استانا. 23 مامىر. باتىس قازاقستان وبلىسى جانىبەك اۋدانىندا «باتىسسۋشار» رەسپۋبليكالىق مەملەكەتتىك كاسىپورنى جəنىبەك اۋداندىق پايدالانۋ ۋچاسكەسىنىڭ باسشىسى نۇرلان ءجۇنىسوۆ باستاعان اتالمىش مەكەمەنىڭ قىزمەتكەرلەرى جəنىبەك اۋدانىنان ۇلى وتان سوعىسىنان قالعان سنارياد تاۋىپ الدى. بۇل تۋرالى zhaikpress.kz-كە سىلتەمە جاساعان egemen.kz ءتىلشىسى حابارلادى.
ولار تاۋ اۋىلىنان سولتۇستىككە قاراي 5 شاقىرىم قاشىقتىقتا جىرا ەلدى مەكەنىنە كانال سۋىن جىبەرەتىن ارناسىنا جوندەۋ جۇمىسىن اتقارىپ جاتقاندا, əۋە بومباسىنا ۇقساس زاتتى كورەدى.
اتالعان زاتتىڭ سالماعى شامامەن ەلۋ كيلو, ۇزىندىعى – 89 سانتيمەتر, ديامەترى – 15 سانتيمەتر. سناريادقا ۇقساس زات كانال سۋى ىشىندە كوپ جاتىپ قالعاندىقتان, تات باسقان, ەشقانداي جازۋ كورىنبەيدى. سونىمەن قاتار, اۋىر زەڭبىرەك سناريادى بولۋى مۇمكىن دەگەن بولجام دا بار.
باتىس قازاقستان وبلىسى ىشكى ىستەر دەپارتامەنتىنىڭ ءباسپاسوز قىزمەتى قازىرگى تاڭدا سنارياد تابىلعان جەر قورشاۋعا الىنىپ, تەرگەۋ جۇمىستارى جۇرگىزىلىپ جاتقانىن حابارلادى.
ايتا كەتەيىك, ستالينگراد مايدانىنىڭ جاقىن تىلى بولعان جəنىبەك اۋدانىنان وسىعان دەيىن دە, ياعني 2008 جىلى جارىلماعان əۋە بومباسى تابىلىپ, اقتوبە قالاسىنان ارنايى ماماندار كەلىپ, زالالسىزداندىرعان.
ايان ءابدۋالي.
دەرەك, فوتو: zhaikpress.kz.