اتىراۋ وبلىسىندا اۋدان اكىمى تاعايىندالدى

اتىراۋ. 23 مامىر. بۇگىن اتىراۋ وبلىسىنىڭ ماحامبەت اۋدانىنا جاڭا اكىم تاعايىندالدى. بۇل تۋرالى egemen.kz ءتىلشىسى حابارلادى. اتىراۋ وبلىسىنىڭ اكىمى نۇرلان نوعاەۆتىڭ وكىمىمەن ماحامبەت اۋدانىنىڭ اكىمى لاۋازىمىنا اليمۇحاممەد قۇتتىمۇرات ۇلى تاعايىندالدى. ول بۇعان دەيىن اتىراۋ وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قىزمەتىن اتقاردى. ول 1983 جىلى تۋعان. ءبىلىمى جوعارى: 2007 جىلى ك.جۇبانوۆ اتىنداعى مەملەكەتتىك ۋنيۆەرسيتەتىن, 2012 جىلى قازاقستان-رەسەي حالىقارالىق ۋنيۆەرسيتەتىن بىتىرگەن. ەكونوميست, يۋريسپرۋدەنتسيا باكالاۆرى ماماندىقتارىن مەڭگەرگەن. ەڭبەك جولىن 2004 جىلى «ارا-ا» سەرىكتەستىگىندە باستاعان. 2008-2010 جىلدارى – باتىس قازاقستان وبلىسى ەكونوميكا جانە بيۋدجەتتى جوسپارلاۋ باسقارماسىنىڭ باس مامانى, اكىم اپپاراتىنىڭ ەكونوميكا جانە بيۋدجەتتى جوسپارلاۋ ماسەلەلەرى بويىنشا باس مامانى بولىپ ىستەگەن. بۇدان كەيىنگى 2010-2012 جىلدارى باتىس قازاقستان وبلىسى اكىمى اپپاراتىنىڭ جالپى ءبولىم مەڭگەرۋشىسى, 2012 جىلدىڭ قاڭتارىنان تامىز ايىنا دەيىن – ورال قالاسى اكىمىنىڭ ورىنباسارى لاۋازىمىن اتقارعان. ال 2012-2013 جىلدارى – اتىراۋ وبلىسى اكىمى اپپاراتىنىڭ جەتەكشىسى, 2013 جىلدان وسى كەزگە دەيىن  اتىراۋ وبلىسى تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى بولدى. «قازاقستان كونستيتۋتسياسىنا 20 جىل» مەرەيتويلىق مەدالىمەن ماراپاتتالعان. جولداسبەك شوپەعۇل. دەرەك: egemen.kz.