قاراعاندى. 23 مامىر. قاراعاندى-تەمىرتاۋ باعىتىندا كەتىپ بارا جاتقان اۆتوبۋس ىشىندەگى ءبىر جولاۋشى «اۆتوبۋستى جارام» دەپ جۇرتتىڭ زارە-قۇتىن العان. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وقيعا تۋرالى كوندۋكتورىنان حاباردار بولعان پوليتسيا قىزمەتكەرلەرى 47 جولاۋشىسى بولعان اۆتوبۋستى ورتا جولدا توقتاتىپ, تەكسەرۋ جۇرگىزدى. تەكسەرۋ بارىسىندا ەشقانداي دا جارىلعىش زات تابىلمادى. ال ەلدىڭ زارەسىن ۇشىرىپ, ءتارتىپ ساقشىلارىن ابىگەرگە سالعان 38 جاستاعى ەر ادام ماس بولىپ شىقتى. ول ءوزىنىڭ بۇل ارەكەتكە نە ءۇشىن بارعانىن جارىتىپ تۇسىندىرە دە الماعان.
قازىرگى ۋاقىتتا كۇدىكتى ۋاقىتشا ۇستاۋ وقشاۋلاعىشىنا قامالدى. ونىڭ ۇستىنەن لاڭكەستىك اكت تۋرالى جالعان حابارلاما جاساعانى ءۇشىن قىلمىستىق ءىس قوزعالۋى مۇمكىن.
قايرات ءابىلدينوۆ.
دەرەك: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
فوتو: lezgi-yar.ru.