وسكەمەن. 23 مامىر. شىعىس وڭىرىندە حح حالىقتىق سپورت ويىندارى وتۋدە. ەل تاۋەلسىزدىگىنىڭ 25 جىلدىعىنا ارنالعان ويىنداردا وبلىستىڭ اۋداندارى مەن قالالارىنان كەلگەن 19 كوماندا 16 سپورت ءتۇرى بويىنشا باق سىنايدى. بۇل تۋرالى شىعىس قازاقستان وبلىسى اقپارتتىق ورتالىعىنا سىلتەمە جاساعان egemen.kz ءتىلشىسى حابارلادى.
بيىلعى حالىقتىق سپورت ويىندارىنىڭ باعدارلاماسى ءتۇرلى ەتنوستاردىڭ 15 ويىنىنىڭ قوسىلۋىمەن ەرەكشەلەنىپ وتىر. بۇل ويىندارداعى ۇپايلار كيىز ۇيلەر بايقاۋىنىڭ ۇپايىنا قوسىلماق. سونىمەن قاتار, قالالىق يپپودروم اۋماعىندا ورنالاسقان ەتنواۋىلدا بالالاردىڭ سپورتتىق ويىندارىنا ارنالعان الاڭدار ورناتىلعان.
«ۆوستوك» ستاديونىندا كورەرمەندەردى حح حالىقتىق سپورت ويىنداردىڭ اشىلۋىمەن وبلىس اكىمى دانيال احمەتوۆ قۇتتىقتادى.
«ءداستۇرلى حالىقتىق سپورت ويىندارى – بۇكىل ايماق جۇرتشىلىعى اسىعا كۇتەتىن سپورت مەرەكەسى. دەنى ساۋ ۇلت – مەملەكەت تىرەگى. ەلباسى نۇرسۇلتان نازارباەۆ جۇرگىزىپ وتىرعان ساياساتتىڭ ارقاسىندا, حالقىمىزدىڭ دەنساۋلىعى مىقتى, ويى سەرگەك بولۋىنا, بۇقارالىق سپورتتىڭ دامۋىنا بارلىق جاعدايلار جاسالدى. وبلىسىمىزدا تۇرعىنداردى دەنە شىنىقتىرۋىمەن اينالىسۋعا شاقىرۋ بويىنشا اۋقىمدى جۇمىس اتقارىلىپ جاتىر. بارلىعى 3132 سپورت عيماراتتارى مەن 35 سپورت مەكتەبى حالىققا قىزمەت كورسەتەدى. بيىل سەمەي قالاسىندا جەكپە-جەك ورتالىعى مەن سپورتتا دارىندى بالالارعا ارنالعان ينتەرنات اشىلادى», – دەدى ايماق باسشىسى.
ويىن الاۋىن ۆولەيبولدان ۇلتتىق قۇراما كومانداسىنىڭ مۇشەلەرى, «التاي» ۆولەيبول كلۋبىنىڭ ويىنشىلارى دامير اكىموۆ پەن يننا ماتۆەەۆا جاقتى.
دۋمان اناش.
دەرەك, فوتو: شىعىس قازاقستان وبلىسى اقپارتتىق ورتالىعى.