشا تىلدەسكەنىمىزگە تاۋلىك وتپەي جاتىپ گا­لىشەۆانىڭ ارمانى دا, بولجامى دا ورىندالدى. قىزدار اراسىندا ەكىنشى ورىن­دا – جاپوندىق ميكي يتو, ءۇشىنشى ورىن قىتاي قىزى كۆين نينگكە بۇيىردى. ازيادانىڭ جاڭا چەم­پيونى گالىشەۆا جارىستاعى جەكە كورسەتكىشىن 22,09 باللعا كوتەردى. كۆاليفيكاتسيا بويىنشا سوڭعى ناتيجە كورسەتىپ, قولا جۇلدەنى يەلەنگەن قىتاي قىزى ماماندار مەن كورەرمەندەردى اقتىق ساتتەردە تاڭ قالدىرىپ, مارە سىزىعىنا جاقىن­داعاندا جاپون­دىق تاە ساتوە مەن يۋليا رو­ديونوۆانى باسىپ وزدى. ەرلەر اراسىندا وتكەن موگۋل جارىسىندا ەكىنشى ورىندى جا­پون­دىق وسامۋ ۋەنو السا, ءۇشىنشى ورىن دا قازاقستاندىقتارىڭ ۇلە­سىندە. قولا جۇلدەنى دميتري بارماشوۆ جەڭىپ الدى. ماماندار وسىعان دەيىن ازياداعا قاتىساتىن قازاقستان موگۋلشىلەرى كۇشتىلەر­دىڭ قاتارىندا ەكەنىن ايتىپ كەلگەن. سولاردىڭ اراسىندا بارما­شوۆ­تىڭ ورنى بولەك بولاتىن. –          دميتري, ءسىزدىڭ سپورت­تا­عى العاشقى قادامىڭىز قا­لاي باستالدى؟ – اۋەلى 7 جىل تاۋ شاڭعى­سىمەن شۇعىلداندىم. سوندا ءجۇ­رىپ 5 جىل بويى وڭدى-سولدى بۇ­رىلۋدىڭ تاسىلدەرىن ۇيرەندىم. تەك سودان كەيىن عانا موگۋلگە اۋىستىم. قازىر 26 جاستامىن. باسقاشا ايتقاندا, وسى سپورتتىڭ قىر-سىرىن تولىق مەڭ­گەر­گەن سياقتىمىن. –  فريستايلشىنىڭ باستى سا­پالىق بەينەسى تۋرالى نە ايتار ەدىڭىز؟ – بۇل سپورتقا بارلىق جان-تانىڭىزبەن بەرىلۋىڭىز كەرەك. سون­داي-اق, ءوز شەبەرلىگىڭىزگە مىندەتتى تۇردە سەنۋگە ءتيىسسىز. كوڭىلىڭىزدە قوبالجۋ بولسا, قۇلاپ, جاراقات الۋىڭىز ابدەن ىقتيمال. سون­دىق­تان ءىس-تاجىريبەڭىزگە سەنىپ, تەك العا ۇمتىلۋىڭىز كەرەك. سونىمەن «تاباعان» سپورت كەشەنىندە وتكەن ەرلەر موگۋلى جا­رىسىندا بەس ەلدەن   10 سپورتشى باق سىنادى.   بۇل سپورتشى­لار­دىڭ بارلىعى فريستايلدان بىرنەشە حالىقارالىق جارىستاردىڭ جەڭىمپازدارى بولاتىن. وسى ارادا ازيادا دوداسى باستالار الدىندا عانا فريستايل بو­يىنشا قازاقستان قۇراماسىنىڭ ءبىر بولىگى 25 حالىقارالىق قىسقى ۋنيۆەرسيادا وتكەن تۇركيادان التىن مەن قولا مەدالدى جەڭىپ اكەلگەنىن ايتا كەتۋگە بولادى. – ۇيگە جەڭىسپەن ورالعانى­مىزعا قۋانىشتىمىز, ويتكەنى بۇل – ازياداداعى ءبىزدىڭ فريستايل­شىلار ءۇشىن جاقسىلىقتىڭ بەلگىسى, – دەپ اتاپ كورسەتتى موگۋل بو­يىنشا قازاقستان قۇراماسىنىڭ باپكەرى ۆاديم سوكولوۆ. ۋنيۆەرسيادادا قازاقستان قۇ­را­ماسى تەك موگۋل بويىنشا ج­ارىس­تارعا قاتىسقان. قازاقستان­دىق داريا رىبالوۆا ەكى رەسەيلىك قىزدان وزىپ شىعىپ, چەمپيون اتاندى. ەرلەر اراسىندا ءبىرىنشى جانە ەكىنشى ورىنداردى رەسەيلىكتەر السا, ءۇشىنشى ورىندى قازاق­ستاندىق دەنيس مويسەەۆ يەلەندى. ءتورتىنشى ورىندا قازاقستاندىق اندرەي سوكولوۆ تۇر. «ەندى ءبىزدىڭ سپورتشىلار ازيادادا جاقسى ناتيجەلەر كورسەتۋ كەرەك: الماتىداعى جول قيىن, ول الەمدەگى قيىن جولداردىڭ ءبىرى. ءبىزدىڭ جىگىتتەردەن باسقا جاپون­دىقتار دا التىننان ءۇمىتتى دەپ ويلايمىن. بارلىعىنىڭ ماقساتى ءبىر – مەدال ءۇشىن كۇرەسۋ», دەگەن ەدى ۆاديم سوكولوۆ. قازاقستان قۇراماسىنىڭ فريس­تايلدان باس جاتتىقتىرۋ­شىسى ۆيك­تور لەمەشكو ءوز كوماندا­سى­نىڭ موگۋلداعى العاشقى جاتتى­عۋىنان كەيىن تراسسادا بارلىق تەحنيكالىق ەرەجەلەر ساقتال­عانىن ايتىپ: – جول وتە كۇردەلى, سوندىقتان جىگىتتەر ونى ويداعىداي ءجۇرىپ ءوتۋى ءۇشىن ۋاقىت كەرەك. مەن ءوز كومان­دامنىڭ كۇشىنە سەنەمىن, سوندىق­تان جەڭىس تۇعىرىنا كو­تەرى­لەتىنى­مىزگە سەنىمدىمىن, – دەگەن بولاتىن. – ازياداعا كوماندا قاي جەردە دايىندالدى؟ – نەگىزگى جارىستارعا ءبىز التايدا دايىندالدىق. ول جاقتا قار قالىڭ, قاناتتى جول دا جىلدام جۇرەدى, سوندىقتان التايدا جاتتى­عۋ وتە ىڭعايلى. ودان بولەك, وسكە­مەندە دە جاتتىعۋعا ىڭعايلى جوتالار بار. – جاز مەزگىلىندە قايدا جاتتىعاسىزدار؟ – شىعىس قازاقستاندا نەمەسە اۆستريادا. ايناش ەسالي. الماتى.