پاۆلودار. 25 مامىر. پاۆلوداردا بەس كولىك سوقتىعىسىپ, 1 ادام قازا تاپتى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وقيعا كەشە, ياعني 24 مامىر كۇنى, جەرگىلىكتى ۋاقىت بويىنشا ساعات 21:00-دە ورىن الدى. Chevrolet Aveo ماركالى كولىك مىنگەن ادام جول ەرەجەسىن ساقتاماي, قارسى بەتكە شىعىپ كەتكەن. وسىدان كەيىن بارىپ, Mitsubishi Montero Sport, Toyota Gaia, Toyota Chaizer جانە Peugeot 308 كولىكتەرىنە سوقتىعىستى.
جول-كولىك وقيعاسىنان Chevrolet Aveo ءاۆتوموبيلىنىڭ جۇرگىزۋشىسى قازا تاپتى. ال قالعاندارى زارداپ شەككەن جوق. قازىرگى تاڭدا اتالعان كولىك ايىپپۇل تۇراعىنا قويىلدى.
وسىعان بايلانىستى قىلمىستىق كودەكستىڭ 345 بابى بويىنشا سوت الدىنداعى تەرگەۋ امالدارى وتكىزىلۋدە, سوت-مەديتسينالىق ساراپتاما تاعايىندالدى.
فاريدا بىقاي.
دەرەك: پاۆلودار وبلىسى ىشكى ىستەر دەپارتامەنتىنىڭ ءباسپاسوز قىزمەتى.
فوتو: inform.kz.