تالدىقورعان. 23 مامىر. الماتى وبلىسى, سارىوزەك كەنتىندەگى اسكەري بولىمىندە عيمارتتا بولشەكتەۋ جۇمىستارى جۇرگىزىلىپ جاتقان كەزدە ءبىر قاتارداعى جاۋىنگەر قازا تاپتى. بۇل تۋرالى قورعانىس مينيسترلىگى ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى.
ءباسپاسوز قىزمەتىنىڭ حابارلاۋىنشا, 21 مامىر كۇنى عيماراتتا بولشەكتەۋ جۇمىستارىن جۇرگىزىپ جاتقان كەزدە قۇرىلىستىڭ ءبىر بولىگى قيراپ ءتۇسىپ, ونىڭ بولشەكتەرىنىڭ ءبىرى 12740 اسكەري ءبولىمنىڭ ساربازى ە. جاقاشەۆتىڭ ۇستىنە قۇلايدى. وسىنىڭ سالدارىنان اۋىر دەنە جاراقاتىن العان سولدات سارىوزەك اسكەري لازەرەتىندە قايتىس بولدى.
اتالمىش اسكەري ءبولىمنىڭ جەدەل قىزمەت اسكەري قىزمەتشىسى ەسكەندىر جاقاشەۆ1997 جىلى تۋعان. اسكەر قاتارىنا 2015 جىلى جامبىل وبلىسىنىڭ قورداي اۋدانىنان شاقىرىلعان. بولىمدە اتقىش-زەنيتشى قىزمەتىن اتقارعان.
«توتەنشە وقيعانىڭ باستى سەبەبى جۇمىس جۇرگىزۋ كەزىندە قاۋىپسىزدىك ەرەجەلەرىنىڭ ساقتالماۋى. قازىرگى ۋاقىتتا قازا تاپقان اسكەري قىزمەتشىنىڭ وتباسىنا بارلىق ماتەريالدىق تولەمدەر جۇزەگە اسىرىلدى», - دەلىنگەن حابارلامادا.
قارۋلى كۇشتەردىڭ ءتارتىپ جارعىسىنا سايكەس ماتەريالدار ءىس جۇرگىزۋ ءۇشىن اسكەري قۇقىق قورعاۋ ورگاندارىنا جىبەرىلدى.
نۇربول ءالدىباي.
دەرەك: قورعانىس مينيسترلىگىنىڭ ءباسپاسوز قىزمەتى.